ନୂଆଦିଲ୍ଲୀ,୩।୧୨: ଆହତ କାରଣରୁ ଅଷ୍ଟ୍ରେଲିଆ ବିପକ୍ଷ ଏକଦିବସୀୟ ଦଳର ଅଂଶ ହୋଇ ନ ଥିଲେ ଭାରତୀୟ ଓପନର୍ ରୋହିତ ଶର୍ମା । ଏହା ସତ୍ତ୍ୱେ ସେ ଏକଦିବସୀୟ କ୍ରିକେଟରେ ଭାରତ ପାଇଁ ଏକ ସ୍ବତନ୍ତ୍ର ରେକର୍ଡ ସୃଷ୍ଟି କରିଥିଲେ। ରୋହିତ ଶର୍ମା ଭାରତୀୟ ଖେଳାଳି ଭାବରେ ଚଳିତ ବର୍ଷ ଏକଦିବସୀୟ କ୍ରିକେଟରେ ସବୁଠୁ ବଡ ଇନିଂସ ଖେଳିଥିଲେ। ଅଷ୍ଟ୍ରେଲିଆ ବିପକ୍ଷରେ କୌଣସି ଭାରତୀୟ ବ୍ୟାଟ୍ସମ୍ୟାନ ଶତକ ହାସଲ କରିନାହାନ୍ତି। ଚଳିତ ବର୍ଷ ଜାନୁଆରୀରେ ବେଙ୍ଗାଲୁରୁରେ ଅଷ୍ଟ୍ରେଲିଆ ବିପକ୍ଷରେ ରୋହିତ ୧୧୯ ରନ ସଂଗ୍ରହ କରିଥିଲେ, ଯାହା ଚଳିତ ବର୍ଷ ଏକଦିବସୀୟ କ୍ରିକେଟରେ ଜଣେ ଭାରତୀୟଙ୍କ ଶ୍ରେଷ୍ଠ ଇନିଂସ ଥିଲା। ରୋହିତଙ୍କ ନାଁରେ ପୁଣିଥରେ ଗୋଟିଏ ବଡ କୀର୍ତ୍ତିମାନ ଯୋଡି ହୋଇଯାଇଛି। ସେ କ୍ରମାଗତ ୮ମଥର ପାଇଁ ଦିନିକିଆରେ ଭାରତ ପକ୍ଷରୁ ସର୍ବାଧିକ ବ୍ୟକ୍ତିଗତ ରନ ହାସଲ ଖେଳାଳି ଭାବେ ବର୍ଷ ଶେଷ କରିଛନ୍ତି। ପ୍ରମଥର ଯେ ରୋହିତ ଶର୍ମା ଭାରତ ପାଇଁ ସର୍ବାଧିକ ବ୍ୟକ୍ତିଗତ ସ୍କୋର କରି ବର୍ଷ ଶେଷ କରି ନାହାନ୍ତି। ଏହାକୁ ମିଶାଇ ୨୦୧୩ରୁ ରୋହିତ କ୍ରମାଗତ ୧ନଂ ସ୍ଥାନରେ ରହି ଆସୁଛନ୍ତି। ରୋହିତ ୨୦୧୩ରେ ୨୦୯, ୨୦୧୪ରେ ୨୬୪, ୨୦୧୫ରେ ୧୫୦, ୨୦୧୬ରେ ୧୭୧ ନଟଆଉଟ, ୨୦୧୭ରେ ୨୦୮ ନଟ ଆଉଟ, ୨୦୧୮ରେ ୧୫୨, ୨୦୧୯ରେ ୧୫୯ ଓ ୨୦୨୦ରେ ୧୧୯ ରନ କରିଥିଲେ। ସୂଚନାଯୋଗ୍ୟ, ରୋହି ଶର୍ମା ଆହତ କାରଣରୁ ଅଷ୍ଟ୍ରେଲିଆ ଏକଦିବସୀୟ ଏବଂ ଟି-୨୦ ସିରିଜ୍ରୁ ବାଦ୍ ପଡିଛନ୍ତି।
