୧୮୭୪ ମସିହା ଠିକ୍ ଆଜିର ଦିନରେ ୟୁନିଭର୍ସାଲ ପୋଷ୍ଟାଲ ୟୁନିୟନ ପ୍ରତିଷ୍ଠା କରିବାକୁ ୨୨ ଦେଶ ସହମତି ପ୍ରକାଶ କରିଥିଲେ । ଏହାପରେ ୧୯୬୯ରେ ଜାପାନର ଟୋକିଓରେ ଏକ ଆୟୋଜନ କରାଯାଇଥିଲା । ଏଥିରେ ଅକ୍ଟୋବର ୯କୁ ବିଶ୍ୱ ଡାକ ଦିବସ ଭାବେ ପାଳନ କରିବାକୁ ନିଷ୍ପତ୍ତି ନିଆଯାଇଥିଲା । ଏହାର ଉଦ୍ଦେଶ୍ୟ ଥିଲା ଲୋକମାନଙ୍କୁ ଡାକସେବା ସହ ଜୋଡିବା ଓ ଏହା ସମ୍ପର୍କରେ ଅଧିକ ଜାଣିବା । ଏବେ ବିଶ୍ୱରେ ପ୍ରାୟ ୧୪୨ ଦେଶରେ ପୋଷ୍ଟାଲ କୋର୍ଡ ରହିଛି । ଯାହା ୟୁନିଭର୍ସାଲ ପୋଷ୍ଟାଲ ସେବା ଅଧିନରେ ଅସୁଛି । ଦେଶରେ ପିନ୍ କୋର୍ଡ ଆଧାରରେ ଚିଠି ବଣ୍ଟାଯାଇଥିବା କଥା ସମସ୍ତେ ଜାଣନ୍ତି । ତେବେ ଏହି ପିନ୍ କୋର୍ଡ ପ୍ରଥମେ ୧୫ ଅଗଷ୍ଟ ୧୯୭୨ରେ ହୋଇଥିଲା । ପିନ୍ର ପ୍ରଥମ ସଂଖ୍ୟରୁ ଅଞ୍ଚଳ, ଦ୍ୱିତୀୟ ସଂଖ୍ୟାରୁ ଡିଭିଜନ ଓ ତୃତୀୟ ସଂଖ୍ୟାରୁ ଜିଲା ଜଣାପଡିଥାଏ । ଆଉ ଶେଷ ସଂଖ୍ୟାରୁ ଏହା କେଉଁ ପୋଷ୍ଟ ଅଫିସକୁ ଯିବ ତାହା ଜଣାପଡିଥାଏ । ଦେଶରେ ଦେଢ ଲକ୍ଷରୁ ଅଧିକ ପୋଷ୍ଟ ଅଫିସ ଏବେ କାର୍ଯ୍ୟ କରୁଥିବା କୁହାଯାଏ । ସବୁଠାରୁ ଆଶ୍ଚର୍ଯ୍ୟର କଥା ହେଉଛି ରିପବ୍ଲିକ୍ ଅଫ୍ ଭାନୁଅତୁରେ ପୋଷ୍ଟ ଅଫିସ ପାଣି ଭିତରେ ଅବସ୍ଥିତ ବୋଲି କୁହାଯାଏ । ଗ୍ରାଉଣ୍ଡ ଲେବଲରୁ ୯ ଫୁଟ ତଳେ ବସିଥିବା ଏହି ପୋଷ୍ଟ ଅଫିସରେ ମାଛଙ୍କ ମଧ୍ୟରେ ଏକ ପୋଷ୍ଟ ବକ୍ସ ରଖାଯାଇଛି ଯାହା ୱାଟର ପ୍ରୁଫ । ତେବେ ସେଠାକାର ଅଧିକାଂଶ ଲୋକେ ସୁଇମିଂ ଜାଣିଥିବାରୁ ଖୁବ୍ କମ୍ ଦିନ ମଧ୍ୟରେ ଏହି ବାକ୍ସଟି ଭର୍ତ୍ତି ହୋଇଯାଇଥାଏ । ଉକ୍ତ ଦେଶର ସରକାର ଡାକ ସେବାକୁ ଏକ ଆଡଭେଞ୍ଚର ଆକ୍ଟିଭିଟି ଭାବେ ଗ୍ରହଣ କରି ଥିବାରୁ ସ୍କୁବା ଡାଇଭର ମାନେ ବିଶେଷ ଭାବେ ଏଠାରେ ଚିଠି ପୋଷ୍ଟ କରିଥାଆନ୍ତି ବୋଲି କୁହାଯାଏ ।
