ବିନା ପାଠ୍ୟପୁସ୍ତକରେ ପାଠପଢ଼ା

ନୟାଗଡ଼,୨୯।୯(ଲୋକନାଥ ମିଶ୍ର): ଅନୁସୂଚିତ ଜନଜାତି(ଏସ୍‌ଟି) ଓ ଅନୁସୂଚିତ ଜାତି(ଏସ୍‌ସି) ଉନ୍ନୟନ ବିଭାଗ ଦ୍ୱାରା ପରିଚାଳିତ ନୟାଗଡ଼ ଜିଲା ଦଶପଲ୍ଲା ବ୍ଲକ ଟାକରାଠାରେ ଥିବା ହାଇସ୍କୁଲର ଛାତ୍ରୀଛାତ୍ରଙ୍କ ସହ ସ୍କୁଲ କର୍ତ୍ତୃପକ୍ଷ ଖେଳ ଖେଳୁଥିବା ଅଭିଯୋଗ ହୋଇଛି। ଏଠାରେ ପ୍ରଥମରୁ ଦଶମ ଶ୍ରେଣୀ ପର୍ଯ୍ୟନ୍ତ ୩୦୯ ଛାତ୍ରୀଛାତ୍ର ପାଠ ପଢ଼ୁଥିବାବେଳେ ପ୍ରାୟ ୨୫୦ରୁ ଊର୍ଦ୍ଧ୍ୱ ଅନ୍ତେବାସୀ ହଷ୍ଟେଲରେ ରହୁଛନ୍ତି। ତେବେ ଷଷ୍ଠରୁ ନବମ ଶ୍ରେଣୀ ପର୍ଯ୍ୟନ୍ତ ଅଧିକାଂଶ ଛାତ୍ରୀଛାତ୍ର ବିନା ବହିରେ ପାଠ ପଢ଼ୁଛନ୍ତି। ସରକାରଙ୍କ ତରଫରୁ ମିଳିଥିବା ବହି ଉଇ ଖାଇ ଯାଇଥିବାବେଳେ କେତେଜଣ ଛାତ୍ରୀଛାତ୍ରଙ୍କୁ ଗତ ବର୍ଷର ପୁରୁଣା ଚିରା ବହି ବଣ୍ଟନ ହୋଇଛି। ଛାତ୍ରୀଛାତ୍ର ବହି ପାଇ ନ ଥିବାବେଳେ ସ୍କୁଲ କର୍ତ୍ତୃପକ୍ଷ ଜିଲା ମଙ୍ଗଳ କାର୍ଯ୍ୟାଳୟକୁ ଅବଗତ କରାଇ ନାହାନ୍ତି। ଶିକ୍ଷାବର୍ଷର ୬ମାସ ଶେଷ ହେବାକୁ ଯାଉଥିବାବେଳେ ସଭିଏଁ ପଢ଼ିବେ ସଭିଏଁ ବଢ଼ିବେ ଓ ୫-ଟି ଯୋଜନା ଏଠାରେ ପ୍ରହସନ ପାଲଟିଛି। ଅନ୍ୟପକ୍ଷେ ହଷ୍ଟେଲରେ ରହୁଥିବା ଅନ୍ତେବାସୀ ନଦୀରେ ଗାଧୋଉଛନ୍ତି। ସେମାନଙ୍କ ଲାଗି ଶୌଚାଳୟ ବ୍ୟବସ୍ଥା କରାଯାଉ ନାହିଁ। ପୁଣି ସ୍କୁଲରେ ପାନୀୟ ଜଳ ସମସ୍ୟା ଲାଗି ରହିଛି। ଖରାଦିନେ ଏହା ଉକତ୍ଟ ରୂପ ଧାରଣ କରୁଛି। ବହି ପାଇ ନ ଥିବା ସଂକ୍ରାନ୍ତରେ ସ୍କୁଲର ଅନେକ ଛାତ୍ରୀଛାତ୍ର ଅଭିଯୋଗ କରିଛନ୍ତି। ଅଧିକାଂଶ ଛାତ୍ରୀଛାତ୍ର ପାଠପଢ଼ା ନେଇ ମଧ୍ୟ ପ୍ରଶ୍ନ ଉଠାଇଛନ୍ତି। ଏସ୍‌ସି ଏସ୍‌ଟି ସ୍କୁଲର ଗ୍ରାଉଣ୍ଡ ଜିରୋ ରିପୋର୍ଟକୁ ଅନୁଧ୍ୟାନ କଲେ ସ୍କୁଲ କର୍ତ୍ତୃପକ୍ଷଙ୍କ ଅବହେଳା ବାରିହୋଇ ପଡୁଛି।
ଅଭିଭାବକଙ୍କୁ ନ ଡାକି ସମାବେଶ : ଟାକରା ହାଇସ୍କୁଲରେ ଗୁରୁବାର ଅଭିଭାବକ ଆମର ଅଂଶୀଦାର ସମାବେଶ ଅନୁଷ୍ଠିତ ହୋଇଯାଇଛି। ଆମେ ଜାଣିବା ଓ ଆମେ ଜିଣିବା ନେଇ ଏହି କାର୍ଯ୍ୟକ୍ରମରେ ସମସ୍ତ ଅଭିଭାବକମାନଙ୍କୁ ସୂଚନା ଦିଆଯାଇ ନ ଥିବା ଅଭିଯୋଗ ହୋଇଛି। ଏପରି କି ସ୍କୁଲ ପରିଚାଳନା କମିଟି ଅଧ୍ୟକ୍ଷ ଓ ସଭ୍ୟଙ୍କୁ ମଧ୍ୟ ସମାବେଶ ନେଇ ସୂଚନା ଦିଆଯାଇନାହିଁ। ଏନେଇ ଅଭିଭାବକ ପ୍ରତାପ କଅଁର କୁହନ୍ତି, ପୁଅ ନବମରେ ପଢ଼ୁଛି। ବହି ନ ମିଳିବାରୁ ବାହାରୁ କିଣିଲି। ଅନ୍ୟ ପିଲାମାନେ ବହି ପାଇଁ ହଇରାଣ ହେଉଛନ୍ତି। ସ୍କୁଲ ପରିଚାଳନା କମିଟି ଅଧ୍ୟକ୍ଷ ବାନାମ୍ବର ନାୟକ କୁହନ୍ତି, ଅଭିଭାବକ ଆମର ଅଂଶୀଦାର ସମାବେଶକୁ ଆମକୁ ଡକାଯାଇନାହିଁ। ପ୍ରଧାନଶିକ୍ଷକ କାହିଁକି ଡାକି ନାହାନ୍ତି ମୁଁ ଜାଣିନି। ତେବେ ସମାବେଶ ନେଇ ନ ଡାକିବାର କାରଣ ଗତ ୯ ତାରିଖରେ ବୈଠକ ହୋଇପାରେ ବୋଲି ଅନୁମାନ କରୁଛି। ଷଷ୍ଠ, ସପ୍ତମ, ଅଷ୍ଟମ ଓ ନବମ ଶ୍ରେଣୀର ୪୦ ପ୍ରତିଶତ ଛାତ୍ରୀଛାତ୍ର ପାଠ୍ୟ ପୁସ୍ତକ ପାଇ ନ ଥିବା ଗତ ବୈଠକରେ ଉପସ୍ଥାପନ କରିଥିଲି। ଦଶମ ଶ୍ରେଣୀ ଛାତ୍ରୀଛାତ୍ରଙ୍କୁ ପୁରୁଣା ନୂଆ ମିଶାଇ ପୁସ୍ତକ ଦିଆଯାଇଛି। ଏହାପରେ ପ୍ରଧାନଶିକ୍ଷକ ଛାତ୍ରୀଛାତ୍ରଙ୍କୁ ପଚରାଉଚୁରା ପରେ ବହି ମିଳି ନ ଥିବା ଜଣାପଡିଥିଲା। କମ୍ପୋଜିଟ୍‌ ଟ୍ୟାଙ୍କ ସମେତ ଉନ୍ନୟନ କାମ ନେଇ ଆଲୋଚନା ହୋଇଥିଲା। ଏଥିପାଇଁ ବୋଧେ ସେ ଉକ୍ତ ସମାବେଶକୁ ଡାକିନାହାନ୍ତି। ପ୍ରଧାନ ଶିକ୍ଷକ କୁହନ୍ତି, ୫ମାସ ହେଲା ସ୍କୁଲରେ ଯୋଗ ଦେଇଛି। ଅଭିଭାବକ ଆମର ଅଂଶୀଦାର ସମାବେଶକୁ ଆସିବା ପାଇଁ ସମସ୍ତ ଅଭିଭାବକ ଓ ସ୍କୁଲ ପରିଚାଳନା କମିଟି ସଭ୍ୟ ଓ ଅଧ୍ୟକ୍ଷଙ୍କୁ ଅବଗତ କରାଯାଇଥିଲା। ହେଲେ ୩୦୯ ଅଭିଭାବକଙ୍କ ମଧ୍ୟରୁ ପ୍ରାୟ ୧୫୦ ଅଭିଭାବକ ଆସିଥିଲେ। ସବୁ ଅଭିଭାବକ ତ ଆସିବା ସମ୍ଭବ ନୁହେଁ। ପରିଚାଳନା କମିଟି ଅଧ୍ୟକ୍ଷଙ୍କ ଘରକୁ ଯାଇ ନିମନ୍ତ୍ରଣ କରିଛି। ଗତ ପରିଚାଳନା ବୈଠକରେ ମଧ୍ୟ ଅବଗତ କରାଇଥିଲି। ଅନ୍ୟପକ୍ଷେ ଛାତ୍ରୀଛାତ୍ରଙ୍କ ପାଇଁ ଆବଶ୍ୟକ ଅନୁଯାୟୀ ବହି ଆସି ନ ଥିଲା। ଏଣୁ ଗତ ବର୍ଷ ଛାତ୍ରୀଛାତ୍ରଙ୍କଠାରୁ ଆଦାୟ ହୋଇଥିବା କିଛି ପୁରୁଣା ବହି ମଧ୍ୟ ଛାତ୍ରୀଛାତ୍ରଙ୍କୁ ବଣ୍ଟନ କରାଯାଇଥିଲା। ପୁରୁଣା ବହି ବାଣ୍ଟିବା ଆଇନରେ ନ ଥିବାବେଳେ ପିଲାମାନଙ୍କ ପାଠକୁ ଦୃଷ୍ଟିରେ ରଖି ବଣ୍ଟନ ହୋଇଛି। ବହି ଉଇ ଖାଇବା ନେଇ କହିଥିଲେ କରୋନା କଟକଣା ସମୟରେ ବହୁ ବହି ଉଇ ଖାଇ ଯାଇଥିଲା। ବହିର ଆୟୁଷ ୧ବର୍ଷ। ଏବର୍ଷ କିଛି ଉଇ ଖାଇନି। ସ୍କୁଲର ପାଣି ସମସ୍ୟା, ପିଲା ନଦୀରେ ଗାଧୋଇବା, ବହି ସମସ୍ୟା ନେଇ ଜିଲା ମଙ୍ଗଳ ଅଧିକାରୀଙ୍କୁ ଅବଗତ କରାଇଛି। ଜିଲା ମଙ୍ଗଳ ଅଧିକାରୀ ଦୟାନିଧି ନାୟକ କୁହନ୍ତି, ଟାକରା ହାଇସ୍କୁଲର ଛାତ୍ରୀଛାତ୍ର ବହି ନ ପାଇବା, ନଦୀରେ ଗାଧୋଇବା, ପାଣି ସମସ୍ୟା, ଅଭିଭାବକ ଆମର ଅଂଶୀଦାର ସମାବେଶରେ ସବୁ ଅଭିଭାବକ ଓ ପରିଚାଳନା କମିଟି ସଦସ୍ୟ ଓ ଅଧ୍ୟକ୍ଷଙ୍କୁ ନ ଡାକିବା ନେଇ ମୁଁ ଅବଗତ ନ ଥିଲି। ତେବେ ଏନେଇ ଆଲୋଚନା ପରେ ପଦକ୍ଷେପ ନେବି ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

IPL 2027 trade: ରାଜସ୍ଥାନ ରୟାଲ୍ସରୁ ଖେଳିବେ ଶାମି, ସାମ୍‌ କୁରାନଙ୍କୁ କିଣିଲା…

ନୂଆଦିଲ୍ଲୀ,୧୭ା୧୧: ଇଣ୍ଡିଆନ ପ୍ରିମିୟର ଲିଗ୍‌ (ଆଇପିିଏଲ୍‌) ୨୦୨୭ ସିଜନରେ ରାଜସ୍ଥାନ ରୟାଲ୍ସରୁ ଖେଳିବେ ଭେଟେରାନ ଭାରତୀୟ ପେସ୍‌ ବୋଲର ମହମ୍ମଦ ଶାମି। ସେ ଲକ୍ଷ୍ନୌ ସୁପର ଜାଏଣ୍ଟ୍ସରୁ…

ସନ୍ୟାସକୁ ନେଇ ଭାବୁକ ହେଲେ ଧୋନୀ, ସୋସିଆଲ ମିଡିଆରେ ଭିଡିଓ ଛାଡି କଲେ ବଡ଼ ଘୋଷଣା

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ, ମହାନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସନ୍ନ୍ୟାସର ଘୋଷଣା କରିସାରିଥିଲା। ଯାହାପରେ ସମସ୍ତେ ଧୋନୀଙ୍କ ସୋସିଆଲ ମିଡିଆ ପୋଷ୍ଟକୁ ଅପେକ୍ଷା କରି…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ବୈଭବ ସୂର୍ଯ୍ୟବଂଶୀଙ୍କୁ ମିଳିବ ୧୧କୋଟି ଦରମା? ଆଇପିଏଲ ୨୦୨୭ ରେ ମିଳିବ କୋଟି କୋଟି ଟଙ୍କା!

ନୂଆଦିଲ୍‌ଲୀ,୧୭।୧୧: ବୈଭବ ସୂର୍ଯ୍ୟବଂଶୀଙ୍କୁ ରାଜସ୍ଥାନ ରୟାଲ୍ସ ୨୦୨୫ ମେଗା ଅକ୍ସନରେ ୧ କୋଟି ୧୦ ଲକ୍ଷ ଟଙ୍କାରେ କିଣିଥିଲା। ସେତେବେଳେ ବୈଭବଙ୍କ ବୟସ ୧୪ ବର୍ଷ ଥିଲା,…

VIDEO: CSK ମାଲିକାଣୀଙ୍କ ବଡ଼ ଖୁଲାସା, ଧୋନୀ ହିଁ କହିଥିଲେ ସନ୍ୟାସ ନେବାକୁ, ଆଉ ସେହି ସମୟରେ ସମ୍ଭାଳିପାରିଲାନି…

ନୂଆଦିଲ୍ଲୀ,୧୭।୧୧: ଚେନ୍ନାଇ ସୁପର କିଙ୍ଗ୍ସ (CSK) ର ମାଲିକାଣୀ ରୁପା ଗୁରୁନାଥ କୁହନ୍ତି ଯେ ଗତ ଶନିବାର, ତିନି ଦିନ ପୂର୍ୱେ ଏମ.ଏସ. ଧୋନୀ, CSK ର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?