ଲଣ୍ଡନ,୨୯ ।୧୧: ବ୍ରିଟେନ ପ୍ରଧାନମନ୍ତ୍ରୀ ତଥା ମୂଳ ଭାରତୀୟ ଋଷି ସୁନକ ଭାରତ ସହ ମୁକ୍ତ ବ୍ୟାପାରା ଚୁକ୍ତିନାମା(ଏଫଟିଏ) ପାଇଁ ବ୍ରିଟେନର ପ୍ରତିବଦ୍ଧତାକୁ ଦୋହରାଇଛନ୍ତି । ସେ କହିଛନ୍ତି ହିନ୍ଦ-ପ୍ରଶାନ୍ତ କ୍ଷେତ୍ର ସହ ସମ୍ପର୍କକୁ ବୃଦ୍ଧି କରିବାକୁ ଆମେ ସମ୍ପୂର୍ଣ୍ଣ ଭାବେ ପ୍ରତିବଦ୍ଧ । ଏହାର ଅଂଶ ଭାବେ ଭାରତ ସହ ଏକ ନୂଆ ଏଫଟିଏ ଆଣିବାକୁ ବିଚାର ଚାଲିଛି ।
ସୋମବାର ରାତିରେ ଲଣ୍ଡନର ଲର୍ଡ ମେୟରଙ୍କ ଦ୍ୱାରା ଆୟୋଜିତ ଔପଚାରିକ ଭୋଜନ ସମୟରେ ନିଜ ଭାଷଣରେ ଋଷି ସୁନକ ତାଙ୍କ ଲିଗାସି ବିଷୟରେ ପ୍ରତିଫଳିତ କରିଛନ୍ତି ଏବଂ ସାରା ବିଶ୍ୱରେ ବ୍ରିଟିଶ ମୂଲ୍ୟବୋଧକୁ ‘ସ୍ୱାଧିନତା ଓ ମୁକ୍ତତା’କୁ ପ୍ରୋତ୍ସାହିତ କରିବାକୁ ସେ ପ୍ରତିଶୃତି ବଦ୍ଧ ବୋଲି କହିଛନ୍ତି । ଗତ ମାସରେ ୧୦ ଡାଉନିଂ ଷ୍ଟ୍ରିଟରେ କାର୍ଯ୍ୟଭାର ଗ୍ରହଣ କରିବା ପରଠାରୁ ଏହା ତାଙ୍କର ପ୍ରମୁଖ ବୈଦେଶିକ ନୀତି ସମ୍ପର୍କିତ ଭାଷଣ ଥିଲା ।
ଚାଇନା ମାମଲାରେ ଭିନ୍ନ ଭିନ୍ନ କାର୍ଯ୍ୟ କରିବାକୁ ସେ ନିଜର ପ୍ରତିବଦ୍ଧତାକୁ ବି ଦୋହରାଇଛନ୍ତି । ସୁନକ କହିଛନ୍ତି ଯେ ରାଜନୀତିରେ ଯୋଗଦେବା ପୂର୍ବରୁ ସେ ସାରା ବିଶ୍ୱରେ ବ୍ୟବସାୟରେ ପୁଞ୍ଜି ବିନିଯୋଗ କରିଥିଲେ ଏବଂ ବର୍ତ୍ତମାନ ଭାରତ-ପ୍ରଶାନ୍ତ ମହାସାଗରରେ ଏହି ସୂଯୋଗ ପାଇବା ବଡ କଥା ।
