କେନ୍ଦୁଝର,୭।୪(ସ୍ବ୍ର.ପ୍ର.): ବର୍ଦ୍ଧିତ ବିଦ୍ୟୁତ ଦର ପ୍ରତ୍ୟାହାର ଦାବିରେ ଜିଲା କଂଗ୍ରେସ ପକ୍ଷରୁ ଜିଲା ସଭାପତି ବିପ୍ଳବ ମିଶ୍ରଙ୍କ ନେତୃତ୍ୱରେ କଂଗ୍ରେସ କର୍ମୀ, ନେତାମାନେ ଏକ ରାଲିରେ କଂଗ୍ରେସ ଭବନରୁ ବାହାରି ବିଦ୍ୟୁତ୍ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହ ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି ା ଗତ ୨୦୧୬ ମସିହାରେ ବିମୁଦ୍ରୀକରଣ ଓ ପରେ ପରେ କରୋନା ମହାମାରୀ ଯୋଗୁ ସବୁ ବର୍ଗର ଲୋକମାନେ ଆର୍ଥିକ ସ୍ତରରେ ଦୁର୍ବଳ ହୋଇ ପଡ଼ିଥିବା ବେଳେ ଏଭଳି ରାଜ୍ୟରେ ବିଦ୍ୟୁତ ନିୟାମକ ଆୟୋଗର ଦର ବୃଦ୍ଧି ନିଷ୍ପତ୍ତି ସେମାନଙ୍କ ଆର୍ଥିକ ମେରୁଦଣ୍ଡକୁ ଅଧିକ ଦୁର୍ବଳ କରିଦେବ ା ଏହା ଦ୍ୱାରା ସବୁ ବର୍ଗ ତଥା ଗରିବ ଲୋକ, ବିଦ୍ୟୁତ ବ୍ୟବହାରକାରୀ ଛୋଟବଡ଼ ଶିଳ୍ପାନୁଷ୍ଠାନର ଆର୍ଥିକ ସଙ୍କଟ ମଧ୍ୟରେ ଗତି କରିବେ ା ଟାଟା ବିଦ୍ୟୁତ ବିତରକ ସଂସ୍ଥାଙ୍କୁ ବିତରଣ ଦାୟିତ୍ୱ ଦେବା ଠାରୁ ଗତ ୭ ମାସରେ ୫୦ ପଇସା ୟୁନିଟ ପିଛା ବୃଦ୍ଧି କରାଯାଇଥିବା ଦୁର୍ଭାଗ୍ୟପୂର୍ଣ୍ଣ କହିଛନ୍ତି ା ଓଡ଼ିଶାରେ ବିଦ୍ୟୁତ ଉପତ୍ାଦନର କିଣା ମୂଲ୍ୟ ୟୁନିଟ ପିଛା ୩୦ ପଇସା ପଡ଼ିଥାଏ ା ଅନ୍ୟମାନଙ୍କ ମଧ୍ୟରେ ମହିଳା କଂଗ୍ରେସ ସଭାନେତ୍ରୀ ସଙ୍ଗୀତା ସିଂ, ଯୁବ କଂଗ୍ରେସ ସଭାପତି ସୁନେଶ ଧୀର, ଟାଉନ କଂଗ୍ରେସ ପୂର୍ବତନ ସଭାପତି ବସନ୍ତ ଦାସ, ସଦର ବ୍ଲକ କଂଗ୍ରେସ ସଭାପତି ଉତ୍ତମ କୁମାର ସାହୁ, ପିସିସି ପୂର୍ବତନ ସମ୍ପାଦକ ସଂଗ୍ରାମ ଦାସ, ବରିଷ୍ଠ କଂଗ୍ରେସ ନେତା ପୟୋଧର ବେହେରା, ରତ୍ନାକର ଜେନା, ଲଳିତ ମୋହନ ନାୟକ ପ୍ରମୁଖ ସାମିଲ ଥିଲେ।
