ଭୁବନେଶ୍ୱର, ୩ା୧୦:ରେନୋଇଣ୍ଡିଆ ପକ୍ଷରୁ ନୂଆ ଟ୍ରାଇବର ୧୦୦ ପିଏସ୍ ଉନ୍ମୋଚନ ହୋଇଯାଇଛି। ଏଥିସହ ଭାରତରେ କମ୍ପାନୀର ରେନୋ ଗ୍ରୁପ୍ ଏଣ୍ଟ୍ରି ପ୍ଲାଟ୍ଫର୍ମ (ଆର୍ଜିଇପିି)ର ଶୁଭାରମ୍ଭ ହୋଇଛି। ଗ୍ରାହକମାନଙ୍କ ପାଇଁ ପ୍ରସ୍ତୁତ କରାଯାଇଥିବା ଟ୍ରାଇବର ୧୦୦ ପିଏସ୍ରେ ମଡ୍ୟୁଲାର ୭-ସିଟ୍ ଓ ଏକ ୧୦୦ ପିଏସ୍ ଟର୍ବୋଚାର୍ଜଡ ପାୱାରଟ୍ରେନ୍ ରହିଛି। ଏହା ୭.୮୪ ଲକ୍ଷ ଟଙ୍କାର ଏକ୍ସ-ରୁମ୍ ମୂଲ୍ୟରେ ଉପଲବ୍ଧ। କମ୍ପାନୀର ପ୍ରଥମ ଆର୍ଜିଇପି ଉତ୍ପାଦ ଭାବେ ଏହାକୁ ଭବିଷ୍ୟତର ଗମନାଗମନ ଓ ପାୱାରଟ୍ରେନ୍ ସମାଧାନକୁ ନଜରରେ ରଖି ପ୍ରସ୍ତୁତ କରାଯାଇଛି। ଏଥିରେ କେବଳ ଉନ୍ନତ ପାୱାରଟ୍ରେନ୍ ବ୍ୟବହାର କରାଯାଇନାହିଁ, ବରଂ ଏହାକୁ ପୁନଃ ଇଞ୍ଜିନିୟରିଂ କରାଯାଇଛି । ଏହାର ଇଞ୍ଜିନ ପରିଚାଳନା, ଥର୍ମାଲ ସିଷ୍ଟମ, ଚେସିସ୍ ଟ୍ୟୁନିଂ ଓ ଢାଞ୍ଚାରେ ବ୍ୟାପକ ଉନ୍ନତି ଅଣାଯାଇଛି। ଟ୍ରାଇବର ୧୦୦ ପିଏସ୍ରେ ବ୍ୟବହାର କରାଯାଇଥିବା ଟିସିଇ ୧୦୦ ଇଞ୍ଜିନ ୧୦୦ ପିଏସ୍ ଓ ୧୮୦ ଏନ୍ଏମ୍ ଟର୍କ ଉତ୍ପନ୍ନ କରୁଛି ଯାହା ବିଭିନ୍ନ ସଡ଼କ ସ୍ଥିତିରେ ଉନ୍ନତ ଗାଡ଼ିଚାଳନା ସୁବିଧା ପ୍ରଦାନ କରୁଛି । ନୂଆ ରେନୋ ଇଞ୍ଜିନ ପରିଚାଳନା ସିଷ୍ଟମ (ଆଇ୍ଏମ୍ଏସ୍) ମଧ୍ୟ ଏଥିରେ ରହିଛି। ଏ ସମ୍ପର୍କରେ ରେନୋ ଇଣ୍ଡିଆର ଉପସଭାପତି-ସେଲ୍ସ ଓ ମାର୍କେଟିଂ ଫ୍ରାସିସ୍କୋ ହିଡାଲ୍ଗୋ କହିଛନ୍ତି, ଟ୍ରାଇବର ୧୦୦ ପିଏସ୍ ରେନୋଇଣ୍ଡିଆର ଉତ୍ପାଦ ରୋଡ୍ମ୍ୟାପ୍ରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଏବଂ ଭାରତୀୟ ଗ୍ରାହକଙ୍କ ପାଇଁ ବ୍ୟବହାରିକ, ସୁଲଭ ଓ ପ୍ରାସଙ୍ଗିକ ନବସୃଜନର ଏକ ଦୃଢ଼ ପ୍ରତିଫଳନ ।
