ମୋହାଲି,୬।୩: ଶ୍ରୀଲଙ୍କା ବିପକ୍ଷରେ ଏକ ଇନିଂସ ଓ ୨୨୨ ରନ୍ର ବିରାଟ ବିଜୟ ସହ ଆରମ୍ଭ ହୋଇଛି ଅଧିନାୟକ ରୋହିତ ଶର୍ମା ଟେଷ୍ଟ କ୍ୟାରିୟର। ଅଧିନାୟକ ଭାବେ ପଦାର୍ପଣ ମ୍ୟାଚ୍କୁ ଏକ ଇନିଂସ ବ୍ୟବଧାନରେ ଜିତିବାରେ ରୋହିତ ଦ୍ୱିତୀୟ ଭାରତୀୟ। ତାଙ୍କ ପୂର୍ବରୁ ପ୍ରଥମ ଭାରତୀୟ ଭାବେ ୧୯୫୫ରେ ଏହି ସଫଳତା ପାଇଥିଲେ ପଲି ଉମରିଗର।
ମାତ୍ର ୮ ଟେଷ୍ଟରେ ଭାରତୀୟ ଦଳର ନେତୃତ୍ୱ ନେଇଥିବା ଉମରିଗର ଅଧିନାୟକ ଭାବେ ପଦାର୍ପଣ ମ୍ୟାଚ୍ରେ ନ୍ୟୁଜିଲାଣ୍ଡକୁ ଏକ ଇନିଂସ ଏବଂ ୨୭ ରନ୍ରେ ହରାଇଥିଲା ଟିମ୍ ଇଣ୍ଡିଆ।
ଉଲ୍ଲେଖଯୋଗ୍ୟ, ରବୀନ୍ଦ୍ର ଜାଡେଜା ଓ ରବିଚନ୍ଦ୍ରନ ଅଶ୍ୱିନଙ୍କ ଅଲରାଉଣ୍ଡ ପ୍ରଦର୍ଶନ ବଳରେ ଭାରତ ମ୍ୟାଚ୍କୁ ୩ ଦିନ ମଧ୍ୟରେ ଜିତି ନେଇଛି। ରବିବାର ଦୁଇ ଅଲରାଉଣ୍ଡର ୪ ଲେଖାଏ ଉଇକେଟ ନେଇ ଶ୍ରୀଲଙ୍କାକୁ ୧୭୮ ରନ୍ରେ ରୋକି ଦେଇଥିଲେ। ପ୍ରଥମ ଇନିଂସରେ ଜାଡେଜା ୫ ଉଇକେଟ ଅକ୍ତିଆର କରିବା ସହ ୧୭୫ ରନ୍ର ଅପରାଜିତ ପାଳି ଖେଳିଥିଲେ।
