ଭବାନୀପାଟଣା,୩।୫(ଉତ୍ତମ କୁମାର ଦାଶ)- ମାଧ୍ୟମିକ ଶିକ୍ଷା ପରିଷଦ ଓଡିଶା ଦ୍ୱାରା ପରିଚାଳିତ ଦଶମ ଶ୍ରେଣୀ ବାର୍ଷିକ ପରୀକ୍ଷାରେ ଭବାନୀପାଟଣା ସହର ନିକଟସ୍ଥ ପ୍ରଗତି କଲିଜିଏଟ ସ୍କୁଲ ଅପୂର୍ବ ସଫଳତା ହାସଲ କରିଛି । ଚଳିତ ବର୍ଷ ଏହି ସ୍କୁଲରୁ ସର୍ବମୋଟ ୧୦ ଜଣ ଛାତ୍ରୀଛାତ୍ର ୯୦ ପ୍ରତିଶତରୁ ଉର୍ଦ୍ଧ୍ବ ନମ୍ବର ରଖି କୃତକାର୍ଯ୍ୟ ହୋଇଥିବା ବେଳେ ରଜତ ମେହେର ୫୫୩ ମାର୍କ ରଖି ସ୍କୁଲ ଟପ୍ପର ହୋଇଛନ୍ତି । ସେହିପରି ସ୍କୁଲର ତୁଷାର ପଟେଲ ୯୦.୧୭%, ପ୍ରିନ୍ସି ପଧାନ ୯୦%, ଲୋପାମୁଦ୍ରା ସାହୁ ୯୦%, ତପସ୍ୱିନୀ ସାହୁ ୯୦% , ସାର୍ଥକ ସା ୯୦%, ପ୍ରତୀକ୍ଷା ପ୍ରିୟଦର୍ଶିନୀ ସାହୁ ୯୦% , ପ୍ରାଚୀ ପ୍ରତୀକ୍ଷା ସାହୁ ୯୦%, କିଶୋର କୁମାର ସାହୁ ୯୦%, ମଧୁସୂଦନ ନାଏକ ୯୦% ପ୍ରତିଶତ ନମ୍ବର ରଖି ସ୍କୁଲ ପାଇଁ ଗୌରବ ଆଣିଦେଇଛନ୍ତି । ସ୍କୁଲର ୭୬ ଜଣ ଛାତ୍ରୀଛାତ୍ର ୮୦ ପ୍ରତିଶତରୁ ଉର୍ଦ୍ଧ୍ବ ନମ୍ବର ରଖି କୃତକାର୍ଯ୍ୟ ହୋଇଥିବା ବେଳେ ସ୍କୁଲର ଫଳାଫଳ ଶତ ପ୍ରତିଶତ ରହିଛି ।
ସ୍କୁଲର ଏହି ଅପୂର୍ବ ସଫଳତାରେ ସ୍କୁଲର ମୁଖ୍ୟ ଇଂ ଅଜୟ କୁମାର ପଣ୍ଡା, ଚେୟାର ପରସନ ସୁଶ୍ରୀ ସଙ୍ଗୀତା ପଣ୍ଡା, ପ୍ରଶାସନିକ ଅଧିକାରୀ ପ୍ରଣବ କୁମାର ପଣ୍ଡା, ରମେଶ ମେହେର ଓ ପ୍ରଧାନ ଶିକ୍ଷକ ଲୋକନାଥ ଖଡିକାର ସମସ୍ତ ଛାତ୍ରଛାତ୍ରୀ, ଅଭିଭାବକ ଅଭିଭାବିକା ତଥା ଶିକ୍ଷକ ଶିକ୍ଷୟତ୍ରୀମାନଙ୍କୁ କୃତଜ୍ଞତା ଜଣେଇବା ସହିତ ଅଭିନନ୍ଦନ ଜଣେଇଛନ୍ତି ।
