ନୂଆଦିଲ୍ଲୀ,୨୫।୧୨ : ବଡ଼ଦିନ ଅବସରରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଉପରାଷ୍ଟ୍ରପତି ଜଗଦୀପ ଧନକର ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ରାଷ୍ଟ୍ରପତି ମୁର୍ମୁ କହିଛନ୍ତି, ଏହି ଦିନ ଆମେ ପ୍ରଭୁ ଯୀଶୁ ଖ୍ରୀଷ୍ଟଙ୍କ କରୁଣା ଏବଂ ବଳିଦାନର ବାର୍ତ୍ତା ସ୍ମରଣ କରିଥାଉ। ଏହି ପର୍ବ ଆମକୁ ପରସ୍ପର ପ୍ରତି ଦୟା ଏବଂ ଭଲପାଇବା ଅନୁଭବ କରିବାକୁ ପ୍ରେରଣା ଦିଏ। ଆସନ୍ତୁ ସଭିଏଁ ଆମ ଜୀବନରେ ପ୍ରଭୁ ଯୀଶୁ ଖ୍ରୀଷ୍ଟଙ୍କ ପବିତ୍ର ଆଦର୍ଶ ଏବଂ ଶିକ୍ଷା ଗ୍ରହଣ କରିବାକୁ ଏକ ପ୍ରତିଶ୍ରୁତି ନେବା। ଖ୍ରୀଷ୍ଟମାସ ଅବସରରେ ମୁଁ ସମସ୍ତ ଦେଶବାସୀଙ୍କୁ, ବିଶେଷ କରି ଖ୍ରୀଷ୍ଟିଆନ ଭାଇ ଓ ଭଉଣୀମାନଙ୍କୁ ମୋର ହାର୍ଦ୍ଦିକ ଶୁଭେଚ୍ଛା ଜଣାଉଛି।
ଦେଶବାସୀଙ୍କୁ ଅଭିନନ୍ଦନ ଜଣାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି, ଏହି ବିଶେଷ ଦିନ ଆମ ସମାଜରେ ସୌହାର୍ଦ୍ଦ୍ୟ ଏବଂ ଆନନ୍ଦର ଭାବନାକୁ ବଢ଼ାଇ ଦେଇଥାଏ। ସେ ଟୁଇଟ କରି କହିଛନ୍ତି, ଆମେ ପ୍ରଭୁ ଯୀଶୁ ଖ୍ରୀଷ୍ଟଙ୍କୁ ତାଙ୍କର ଉତ୍ତମ ଚିନ୍ତାଧାରା ଏବଂ ସମାଜ ପ୍ରତି ସେବା ପାଇଁ ସ୍ମରଣ କରିଥାଉ।
ଖ୍ରୀଷ୍ଟମାସ ଅବସରରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ ମଧ୍ୟ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି, ଖ୍ରୀଷ୍ଟମାସ ପର୍ବ ଆମକୁ ଭାଇଚାରା, ସହନଶୀଳତା ଏବଂ ପରସ୍ପର ପ୍ରତି ଥିବା ପ୍ରେମକୁ ସୁଦୃଢ଼ କରିବାକୁ ଶିଖାଇଥାଏ। ଏହି ଆନନ୍ଦ ଉତ୍ସବ ସମସ୍ତଙ୍କ ପାଇଁ ସୁଖ ଏବଂ ସମୃଦ୍ଧତା ଆଣୁ।
ବଡ଼ଦିନ ଅବସରରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ କୋଲକାତାର ସବୁଠାରୁ ପବିତ୍ର ରୋଜାରୀର କ୍ୟାଥେଡ୍ରାଲରେ ପହଞ୍ଚି ସେଠାରେ ପ୍ରାର୍ଥନା କରିଛନ୍ତି।
