ହାଟଡିହୀ,୧୬l୪(ଶୁଭକାନ୍ତ ନାୟକ): କେନ୍ଦୁଝର ଜିଲା ହାଟଡିହୀ ବ୍ଲକ ଶାସଙ୍ଗ ପଞ୍ଚାୟତ ହାଇସ୍କୁଲର ଛାତ୍ରୀ ସାଇ ପ୍ରତୀକ୍ଷା ଜେନା ୧୭ ବର୍ଷରୁ କମ ବାଳିକା କ୍ରିକେଟ ଖେଳିବା ପାଇଁ ଚୟନ ହୋଇଛନ୍ତି l ସାଇ ପ୍ରତୀକ୍ଷା ଦଶମ ଶ୍ରେଣୀର ଛାତ୍ରୀ ହୋଇଥିବା ବେଳେ ହାଟଡିହୀ ପଞ୍ଚାୟତ କୁଣ୍ଡିସାହି ଗ୍ରାମର ଦେବାଶିଷ ଜେନାଙ୍କ ଝିଅ ।
ରୋହତକ ହରିୟାଣାରେ ଚଳିତ ମାସ ଏପ୍ରିଲ ୨୯ରୁ ଆସନ୍ତା ମେ ୩ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ନ୍ୟାଶନାଲ ସ୍କୁଲ ଗେମ୍ସରେ ସାଇ ପ୍ରତୀକ୍ଷା ଅଂଶ ଗ୍ରହଣ କରିବେ । ଏନେଇ ରାଜ୍ୟ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଚିଠି ନଂ.୯୫୯୫/୧୫ ଏପ୍ରିଲ ୨୦୨୬ ଅନୁଯାୟୀ ପ୍ରକାଶ ପାଇଛି ।
ସମଗ୍ର ରାଜ୍ୟରୁ ମୋଟ ୧୮ଜଣ ଛାତ୍ରୀ ଚୟନ ହୋଇଛନ୍ତି l କେନ୍ଦୁଝର ଜିଲା ହାଟଡିହୀ ବ୍ଲକରୁ ଜଣେ ଛାତ୍ରୀ ଚୟନ ହୋଇଥିବାରୁ ଜିଲା ପାଇଁ ଏହା ଏକ ଗର୍ୱ ଏବଂ ଗୌରବର ବିଷୟ। ସ୍କୁଲ ପ୍ରଧାନଶିକ୍ଷକ ରାଧାକୃଷ୍ଣ ପତି, ଖେଳ ଶିକ୍ଷକ ଶାନ୍ତନୁ ରାଉତ, ଶିକ୍ଷକ ଶିଶିର କୁମାର ବିଶ୍ୱାଳ, ପଦ୍ମନାଭ ପଣ୍ଡା, ଲକ୍ଷ୍ମୀକାନ୍ତ ମିଶ୍ର ପ୍ରମୁଖଙ୍କ ସମେତ ସମସ୍ତ କର୍ମଚାରୀ ଖୁସି ବ୍ୟକ୍ତ କରିବା ସହ ଛାତ୍ରୀଙ୍କ ଶୁଭ କାମନା କରିଛନ୍ତି।
