ନୂଆଦିଲ୍ଲୀ,୧୮।୨: ପୂର୍ବତନ ଭାରତୀୟ ଅଧିନାୟକ ବିରାଟ କୋହଲି ଏବେ ଫର୍ମରେ ନାହାନ୍ତି। ୨୦୧୯ଠାରୁ ସେ ଏପର୍ଯ୍ୟନ୍ତ ଗୋଟିଏ ହେଲେ ଶତକ ହାସଲ କରିପାରି ନାହାନ୍ତି। ଏଣୁ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ୧୦୦ ଶତକ ରେକର୍ଡ ନିକଟ ଭବିଷ୍ୟତରେ ଭାଙ୍ଗୁନାହିଁ। କିନ୍ତୁ କୋହଲିଙ୍କୁ ତାଙ୍କ ବ୍ୟାଟିଂ ରେକର୍ଡ ପାଇଁ ତେନ୍ଦୁଲକରଙ୍କ ସହ ତୁଳନା କରାଯାଏ। ଅନେକ ପ୍ରଶଂସକ ସଚିନଙ୍କ ସପକ୍ଷରେ ଯୁକ୍ତି କରୁଥିବା ବେଳେ ଯୁବ ପ୍ରଶଂସକମାନେ କୋହଲିଙ୍କୁ ଶ୍ରେଷ୍ଠ କୁହନ୍ତି। ପ୍ରଥମ ଥର ପାଇଁ ଏହି ପ୍ରଶ୍ନର ଉତ୍ତର ଦେଇଛନ୍ତି ମାଷ୍ଟର ବ୍ଲାଷ୍ଟର ସଚିନ।
ଆମେରିକାର ଜର୍ନାଲିଷ୍ଟ ଗ୍ରାହାମ ବେନସିଙ୍ଗର ତାଙ୍କର ୟୁଟ୍ୟୁବ ଚ୍ୟାନେଲରେ ଏକ ସାକ୍ଷାତ୍କାରରେ ତେନ୍ଦୁଲକରଙ୍କୁ ପ୍ରଶ୍ନ କରିଥିଲେ, “ସଚିନ ଓ କୋହଲିଙ୍କ ମଧ୍ୟରୁ କିଏ ଭଲ କ୍ରିକେଟ ଖେଳାଳି ?”। ଉତ୍ତରରେ ପୂର୍ବତନ ଭାରତୀୟ ଅଧିନାୟକ କହିଥିଲେ, ଆମ ଦୁହିଁଙ୍କୁ ଗୋଟିଏ ଦଳରେ ରଖିବା ଉପରେ କ’ଣ ଚିନ୍ତା କରୁଛନ୍ତି।
