ଟ୍ରେଣ୍ଟ ବ୍ରିଜ,୫।୮:ଏଠାରେ ଭାରତ ବିପକ୍ଷରେ ଚାଲିଥିବା ପ୍ରଥମ ଟେଷ୍ଟର ଦ୍ୱିତୀୟ ଦିନରେ ଇଂଲଣ୍ଡ ବୋଲରଙ୍କୁ ମିଳିଛି ପ୍ରଥମ ସଫଳତା। ଭାରତୀୟ ଓପନର ରୋହିତ ଶର୍ମା ୩୬ ରନ୍ କରି ଓଲି ରବିନସନଙ୍କ ବଲରେ ସାମ କୁରାନଙ୍କ ହାତରେ କ୍ୟାଚ୍ ଆଉଟ୍ ହୋଇ ପ୍ୟାଭିଲିଅନ ଫେରିଛନ୍ତି। ଆଉଟ୍ ହେବା ପୂର୍ବରୁ ରୋହିତ ଅନ୍ୟତମ ଓପନର ଲୋକେଶ ରାହୁଲଙ୍କ ସହ ମିଶି ଯୋଡ଼ିଥିଲେ ୯୭ ରନ୍। ଏବେ ୪୮ ରନ୍ରେ ଖେଳୁଛନ୍ତି ରାହୁଲ।
ରୋହିତଙ୍କ ଉଇକେଟ ସହ ଦ୍ୱିତୀୟ ଦିନର ପ୍ରଥମ ସେସନ ସମାପ୍ତି ଘୋଷଣା କରାଯାଇଛି। ମଧ୍ୟାହ୍ନ ଭୋଜନ ସୁଦ୍ଧା ଭାରତ ଏକ ଉଇକେଟ ହରାଇ ୯୭ ରନ୍ କରିଛି। ଦଳକୁ ପ୍ରଥମ ଇନିଂସରେ ଅଗ୍ରଣୀ ପାଇଁ ବଳକା ୯ ଉଇକେଟରେ ଆଉ ୮୭ ରନ୍ କରିବାକୁ ପଡ଼ିବ। ପୂର୍ବରୁ ଟସ୍ ଜିତି ପ୍ରଥମେ ବ୍ୟାଟିଂ କରିଥିବା ଇଂଲଣ୍ଡ ମାତ୍ର ୧୮୩ ରନ୍ରେ ଅଲଆଉଟ୍ ହୋଇଯାଇଥିଲା।
