ନୂଆଦିଲ୍ଲୀ,୩୦।୬: ଅଧ୍ୟାଦେଶକୁ ନେଇ କେନ୍ଦ୍ର ସରକାରଙ୍କ ସହ ଲଢି ଚାଲିଥିବା ଆମ ଆଦମୀ ପାର୍ଟି (ଏଏପି) ଶୁକ୍ରବାର ଏକ ବଡ ଘୋଷଣା କରିଛି। ଏଏପିର ମୁଖ୍ୟ ପ୍ରବକ୍ତା ସୌରଭ ଭରଦ୍ୱାଜ ଏକ ପ୍ରେସ କନଫରେନ୍ସରେ କହିଛନ୍ତି କି ଜୁଲାଇ ୩ରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ତାଙ୍କର ସମସ୍ତ କ୍ୟାବିନେଟ ମନ୍ତ୍ରୀ ଓ ବିଧାୟକଙ୍କ ସହ ଦଳ ମୁଖ୍ୟାଳୟରେ ଅଧ୍ୟାଦେଶର କପିକୁ ଜାଳିବେ। ଏହାପରେ ପୁଣି ୫ ଜୁଲାଇରେ ସମସ୍ତ ୭୦ ବିଧାନସଭା ଆସନରେ ଏହାକୁ ଜଳାଯିବ। ୬ ଜୁଲାଇରୁ ୧୩ ଜୁଲାଇ ପର୍ଯ୍ୟନ୍ତ ଦିଲ୍ଲୀର ସମସ୍ତ ଗଳି କନ୍ଦିରେ ଏହି ଅଧ୍ୟାଦେଶକୁ ଜଳାଯିବ। ସୌରଭ ଭରଦ୍ୱାଜ ଆହୁରି ମଧ୍ୟ କହିଛନ୍ତି ୭ ଉପାଧ୍ୟକ୍ଷ ଏହା ନିଶ୍ଚିତ କରିବେ ଯେ ଦିଲ୍ଲୀର ସମସ୍ତ ଅଞ୍ଚଳରେ ଅଧ୍ୟାଦେଶର କପି ଜଳାଯିବ।
ଏଏପି ନେତା କହିଛନ୍ତି ଯେ ଦିଲ୍ଲୀର ଲୋକମାନେ ଅରବିନ୍ଦ କେଜରିୱାଲଙ୍କୁ ୨୦୧୩ରେ ପ୍ରଥମ ଥର ପାଇଁ ସେମାନଙ୍କର ମୁଖ୍ୟମନ୍ତ୍ରୀ କରିଥିଲେ, ତାପରେ ତାଙ୍କୁ ୨୦୧୫ ଓ ୨୦୨୦ ରେ ପୁନର୍ବାର ନିର୍ବାଚିତ କରିଥିଲେ। ଏହା କୁହାଯାଇପାରେ ଯେ ତାଙ୍କ ନାମ ଦେଶର ସବୁଠାରୁ ପ୍ରସିଦ୍ଧ ମୁଖ୍ୟମନ୍ତ୍ରୀ ଭାବରେ ଗଣାଯାଏ। ଏହି ତିନୋଟି ନିର୍ବାଚନରେ ଭାଜପା ଏହାର କେନ୍ଦ୍ର ସହ ଜିଦ ଧରିଥିଲା, କିନ୍ତୁ କିଛି ହୋଇ ନ ଥିଲା। ଆଉ ଏବେ କେନ୍ଦ୍ର ସରକାର ଏହାର ପ୍ରତିଶୋଧ ନେବାକୁ ଚାହୁଁଛନ୍ତି। ଦିଲ୍ଲୀ ହେଉଛି ସମଗ୍ର ଦେଶରେ ଏକମାତ୍ର ରାଜ୍ୟ ଯେଉଁଠାରେ ବିଦ୍ୟାଳୟ ଓ ଚିକିତ୍ସା ମାଗଣାରେ ମିଳୁଛି, ଯେଉଁଥିପାଇଁ କେନ୍ଦ୍ର ସରକାର ଯନ୍ତ୍ରଣା ଭୋଗୁଛନ୍ତି।
