ଟ୍ରଲି ଟାଣୁଛନ୍ତି ଆସନ୍ନ ପ୍ରସବା

ବାରିପଦା ଅଫିସ, ୨୪।୨: ଗର୍ଭରେ ବଢ଼ୁଛି ଭ୍ରୂଣ। କୋଳରେ ବର୍ଷକର ଶିଶୁପୁତ୍ର। ସ୍ବାମୀ ଓ ଶାଶୁଘର ଲୋକେ ଆଡ଼ ଆଖିରେ ନ ଚାହିଁବାରୁ ଗଳିକନ୍ଦିରେ ଘୂରି ବୁଲୁଛନ୍ତି ଜଣେ ଆସନ୍ନ ପ୍ରସବା। ଜରି, ପ୍ଲାଷ୍ଟିକ ଓ କାଚ ଗୋଟାଇ ଅଖାବୁରାରେ ଭର୍ତ୍ତି କରି ଟ୍ରଲି ଟାଣି ପେଟ ପୋଷୁଛନ୍ତି। ଏଭଳି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲା ବାରିପଦା ଷ୍ଟେଶନ ବଜାର ହାଟ ଚାଳିଆରେ ରହୁଥିବା ଲକ୍ଷ୍ମୀପ୍ରିୟା ଦାସ(୧୯)ଙ୍କ କ୍ଷେତ୍ରରେ। ଆଧାରକାର୍ଡ ନ ଥିବାରୁ ଗର୍ଭବତୀଙ୍କ ପାଇଁ ଥିବା ସରକାରୀ ସୁବିଧା ସୁଯୋଗରୁ ସେ ବଞ୍ଚିତ ହୋଇଛନ୍ତି। ଅଙ୍ଗନଓ୍ବାଡି ପକ୍ଷରୁ ତାଙ୍କୁ ଦିଆଯାଉନି ପୁଷ୍ଟିକର ଖାଦ୍ୟ। ମୁହଁ ଫେରାଇ ନେଇଛନ୍ତି ଆଶା କର୍ମୀ। ବିଜୁ ସ୍ବାସ୍ଥ୍ୟ କାର୍ଡ, ଆବାସ ଗୃହ ଓ ମମତା ଯୋଜନାଠାରୁ ବହୁ ଦୂରରେ ରହି ସେ ଜୀବନଯୁଦ୍ଧରେ ସଂଗ୍ରାମ ଜାରି ରଖିଛନ୍ତି।
୩ ବର୍ଷ ତଳେ ଲକ୍ଷ୍ମୀଙ୍କ ସହ ବିକାଶ ବାରିକଙ୍କ ପ୍ରେମ ସମ୍ପର୍କ ଗଢ଼ି ଉଠିଥିଲା। ପରେ ଉଭୟେ ବିବାହ କରି ସୁଖର ସଂସାର କରିଥିଲେ। ବିବାହର ବର୍ଷକ ପରେ ଲକ୍ଷ୍ମୀ ଏକ ପୁତ୍ର ସନ୍ତାନ ଜନ୍ମ ଦେଇଥିଲେ। ବିକାଶ ରଙ୍ଗ ମିସ୍ତ୍ରି ଭାବେ କାର୍ଯ୍ୟ କରୁଥିବା ବେଳେ ସିନ୍ଦୂରଗୌରା ଗ୍ରାମସ୍ଥିତ ପୈତୃକ ଘରେ ରହି ଆସୁଥିଲେ। ତେବେ ସାଙ୍ଗସାଥୀ ମେଳରେ ସମୟ ବିତାଇ ବିକାଶ କାମ କରିବାକୁ ନ ଯାଇ ସ୍ତ୍ରୀ ପିଲାଙ୍କ ପ୍ରତି ଅବହେଳା କରିବାରୁ ଲକ୍ଷ୍ମୀ ତାଙ୍କ ପୁଅକୁ ଧରି ବାପ ଘରକୁ ପଳାଇ ଆସିଥିଲେ। ବାରିପଦା ଷ୍ଟେଶନ ବଜାର ହାଟ ଚାଳିରେ ଥିବା ବାପା ରମାକାନ୍ତ ଦାସଙ୍କ ଘରେ ସେ ଆଶ୍ରୟ ନେଇଛନ୍ତି। ସେହି ଘରେ ଖରା, ବର୍ଷା, ଶୀତ କାକରରେ ଜାକିଜୁକି ହୋଇ ରହୁଥିବା ବେଳେ ଭୋକ ଉପାସରେ ମଧ୍ୟ ଦିନ ବିତାଉଛନ୍ତି। ପେଟରେ ବଢୁଥିବା ଭ୍ରୂଣ ଓ ଦୁଇ ପେଟକୁ ଦୁଇ ଓଳି ଖାଇବା ଯୋଗାଡ଼ କରିବା ପାଇଁ ଛିଣ୍ଡା ଦଦରା ଅଖାବୁରା ଧରି ଘୂରି ବୁଲୁଛନ୍ତି ଏ ଗଳିରୁ ସେ ଗଳିକୁ। ପରିତ୍ୟକ୍ତ ଅଳିଆଗଦାରୁ ଜରି, ପାଣିବୋତଲ, ପ୍ଲାଷ୍ଟିକ ସାମଗ୍ରୀ, କାଗଜ, କାଚ ବୋତଲ ଗୋଟାଉଛନ୍ତି। ଦିନକୁ ୨୦୦ ଟଙ୍କା ରୋଜଗାର କରିବାର ଆବଶ୍ୟକତା ରହୁଥିବା ବେଳେ ବହୁ କଷ୍ଟରେ ୧୫୦ ଟଙ୍କା ପର୍ଯ୍ୟନ୍ତ ରୋଜଗାର ହୋଇପାରୁ ଥିବା ଓ ଏଥିରୁ କିଛି ଅର୍ଥ ସେ ତାଙ୍କ ପ୍ରସବ ପାଇଁ ସଞ୍ଚୟ କରୁଥିବା କହିଛନ୍ତି। ମୁଣ୍ଡରେ ନୁଖୁରା କେଶ ଓ ତାଙ୍କ ଶରୀରର ଅବସ୍ଥାକୁ ଦେଖି ସହରବାସୀ ମଧ୍ୟ ସହାୟତାର ହାତ ବଢ଼ାଉଛନ୍ତି। ତେବେ ଅସହାୟ ମହିଳାଙ୍କ ସୁରକ୍ଷା, ଆବଶ୍ୟକ ଚିକିତ୍ସା ଓ ସନ୍ତାନର ଥଇଥାନ ପାଇଁ ସରକାରୀସ୍ତରରେ ବ୍ୟବସ୍ଥା କରାଗଲେ ଜନନୀ ଓ ଶିଶୁ ସୁରକ୍ଷାର ଲକ୍ଷ୍ୟ ଏବଂ ଉଦ୍ଦେଶ୍ୟ ସାଧିତ ହୋଇପାରିବ ବୋଲି ମତ ପ୍ରକାଶ ପାଇଛି। ଲକ୍ଷ୍ମୀଙ୍କ ବିଷୟରେ ଅତିରିକ୍ତ ଜିଲାପାଳ (ସାଧାରଣ) ରୁଦ୍ର ନାରାୟଣ ମହାନ୍ତିଙ୍କୁ ପଚାରିବାରୁ ତାଙ୍କ ପାଇଁ ସରକାରୀ ସ୍ତରରେ ସମସ୍ତ ବ୍ୟବସ୍ଥା ଗ୍ରହଣ କରାଯିବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ମୟୂରଭଞ୍ଜ ଜିଲା ଚିଠି: ପର୍ଯ୍ୟଟନ ଶିଳ୍ପ

ମୟୂରଭଞ୍ଜ ଜିଲାରେ ରହିଛି ବହୁ ପର୍ଯ୍ୟଟନ ସ୍ଥଳ। ପ୍ରସ୍ତାବିତ ଜାତୀୟ ଉଦ୍ୟାନ ଶିମିଳିପାଳ ସହିତ ବହୁ ଜଳପ୍ରପାତ, ମନ୍ଦିର, ଐତିହାସିକ ସ୍ଥାନ ରହିଛି। ହେଲେ ଏହି...

ମହୁମାଛି ଆକ୍ରମଣରେ ଯୁବକଙ୍କ ପ୍ରାଣଗଲା, ୨ ଗୁରୁତର

କପ୍ତିପଦା,୧୦ା୬(ଡି.ଏନ୍‌.ଏ.)- ମୟୂରଭଞ୍ଜ ଜିଲା କପ୍ତିପଦା ଥାନା ମାଙ୍କଡ଼ପଡ଼ା ପଞ୍ଚାୟତ ଅନ୍ତର୍ଗତ ଚେମଚଟା ଗ୍ରାମରେ ମଙ୍ଗଳବାର ମହୁମାଛି ଆକ୍ରମଣରେ ଜଣେ ଯୁବକଙ୍କ ମୃତ୍ୟୁ ଘଟିଥିତ୍ବା ବେଳେ ଅନ୍ୟ...

ମୃତ ମହିଳା ଜୀବିତ ଘଟଣା : ଥାନା ଅଧିକାରୀ ନିଲମ୍ବିତ

ବାରିପଦା ଅଫିସ,୩୧।୮: ମୟୂରଭଞ୍ଜ ଜିଲା ବାଦାମପାହାଡ଼ ଥାନାଧିକାରୀ ଏକ ହତ୍ୟା ମାମଲାରେ ବାପାପୁଅଙ୍କୁ ଗିରଫ କରିଥିବାରୁ ଏହା ତାଙ୍କ ପାଇଁ ମହଙ୍ଗା ପଡ଼ିଛି। ଏହି ଘଟଣାକୁ...

ଡାକ୍ତରଙ୍କ ଅବହେଳାରୁ ଶିଶୁମୃତ୍ୟୁ ଅଭିଯୋଗ: ବାରିପଦା ମେଡିକାଲ କଲେଜରେ ଉତ୍ତେଜନା, ଥାନାରେ ଅଭିଯୋଗ କଲେ ମହିଳାଙ୍କ ସ୍ବାମୀ

ବାରିପଦା ଅଫିସ,୧।୨- ଡାକ୍ତରଙ୍କ ଅବହେଳାରୁ ମୃତଶିଶୁ ଜନ୍ମ। ପ୍ରସବ ସ୍ବାଭାବିକ ହେବ କହି ଶେଷରେ ମୃତଶିଶୁ ଜନ୍ମ ଦେଇଥିଲେ ଗର୍ଭବତୀ। ଏଥିସହ ପ୍ରସବ କରାଇବାକୁ ସମ୍ପୃକ୍ତ...

ସଙ୍ଗରୋଧ କେନ୍ଦ୍ର ପରିଦର୍ଶନ କଲେ ଜିଲାପାଳ

ରାଇରଙ୍ଗପୁର/ବିଶୋଇ,୧୫ା୫(ଡି.ଏନ୍‌.ଏ.)-ମୟୂରଭଞ୍ଜ ଜିଲାପାଳ ବିନୀତ ଭରଦ୍ବାଜ ଗୁରୁବାର ବିଭିନ୍ନ ସଙ୍ଗରୋଧ କେନ୍ଦ୍ର ପରିଦର୍ଶନ କରିଥିଲେ। ଜିଲାପାଳଙ୍କ ସହିତ ଜିଲା ଚିକିତ୍ସାଧିକାରୀ ରୂପଭାନୁ ମିଶ୍ର, ଉପଜିଲାପାଳ ଧର୍ମାନନ୍ଦ ବେହେରା,...

ପଡ଼ିଗଲେ ହାତୀ ହାବୁଡ଼ରେ

ବାରିପଦା ଅଫିସ,୨୨ା୧୨: ମୟୂରଭଞ୍ଜ ଜିଲା ରାସଗୋବିନ୍ଦପୁର ରେଞ୍ଜ ଅଞ୍ଚଳରେ ବୁଧବାର ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ହୋଇଛି। ମୃତକ ହେଲେ ଟିଆଁସୀ ଗ୍ରାମର ଶମ୍ଭୁଆ...

ବେଧଡ଼କ ଚାଲିଛି ଗୋଚାଲାଣ

କୁଆମରା,୯।୧୦(ଡି.ଏନ.ଏ.): ମୟୂରଭଞ୍ଜ ଜିଲାର ବିଭିନ୍ନ ସାପ୍ତାହିକ ହାଟରୁ ପଡ଼ୋଶୀ ରାଜ୍ୟକୁ ଅବାଧରେ ଗୋରୁ ଚାଲାଣ କରାଯାଉଥିଲେ ମଧ୍ୟ ପ୍ରଶାସନ ନୀରବଦ୍ରଷ୍ଟା ସାଜିଥିବାରୁ ସାଧାରଣରେ ଅସନ୍ତୋଷ ପ୍ରକାଶ...

ଅବ୍ୟବସ୍ଥା ପ୍ରତିବାଦରେ ଆଦିବାସୀ ବିଦ୍ୟାଳୟ ଘେରାଉ

ବାରିପଦା ଅଫିସ,୮।୮- ମୟୂରଭଞ୍ଜ ଜିଲାରେ ଥିବା ଆଦିବାସୀ ଓ ହରିଜନ ଛାତ୍ରୀଛାତ୍ରମାନଙ୍କ ଶିକ୍ଷା ଉଦ୍ଦେଶ୍ୟରେ ଆସୁଥିବା ଅନୁଦାନକୁ ଆତ୍ମସାତ କରାଯାଉଛି। ଏଭଳି ଅଭିଯୋଗ ଆଣି ମୟୂରଭଞ୍ଜ...

Advertisement
Archives

Model This Week