ବର୍ଡର-ଗାଭାସ୍କର ଟ୍ରଫିର ଚତୁର୍ଥ ତଥା ଶେଷ ଟେଷ୍ଟ ମ୍ୟାଚରେ ଟିମ ଇଣ୍ଡିଆ ଆୟୋଜକ ଅଷ୍ଟ୍ରେଲିଆକୁ ୩ ଉଇକେଟରେ ପରାସ୍ତ କରି ସିରିଜ୍ ୨-୧ରେ ଜିତିଥିଲା। ଏହି ଐତିହାସିକ ବିଜୟ ପରେ ସୋସିଆଲ ମିଡିଆରେ ପ୍ରଶଂସକମାନେ କୋଚ ରବି ଶାସ୍ତ୍ରୀଙ୍କୁ ନୁହେଁ, ପୂର୍ବତନ ଭାରତୀୟ ଖୋଳି ରାହୁଲ ଦ୍ରାବିଡଙ୍କୁ ଧନ୍ୟବାଦ ଦେଉଛନ୍ତି। ଏହାର ଜବାବରେ ରାହୁଲ ମହାନତା ପ୍ରଦର୍ଶନ କରି କହିଛନ୍ତି, ବିନା କାରଣରେ ମୋତେ ସଫଳତାର ଶ୍ରେୟ ଦିଆଯାଉଛି। ପ୍ରକୃତ ଶ୍ରେୟ ତ ଯୁବ କ୍ରିକେଟରଙ୍କୁ ଦିଆଯିବା ଉଚିତ୍। ସେମାନେ ଦୃଢ ପରିଶ୍ରମ କରି ଏ ସ୍ଥାନରେ ପହଞ୍ଚିଛନ୍ତି ବୋଲି ସେ କହିଛନ୍ତି। ସୂଚନାଯୋଗ୍ୟ, ରାହୁଲ ଦ୍ରାବିଡ ନ୍ୟାଶନାଲ କ୍ରିକେଟ ଏକାଡେମୀର ଚେୟାରମ୍ୟାନ ଏବଂ ଭାରତ ଏର କୋଚ ରହିଛନ୍ତି ଏବଂ ତାଙ୍କ ନିର୍ଦ୍ଦେଶନାରେ ୱାଶିଂଟନ ସୁନ୍ଦର, ମହମ୍ମଦ ସିରାଜ, ଶାର୍ଦ୍ଦୁଲ ଠାକୁର, ମନୀଷ ପାଣ୍ଡେ, ରିଷଭ ପନ୍ତ ଏବଂ ହନୁମା ବିହାରୀ ଅନେକ କ୍ରିକେଟ ଖେଳିଛନ୍ତି। ଏହି ଖେଳାଳିମାନେ ସାକ୍ଷାତକାରରେ କହିଛନ୍ତି ଯେ ତାଙ୍କ ଖେଳର ସ୍ତରକୁ ବଢାଇବାରେ ରାହୁଲ ଦ୍ରାବିଡଙ୍କର ଏକ ବଡ଼ ହାତ ରହିଛି। ଏହି ସମସ୍ତ ଖେଳାଳି ରାହୁଲ ଦ୍ରାବିଡଙ୍କଠାରୁ ବହୁତ କିଛି ଶିଖିଛନ୍ତି। ଏଥିରୁ ସ୍ପଷ୍ଟ ଯେ ରାହୁଲ ଦ୍ରାବିଡ ଏହି ଖେଳାଳିଙ୍କ ସହ କରିଥିବା କଠିନ ପରିଶ୍ରମ ବ୍ରିସବେନ ଗ୍ରାଉଣ୍ଡରେ ଦେଖିବାକୁ ମିଳିଥିଲା। ଆହତ ଜସପ୍ରୀତ ବୁମ୍ରା, ଆର ଅଶ୍ୱିନ, ମହମ୍ମଦ ଶାମି, ଉମେଶ ଯାଦବଙ୍କ ଅନୁପସ୍ଥିତିରେ ଭାରତ ନିଜ ଘରେ ଅଷ୍ଟ୍ରେଲିଆ ଭଳି ଏକ ଶକ୍ତିଶାଳୀ ଦଳକୁ ପରାସ୍ତ କରିଛି। ତେଣୁ ବିରାଟ କୋହଲିଙ୍କ ‘ନୂଆ ଟିମ୍ ଇଣ୍ଡିଆ’ର ଦ୍ରୋଣାଚାର୍ଯ୍ୟ ‘ଦ ଓ୍ବାଲ୍’ ରାହୁଳ ଦ୍ରାଭିଡ ବୋଲି କୁହାଯାଉଛି।
