ୱାଶିଂଟନ,୧୧ ।୩: ଦୀର୍ଘ ଏକ ବର୍ଷରୁ ଅଧିକ ସମୟ ଧରି ରୁଷିଆ ଓ ୟୁକ୍ରେନ ମଧ୍ୟରେ ଲାଗି ରହିଥିବା ଯୁଦ୍ଧ ଯେମିତି ଶେଷ ହେବାର ନାଁ ନେଉନି । ଏହାରି ଭିତରେ ଏବେ ଆମେରିକା ଗୁଇନ୍ଦା ବିଭାଗ ବଡ ଦାବି କରିଛି । ଗୁଇନ୍ଦା ବିଭାଗ କହିଛି ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଯଦି ବିଜୟୀ ନ ହୁଅନ୍ତି ତେବେ ସେ ଯୁଦ୍ଧ ଶେଷ କରିବାକୁ ଓ ୟୁକ୍ରେନକୁ ନଷ୍ଟ କରିବାକୁ ନ୍ୟୁକ୍ଲିୟର ଆଟାକ କରିପାରନ୍ତି ।
ସୂଚନାଯୋଗ୍ୟ, ଆମେରିକା ଗୁଇନ୍ଦା ବିଭାଗ ମୁଖ୍ୟ ଇରୱିନ ହାଇନ୍ସ ଦାବି କରିଛନ୍ତି ଯେ ଦୀର୍ଘଦିନ ପର୍ଯ୍ୟନ୍ତ ଲାଗି ରହିଥିବା ଯୁଦ୍ଧ ଯୋଗୁ ରୁଷିଆର ଅନେକ କ୍ଷତି ହେଲାଣି । ଆଶଙ୍କା କରାଯାଉଛି କି ଏବେ ପର୍ଯ୍ୟନ୍ତ ରୁଷିଆ ଦେଢ ଲକ୍ଷରୁ ଅଧିକ ସେନାଙ୍କୁ ହରାଇ ସାରିଲାଣି । ଆର୍ଥିକ ଭାବେ କ୍ଷତି ଆହୁରି ଅଧିକ ହୋଇଛି ।
