ଆପଣ ଅନେକ ଚଟଣୀ ଖାଇଥିବେ, ଯେପରିକି ଟମାଟୋ ଚଟଣୀ ଖଜୁରୀ ଚଟଣୀ, ଆମ୍ବ ଚଟଣୀ, ଧନିଆ ଚଟଣୀ ଇତ୍ୟାଦି। ମାତ୍ର ଆଜି ଏକ ଭିନ୍ନ ଚଟଣୀ ବିଷୟରେ କହିବୁ ଯାହାକି ପିମ୍ପୁଡ଼ିରୁ ପ୍ରସ୍ତୁତ ଚଟଣୀ। ଏହି ପିମ୍ପୁଡ଼ି ସାଧାରଣତଃ ଶୀତଦିନରେ ଜଙ୍ଗଲିଆ ଗଛରେ ଦେଖାଦେଇଥାନ୍ତି।
ଆଦିବାସୀ ସମାଜର ଲୋକଙ୍କ କହିବା ଅନୁଯାୟୀ, ଶୀତଦିନରେ ଏହି ଚଟଣୀ ଖିଆଯାଏ। ଏହା ଖାଇବା ଦ୍ୱାରା ଶୀତ ଲାଗେ ନାହିଁ। ଭୋକ ମଧ୍ୟ ବଢ଼ିଥାଏ। ଏଥିରେ ଟେଟେରିକ୍ ଏସିଡ୍ ରହିଛି। ଯାହା ଶରୀର ପାଇଁ ବେଶ୍ ଲାଭଦାୟକ। ଜାମସେଦପୁରରୁ ପ୍ରାୟ ୭୦ କିଲୋମିଟର ଚାକୁଲିଆ ଜିଲାର ମଟକୁରବା ଗାଁ। ଯେଉଁଠି ଅଧିକାଂଶ ଆଦିବାସୀ ପରିବାର ଲୋକ ବସବାସ କରିଥାନ୍ତି। ଘଞ୍ଚ ଜଙ୍ଗଲ ମଧ୍ୟରେ ଅବସ୍ଥିତ ଏହି ଗାଁ ବିକାଶଠାରୁ ବହୁ ଦୂରରେ। ଆଦିବାସୀମାନେ କୁହନ୍ତି, ଅଧିକ ଥଣ୍ଡା ପଡ଼ିଲେ ଏହି ପିମ୍ପୁଡ଼ି ଗଛ ଉପରେ ଦେଖାଦେଇଥାନ୍ତି। ସେମାନେ ଗଛରେ ଚଢ଼ି ପିମ୍ପୁଡ଼ିକୁ ଧରିଥାନ୍ତି।
ଘରେ ମହିଳାମାନେ ଏହାକୁ ଶିଳରେ ବାଟି ଏଥିରେ ଲୁଣ, ଲଙ୍କା, ଅଦା, ରସୁଣ ମିଶାଇ ଚଟଣୀ ପ୍ରସ୍ତୁତ କରିଥାନ୍ତି। ପ୍ରାୟ ୩୦ ମିନିଟ୍ ବାଟିବା ପରେ ପିମ୍ପୁଡ଼ିଗୁଡ଼ିକ ଭଲ ଭାବେ ମିକ୍ସ ହୋଇଯାନ୍ତି। ଘରର ସମସ୍ତ ସଦସ୍ୟ ପତ୍ର ଠୋଲାରେ ଖାଇ ଏହାର ମଜା ନେଇଥାନ୍ତି। ଛୋଟଠୁ ବୟସ୍କ ପର୍ଯ୍ୟନ୍ତ ସମସ୍ତେ ଖାଇଥାନ୍ତି।
ସେମାନେ କୁହନ୍ତି, ବର୍ଷକୁ ଥରେ ଏହି ପିମ୍ପୁଡ଼ି ପ୍ରଚୁର ପରିମାଣରେ ଦେଖାଦେଇଥାନ୍ତି। ତାଙ୍କର ପୂର୍ବପୁରୁଷମାନେ ଏହି ପିମ୍ପୁଡ଼ି ଚଟଣୀ କରି ଖାଉଥିଲେ। ଏବେ ସେମାନେ ଖାଉଛନ୍ତି। ପୂର୍ବୀ ସିଂ ନାମକ ଜଣେ ମହିଳା କୁହନ୍ତି, ଏହି ଚଟଣୀ ଖାଇବାକୁ ବହୁତ ସ୍ବାଦିଷ୍ଟ। ଏହାକୁ ଲୋକେ କୁର୍କୁ ମଧ୍ୟ କୁହନ୍ତି।
