ନୂଆଦିଲ୍ଲୀ,୯।୧୧: ମସ୍କୋ ଗସ୍ତରେ ଥିବା ଭାରତର ବହିର୍ବ୍ୟାପାର ମନ୍ତ୍ରୀ ଏସ୍. ଜୟଶଙ୍କର ମଙ୍ଗଳବାର ତାଙ୍କ ରୁଷିଆ ପ୍ରତିପକ୍ଷ ସର୍ଗେଇ ଲାଭରୋଭ୍ଙ୍କୁ ଭେଟିଛନ୍ତି। ଏହି ଅବସରରେ ଦୁଇ ନେତା ୟୁକ୍ରେନ୍ ଯୁଦ୍ଧ ସମେତ ନିର୍ଦ୍ଦିଷ୍ଟ ଆଞ୍ଚଳିକ ସମସ୍ୟା ଓ ବିଶ୍ୱ ସ୍ଥିତି ସମ୍ପର୍କରେ ଆଲୋଚନା କରିଥିଲେ। ୟୁକ୍ରେନ୍-ରୁଷିଆ ଯୁଦ୍ଧର ସମାଧାନ ନିମନ୍ତେ ମସ୍କୋ ଆଲୋଚନାକୁ ଫେରିବା ଲାଗି ଜୟଶଙ୍କର ଚାପ ପକାଇଛନ୍ତି। କୋଭିଡ୍ ମହାମାରୀ, ଆର୍ଥତ୍କ ଚାପ ଏବଂ ବାଣିଜି୍ୟକ ସମସ୍ୟାକୁ ନେଇ ଗତ କିଛିବର୍ଷ ହେଲା ଅନ୍ତର୍ଜାତୀୟ ସ୍ଥିତି ଉଦ୍ବେଗଜନକ ରହିଛି। ଏଥିପାଇଁ ବିଶ୍ୱ ଅର୍ଥନୀତି ଗୁରୁତର ପ୍ରଭାବିତ ହୋଇଛି। ୟୁକ୍ରେନ୍ ଯୁଦ୍ଧ ଏହାର ଏକ ବଡ଼ ପରିଣାମ ଭାବେ ଦେଖାଦେଇଥିବା ଜୟଶଙ୍କର କହିଛନ୍ତି। ଏହା ବ୍ୟତୀତ ଆତଙ୍କବାଦ ଏବଂ ଜଳବାୟୁ ପରିବର୍ତ୍ତନ ଦୁଇଟି ମୁଖ୍ୟ ଏବଂ ସ୍ଥାୟୀ ସମସ୍ୟା ହୋଇ ରହିଆସିଛି ଯାହା ବିକାଶ ଓ ସମୃଦ୍ଧି ଉପରେ ଧ୍ୱଂସାତ୍ମକ ପ୍ରଭାବ ପକାଉଛି। ଆଲୋଚନା ମାଧ୍ୟମରେ ଆଞ୍ଚଳିକ ସମସ୍ୟା ସମେତ ବିଶ୍ୱ ସ୍ଥିତିର ସମାଧାନ କରାଯାଇପାରିବ ବୋଲି ଭାରତର ବହିର୍ବ୍ୟାପାର ମନ୍ତ୍ରୀ କହିଛନ୍ତି। ଭାରତ ଓ ରୁଷିଆର ବନ୍ଧୁତା ବିଶାଳ ଓ ସମୟ ସହ ପରୀକ୍ଷିତ। ଏହାକୁ ଆହୁରି ବଢ଼ାଇବା ଓ ଦୀର୍ଘସ୍ଥାୟୀ କରିବା ନିମନ୍ତେ ଉଦ୍ୟମ ଜାରି ରହିଛି ବୋଲି ଏହି ଅବସରରେ ଜୟଶଙ୍କର କହିଛନ୍ତି।
