ନୂଆଦିଲ୍ଲୀ,୨୨।୧: କଂଗ୍ରେସ ଏମ୍ପି ରାହୁଲ ଗାନ୍ଧୀ ପୁଣି ଥରେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି। ସେ ଟୁଇଟ୍ ଯୋଗେ ମହାମାରୀ ସମୟରେ ପ୍ରଧାନମନ୍ତ୍ରୀଙ୍କ ‘ପ୍ରିୟ ବନ୍ଧୁ’ର ସମ୍ପତ୍ତି କିପରି ୮ ଗୁଣ ବୃଦ୍ଧି ପାଇଲା? ଗୋଟିଏ ବର୍ଷ ମଧ୍ୟରେ ପ୍ରଧାନମନ୍ତ୍ରୀଙ୍କ ‘ପ୍ରିୟ ବନ୍ଧୁ’ର ସମ୍ପତ୍ତି ୪୬% କେମିତି ବୃଦ୍ଧି ପାଇଲା ବୋଲି ରାହୁଲ ପ୍ରଶ୍ନ କରିଛନ୍ତି। ଗଣମାଧ୍ୟମ ଜନସାଧାରଣଙ୍କ ଦୃଷ୍ଟି ଆକର୍ଷଣ କରିବାରେ ଲାଗିଛି, ପ୍ରଧାନମନ୍ତ୍ରୀଙ୍କ ‘ବନ୍ଧୁମାନେ’ ପକେଟ ମାର୍ କରିଚାଲିଛନ୍ତି। ଗରିବଙ୍କ ରୋଜଗାର ‘ବନ୍ଧୁମାନେ’ ଚୋରି କରିଥିଲେ ରାହୁଲ କହିଛନ୍ତି।
ସୂଚନାଯୋଗ୍ୟ, କଂଗ୍ରେସ ନେତା ରାହୁଲ ଗାନ୍ଧୀ ବର୍ତ୍ତମାନ ଭାରତ ଯୋଡୋ ଯାତ୍ରା ଅଧୀନରେ ଜମ୍ମୁ କଶ୍ମୀରରେ ଅଛନ୍ତି। ରାହୁଲ ରବିବାର ଦିନ ପ୍ରାୟ ୨୫ କିଲୋମିଟର ଦୂରତା ଅତିକ୍ରମ କରିବା ପରେ ‘ଭାରତ ଯାତ୍ରୀ’ ଚକ ନାନକରେ ରାତିରେ ବିଶ୍ରାମ ନେବେ। ସୋମବାର ସକାଳେ ସେ ସାମ୍ବାରେ ବିଜୟପୁରରୁ ଜମ୍ମୁ ଅଭିମୁଖେ ଯାତ୍ରା କରିବେ। ତାମିଲନାଡୁର କନ୍ୟାକୁମାରୀ ଠାରୁ ୭ ସେପ୍ଟେମ୍ବର ୨୦୨୨ରେ ଆରମ୍ଭ ହୋଇଥିବା ଭାରତ ଯୋଡୋ ଯାତ୍ରା ୨୦୨୩ ଜାନୁୟାରୀ ୨୦ରେ ଶ୍ରୀନଗରରେ ଶେଷ ହେବ। ରାହୁଲ ଗାନ୍ଧୀ ସେଠାରେ କଂଗ୍ରେସ ମୁଖ୍ୟାଳୟରେ ତ୍ରିରଙ୍ଗା ଉତ୍ତୋଳନ କରିବେ।
