କାତାରରେ ଅନୁଷ୍ଠିତ ହେବାକୁ ଥିବା ଫିଫା ପୁରୁଷ ଫୁଟବଲ ବିଶ୍ୱକପ ପାଇଁ ଘୋଷଣା ହୋଇଛି ଆମେରିକା ଦଳ। କୋଚ୍ ଗ୍ରେଗ୍ ବେରହଲ୍ଟର ୨୬ ଜଣିଆ ଦଳ ଘୋଷଣା କରିଥିବା ବେଳେ ଏହି ଦଳରୁ ବାଦ ପଡିଛନ୍ତି ରିକାର୍ଡୋ ପେପି ଓ ଜ୍ୟାକ ଷ୍ଟିଫେନ୍। ଏହି ଦଳ ଚୟନ ପୂର୍ବରୁ ସମ୍ଭାବ୍ୟ ତାଲିକାରେ ଥିବା ସମସ୍ତ ଖେଳାଳିଙ୍କ ସହିତ କଥା ହୋଇଥିଲେ କୋଚ୍। ଖେଳାଳିଙ୍କୁ ସାମିଲ କରିବା ପାଇଁ ଏକ ଅନନ୍ୟ ପଦକ୍ଷେପ ଗ୍ରହଣ କରିଥିଲେ। ଭିଡିଓ କଲ୍ ଯାଇଥିବା ଖେଳାଳି ମାନଙ୍କୁ ୨୬ ଜଣିଆ ଦଳରେ ସ୍ଥାନ ମିଳିଥିବା ବେଳେ ଅଡିଓ କଲରେ ଯେଉଁ ଖେଳାଳି ମାନଙ୍କ ସହ କଥା ହୋଇଥିଲେ ସେମାନେ କାତାର ଟିକେଟ ମିସ୍ କରିଛନ୍ତି। ବିଗତ ୩ ଦିନ ଧରି ଚାଲିଥିବା ଏହି ପ୍ରକ୍ରିୟା ବେଶ ସକରାତ୍ମକ ରହିଛି। ଦଳରୁ ବାଦ ପଡିବା ନେଇ କହିବା ପରେ ମଧ୍ୟ କିଛି ଖେଳାଳି ଏହାକୁ ଅତ୍ୟନ୍ତ ସକରାତ୍ମକ ଢଙ୍ଗରେ ମତ ଦେଇଛନ୍ତି ଯାହା ମୋତେ ଖୁସି ଦେଇଛି ବୋଲି କହିଛନ୍ତି କୋଚ୍। ତେବେ ଆମେରିକାର ବିଶ୍ୱକପ୍ ଯୋଗ୍ୟତା ପର୍ଯ୍ୟାୟରେ ହିରୋ ରହିଥିବା ରିକାର୍ଡୋ ପେପିଙ୍କୁ ଦଳରୁ ବାଦ ଦିଆଯିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଟିମ୍ ରିମ୍, ହାଜି ରାଇଟ୍, ଜୋ ସ୍କେଲି ଓ ସନ୍ ଜନ୍ସନ୍ଙ୍କ ପରି ଖେଳାଳିଙ୍କୁ ଦଳରେ ସାମିଲ କରାଯାଇଥିବା ବେଳେ ରିକାର୍ଡୋ ପେପି, ଜ୍ୟାକ୍ ଷ୍ଟିଫେନ୍, ପଲ ଆରିଓଲା ଓ ଜୋର୍ଡାନ ପେଫକ୍ ଟିମ୍ରୁ ବାଦ ପଡିଛନ୍ତି। ନରଓ୍ବିଚ୍ର ଜୋଶ ସାର୍ଜେଣ୍ଟ ଓ ଆଣ୍ଟାଲିସ୍ପୋର୍ସର ହାଜି ରାଇଟ୍ ଫରଓ୍ବାର୍ଡ ଖେଳାଳି ଦୌଡରେ ୧୯ ବର୍ଷୀୟ ପେପିଙ୍କୁ ପଛରେ ପକାଇଛନ୍ତି। ଆମେରିକାର ଯୋଗ୍ୟତା ପର୍ଯ୍ୟାୟରେ ୩ ଗୋଲ ସ୍କୋର କରି ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିଲେ ପେପି। ଏପରିକି ପେପି ମଧ୍ୟ ଏହି ତାଲିକାରେ ବେଶ ଆଗୁଆ ରହିଥିଲେ। ତେବେ ଦୀର୍ଘ ୩ ଦିନର ବିଶ୍ଲେଷଣ ପରେ କୋଚ୍ ବେରହଲ୍ଟର ତାଙ୍କୁ ଦଳରୁ ବାଦ ଦେଇଛନ୍ତି।
୨୦୧୪ ବିଶ୍ୱକପ ଦଳର ଜଣେ ମାତ୍ର ସଦସ୍ୟ ଏହି ଦଳରେ ସ୍ଥାନ ପାଇଛନ୍ତି। ୨୯ ବର୍ଷୀୟ ରାଇଟ୍ ବ୍ୟାକ୍ ଡିଆଣ୍ଡ୍ରେ ୟେଡ୍ଲିନ୍ ଏକମାତ୍ର ଖେଳାଳି ଭାବରେ ରହିଛନ୍ତି। ଅପରପକ୍ଷରେ ୨୦୧୮ ବିଶ୍ୱକପ ଖେଳିଥିବା ଖେଳିଥିବା ଖେଳାଳିଙ୍କ ମଧ୍ୟରେ ୟେଡଲିନ୍, କ୍ରିଷ୍ଟିଆନ୍ ପୁଲିସିକ୍ ,କେଲିନ୍ ଆକୋଷ୍ଟା ଓ ଟିମ୍ ରିମ୍ ଏହି ଦଳରେ ସାମିଲ ଅଛନ୍ତି। ୨୦୧୮ ତ୍ରିନିଦାଦ ପରାଜୟର ଜବାବ ଦେବା ପାଇଁ ଏହର ପ୍ରକୃଷ୍ଟ ସମୟ ବୋଲି କହିଛନ୍ତି ୟେଡଲିନ୍। ମିଡଫିଲ୍ଡର ମାଇଲ୍ସ ରବିନ୍ସନ୍ ଓ କ୍ରିସ୍ ରିଚାଡର୍ସଙ୍କୁ ଆହତ କାରଣରୁ ଦଳରୁ ବାଦ ଦିଆଯାଇଥିବା ବେଳେ ୨୦୨୧ ପରେ ଜାତୀୟ ଦଳକୁ ଫେରିଛନ୍ତି ଟିମ୍ ରିମ୍। ରିମ୍ଙ୍କ ବ୍ୟତିତ ମାର୍କ ମ୍ୟାକେଞ୍ଜି ଓ ଏରିକ୍ ପାଲମରଙ୍କୁ ଦଳରେ ସାମିଲ କରାଯାଇଛି। ରିମ୍ ବିଶ୍ୱର ଶ୍ରେଷ୍ଠ ଲିଗରେ ଖେଳୁଥିବାରୁ ତାଙ୍କୁ ପ୍ରାଥମିକତା ଦିଆଯାଇଥିବା କହିଛନ୍ତି କୋଚ୍। ଏନ୍ବିଏ ଖେଳାଳି ହାଓ୍ବାର୍ଡ କାର୍ଟରଙ୍କ ପୁଅ କ୍ୟାମେରୁନ୍ କାର୍ଟର ସେଣ୍ଟ୍ରାଲ ଡିଫେଣ୍ଡର ଭାବେ ଦଳରେ ସ୍ଥାନ ପାଇଛନ୍ତି। ଆମେରିକାର ୧୪ ଯୋଗ୍ୟତା ପର୍ଯ୍ୟାୟରେ ସ୍ଥାନ ପାଇ ନଥିବା ବେଳେ ଏହା ଆଶ୍ଚର୍ଯ୍ୟ କରିଛି। ଏହି ଦଳରେ ୯ ଜଣ ମେଜର ଲିଗ ଖେଳାଳି ରହିଥିବା ବେଳେ ୮ ଜଣ ଇଂଲିଶ ପ୍ରିମିୟର ଲିଗ୍ ଖେଳାଳି ରହିଛନ୍ତି। ଦଳର ଷ୍ଟାର ଖେଳାଳି ପୁଲିସିକ୍ ଚଳିତ ସିଜନରେ ଚେଲ୍ସୀ ପାଇଁ ମାତ୍ର ୫ ମ୍ୟାଚ୍ ଖେଳିଥିବା ବେଳେ ତାଙ୍କ ଫିଟନେସକୁ ନେଇ ସୃଷ୍ଟି ହୋଇଛି ବଡ ପ୍ରଶ୍ନବାଚୀ।
ଆମେରିକା ଦଳ: ଗୋଲକିପର୍ସ: ଇଥାନ ହୋରବାଥ୍, ସନ୍ ଜନସନ୍, ମ୍ୟାଟ୍ଟ ଟର୍ନର
ଡିଫେଣ୍ଡର୍ସ: କାମେରୁନ୍ କାର୍ଟର ଭାଇକର୍, ସର୍ଗିନୋ ଡେଷ୍ଟ, ଆରୋନ୍ ଲଙ୍ଗ, ଶାକ୍ ମୁର, ଟିମ୍ ରିମ୍, ଆଣ୍ଟୋନୀ ରବିନସନ୍, ଜୋ ସ୍କାଲି, ଡିଆଣ୍ଡ୍ରେ ୟେଡ୍ଲିନ୍, ଓ୍ବାକର ଜିମରମ୍ୟାନ୍।
ମିଡଫିଲଡର୍ସ: ବ୍ରେଣ୍ଡନ ଆଣ୍ଡରସନ୍, କେଲିନ୍ ଆକୋଷ୍ଟା, ଟାଇଲର ଆଡାମ୍ସ, ଲୁକା ଡେ ଲା ଟୋରେ, ଓ୍ବେଷ୍ଟନ୍ ମ୍ୟାକେନ୍ନି, ୟୁନୁସ ମୁସା, କ୍ରିଷ୍ଟିଆନ୍ ରୋଲଡାନ୍।
ଫରଓ୍ବାର୍ଡସ: ଜେସସ୍ ଫେରେରିଅ, ଜୋର୍ଡାନ୍ ମୋରିସ୍, କ୍ରିଷ୍ଟିଆନ୍ ପୁଲିସିକ୍, ଜିଓ ରେନା, ଜୋଶ୍ ସାର୍ଜେଣ୍ଟ, ଟିମ୍ ଓ୍ବି, ହାଜି ରାଇଟ୍।
