ଗଞ୍ଜାମ,୧୬।୪(ବିଦ୍ୟାଧର ସାହୁ ): ଗଞ୍ଜାମ ବ୍ଲକ ଅନ୍ତର୍ଗତ ହୁମା ଠାରେ ନୃସିଂହ ମନ୍ଦିର ପ୍ରତିଷ୍ଠା ଦ୍ୱାଦଶ ବର୍ଷ ପୂର୍ତ୍ତି ଏବଂ ଗୋପୀନାଥଙ୍କ ନୂତନ ମନ୍ଦିର ପ୍ରତିଷ୍ଠା ଉପଲକ୍ଷେ ବିଶ୍ୱ ଶାନ୍ତି ମହାଯଂଜ୍ଞ ଅନୁଷ୍ଠିତ ହେବ । ଏହି ଯଜ୍ଞ ଆସନ୍ତା ୨୨ ରୁ ଆରମ୍ଭ ହୋଇ ମେ ମାସ ୧ ତାରିଖରେ ଶେଷ ହେବ । ୯ ଦିନ ଧରି ଚାଲିବାକୁ ଥିବା ଯଜ୍ଞ ପାଇଁ ଗୁରୁବାର ହୁମା ପେଟ୍ରୋଲ ପମ୍ପ ସମୁଖ ପଡିଆରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା ।
ବିଡିଓ ଅଚ୍ୟୁତାନନ୍ଦ ଯାନୀ, ତହସିଲଦାର ସୁକାନ୍ତ ଚନ୍ଦ୍ର ମିଶ୍ର, ଛତ୍ରପୁର ଏସଡିପିଓ ଚନ୍ଦନ ଘଡ଼ାଇ, ରମ୍ଭା ଥାନା ଆଇଆଇସି କୁମାର ମୁଦୁଲି, ହୁମା ଫାଣ୍ଡି ଅଧିକାରୀ ବିନାୟକ ଦାସ, ଏବିଡ଼ିଓ ସୁଶୀଲ କୁମାର ପଟ୍ଟନାୟକ ଗଡ଼ ହୁମା ରାଜା ରାଘବୀନ୍ଦ୍ର ନାରାୟଣ ଦେଓ, ସମିତି ସଭ୍ୟ ଧ୍ରୁବ ଚରଣ ପଲାଇ, ପ୍ରମୁଖ ମଞ୍ଚାସିନ ଥିଲେ । ଯଜ୍ଞ ପରିଚାଳନା କମିଟି କାର୍ଯ୍ୟକାରୀ ସଭାପତି ଶିବ ପ୍ରସାଦ ସ୍ୱାଇଁଙ୍କ ଅଧକ୍ଷତା କରିଥିବା ବେଳ ତପନ କୁମାର ବିଶ୍ୱାଳ ଅତିଥି ପରିଚୟ ପ୍ରଦାନ ସହ କାର୍ଯ୍ୟକ୍ରମ ସଂଯୋଜନା କରିଥିଲେ । ପରିଚାଳନା କମିଟି ସମ୍ପାଦକ ଭିକାରି ପରିଡା, କୋଷାଧକ୍ଷ ଧରମା ସାହୁ, ସନ୍ତୋଷ କୁମାର ସାହୁ, ସୁନିଲ କୁମାର ସାହୁ, ସାନ୍ତୁନୁ ପଲାଇ, ରଘୁନାଥ ସାହୁ, ଯୋଗେଶ ସାହୁ, ରାମl ରାଓ, ରଙ୍କନିଧି ପ୍ରଧାନ ପ୍ରମୁଖ ଉପସ୍ଥିତ ଥିଲେ ।
ଯଜ୍ଞସ୍ଥଳ, ଆନନ୍ଦ ବଜାର ଓ ମିନା ବଜାର ଆଦି ସ୍ଥାନରେ ସିସିଟିଭି ଲଗାଯିବା ପାଇଁ ଆଲୋଚନା ହୋଇଥିଲା । ହଜାର ହଜାର ଭକ୍ତ ତଥା ମହିଳା ଭକ୍ତଙ୍କ ସମାଗମକୁ ଦୃଷ୍ଟିରେ ରଖି ସେଠାରେ ଅସ୍ଥାୟୀ ପରିସ୍ରାଗାର, ପୋଲିସ ଚୌକି ଷ୍ଟଲ ଆଦି ଖୋଲା ଯିବାଲାଗି ନିଷ୍ପତ୍ତି ନିଆଯାଇଛି । ଆଇନ ଶୃଙ୍ଖଳାକୁ ଦୃଷ୍ଟିରେ ରଖି ବ୍ୟାପକ ପୋଲିସ ଫୋର୍ସ ମୃତୟନ କରାଯିବ ବୋଲି ଏସଡିପିଓ ଘଡ଼ାଇ ସୂଚନା ଦେଇଛନ୍ତି । ଏଥିସହ ୫୦ଯୁବ ଓ ମହିଳା ସ୍ବେଚ୍ଛାସେବୀ ନିୟୋଜିତ ହେବେ ବୋଲି ସୂଚନା ମିଳିଛି । ନଅ ଦିନ ଧରି ଅନୁଷ୍ଠିତ ହେବାକୁ ଥିବା ବିଶ୍ୱ ଶାନ୍ତି ଯଂଜ୍ଞ ନିମନ୍ତେ ସ୍ୱତନ୍ତ୍ର ମେଡିକାଲ ଟିମ ଓ ଅଗ୍ନିଶମ ବିଭାଗ କର୍ମଚାରୀ ସଜାଗ ରହିବାକୁ ଆଲୋଚନା ହୋଇଥିଲା ।
ଋଷୁକୂଲ୍ୟା ନଦୀ ଘାଟରୁ କଳସ ଯାତ୍ରାରେ ପ୍ରାୟ ୧୫ ଶହରୁ ଉର୍ଦ୍ଧ ମହିଳା ପୁରୁଷ ସାମିଲ ହେବେ ବୋଲି ଆଲୋଚନା ହୋଇଥିଲା । ଏଥିସହ ୨୧ ଠାକୁରଙ୍କ ହରି ହରାତ୍ମକ ଭେଟ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ଆୟୋଜକ ହୁମା ଗ୍ରାମବାସୀଙ୍କ ପକ୍ଷରୁ କୁହାଯାଇଛି । ବିନା ଅନୁମତି କିମ୍ବା ବିନା ଫିଟନେସ ସାର୍ଟିଫିକେଟରେ ରାମ ଦୋଳି ଓ ମିନା ବଜାରକୁ ପ୍ରଶୟ ଦିଆଯିବ ନାହିଁ ବୋଲି ପ୍ରଶାସନ ରୋକଠୋକ ଜଣାଇଥିଲେ । ଏହି ବୈଠକରେ ପରିଚାଳନା କମିଟି ସହ ଗ୍ରାମବାସୀ ଉପସ୍ଥିତ ଥିଲେ ।
