କୋଲକାତା,୨୨ ।୧: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଖେଇ ଆସୁଥିବା ବେଳେ ରାଜନୀତି ବେଳକୁ ବେଳ ହେଉଛି ସରଗରମ । ଅନ୍ୟପଟେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଅର୍ଥାତ୍ ଶାସକ ତ୍ରୁଣମୂଳ କଂଗ୍ରେସକୁ ଗୋଟିଏ ପରେ ଗୋଟିଏ ଧକ୍କା ବି ଲାଗୁଛି । ଶୁକ୍ରବାର ତ୍ରୁଣମୂଳ କଂଗ୍ରେସ ସରକାରରେ ମନ୍ତ୍ରୀ ଥିବା ରାଜୀବ ବାନାର୍ଜୀ ଇସ୍ତଫା ଦେଇଥିବା ଜଣାପଡିଛି । ଯାହା ଦଳପାଇଁ ଆଦୌ ଭଲ ନୁହେଁ ବୋଲି କୁହାଯାଉଛି । କାରଣ ଏହା ପୂର୍ବରୁ ପ୍ରାୟ ୧୬ ବିଧାୟକ ଦଳରୁ ଇସ୍ତଫା ଦେଇ ସାରିଛନ୍ତି । ତୃତୀୟ ମନ୍ତ୍ରୀ ଭାବେ ରାଜୀବ ବାନାର୍ଜୀ ଇସ୍ତଫା ଦେଇଛନ୍ତି । ଆଲୋଚନା ହେଉଛି କି ସେ ବି ଭାରତୀୟ ଜନତା ପାର୍ଟି(ଭାଜପା)ରେ ଯୋଗ ଦେଇପାରନ୍ତି । ରାଜୀବ ତାଙ୍କ ଇସ୍ତଫା ପତ୍ର ମୁଖ୍ୟମନ୍ତ୍ରୀ ମମତା ବନାର୍ଜୀଙ୍କୁ ପଠାଇଛନ୍ତି । ଗୋଟିଏ ପଟେ ଭାଜପା ଏଥର ବିଧାନସଭା ନିର୍ବାଚନରେ ବିଜୟ ହାସଲ ଲାଗି ସମସ୍ତ ଶକ୍ତି ଖଟାଇଥିବା ବେଳେ ଅନ୍ୟପଟେ ଟିଏମ୍ସି ମଧ୍ୟ ବିଜୟ ଆଶାରେ ରହିଛି । ହେଲେ ଜଣଙ୍କ ପରେ ଜଣେ ଦଳ ଛାଡିବା ଟିଏମ୍ସି ପାଇଁ ମୁଣ୍ଡବ୍ୟଥାର କାରଣ ପାଲଟି ଗଲାଣି ।
