ନୂଆଦିଳ୍ଲୀ,୫ ।୩: କଂଗ୍ରେସ ଏମପି ରାହୁଲ ଗାନ୍ଧୀ ପୁଣିଥରେ ବିଦେଶ ମାଟିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି । ଏହାସହ ସେ ଭାରତକୁ ଅପମାନ କରିଥିବା ଭାରତୀୟ ଜନତା ପାର୍ଟି(ଭାଜପା)ର ବୟାନର ଜବାବ ଦେଇଛନ୍ତି । ରାହୁଲ କହିଛନ୍ତି ମୋଦି ନିଜେ କହିଛନ୍ତି ଦେଶରେ ୬୦-୭୦ ବର୍ଷରେ କିଛି ହୋଇ ନାହିଁ । ସେ ଏମିତି କହି ଭାରତୀୟ ଓ ତାଙ୍କ ଦାଦାଦାଦିଙ୍କ ଅପମାନ କରିଥିବା ରାହୁଲ କହିଛନ୍ତି । ଏହାସହ ଭାରତ ଏକ ଦଶକ ହରାଇ ଦେଇଛି ଏସବୁ କଥା ମୋଦି ହିଁ ବିଦେଶ ମାଟିରେ କହିଛନ୍ତି ।
ସୂଚନାଯୋଗ୍ୟ, ରାହୁଲ ଗାନ୍ଧୀ ଲଣ୍ଡନରେ ଇଣ୍ଡିଆନ ଜର୍ନାଲିଷ୍ଟ ଆସୋସିଏଶନର କାର୍ଯ୍ୟକ୍ରମରେ ଭାଜପାର ସେହି ଅଭିଯୋଗର ଜବାବ ଦେଉଥିଲେ ଯେଉଁଥିରେ ସେ ଭାରତର ଅପମାନ କରିଥିବା ଅଭିଯୋଗ କରାଯାଇଥିଲା । କେବଳ ସେତିକି ନୁହେଁ ସେ ତାଙ୍କ ଭାରତ ଯୋଡୋ ଯାତ୍ରାର ତୁଳନା ଭାଜପାର ୩ ଦଶକ ପୁରୁଣା ରଥଯାତ୍ରା ସହ କରିଛନ୍ତି । ସେ କହିଛନ୍ତି ଭାଜପାର ବି ରଥ ଯାତ୍ରା ଥିଲା, କେବଳ ଫରକ ଏତିକି ଥିଲା ସେହି ଯାତ୍ରାର କେନ୍ଦ୍ର ଥିଲା ଏକ ରଥ ଯାହା ରାଜାର ପ୍ରତିକ ଥିଲା । ଆମର ରଥ ଲୋକଙ୍କୁ ଏକାଠି କରୁଥିଲା କୋଳାଗ୍ରତ କରୁଥିଲା ।
