ଖଇରା,୬।୫(ଡି.ଏନ.ଏ.): ସମଗ୍ର ଓଡ଼ିଶାରେ ଲକ୍ଡାଉନ୍ ଲାଗୁ ହୋଇଥିବା ବେଳେ ଖଇରାରେ କିଛି ବ୍ୟବସାୟୀ ଏହାର ଫାଇଦା ଉଠାଉଥିବା ଅଭିଯୋଗ ହୋଇଛି। ବିଶେଷ ଜରି ଆଳୁ ଦର ବୃଦ୍ଧି ଖାଉଟିଙ୍କୁ ଚିନ୍ତାରେ ପକାଇଛି। କଳାବଜାରୀମାନେ ଗୋଟିଏ ରାତିରେ ବସ୍ତା ପିଛା ୩୦୦ ଟଙ୍କା ବୃଦ୍ଧି କରି ଖାଉଟିଙ୍କୁ ଶୋଷଣ କରିବା ଆରମ୍ଭ କରିଛନ୍ତି। ମଙ୍ଗଳବାର ହାଟରେ ୫୦ କିଲୋ ବସ୍ତା ଦର ୬ଶହ ଟଙ୍କା ଥିବା ବେଳେ ବୁଧବାର ସକାଳେ ବ୍ୟବସାୟୀ ଏହାକୁ ୯୦୦ ଟଙ୍କାରେ ବିକି ଥିଲେ। ଏଭଳି ସମୟରେ ପ୍ରଶାସନ ନିରବ ରହିବା ଯୋଗାଣ ବିଭାଗର ନିରବତା ଉପରେ ପ୍ରଶ୍ନବାଚୀ ସୃଷ୍ଟି କରିଛି। ଏ ସମ୍ପର୍କରେ ବ୍ଲକ ଯୋଗାଣ ବିଭାଗ ଅଧିକାରୀ ନିରଞ୍ଜନ ସାହୁ ୨ଦିନ ମଧ୍ୟରେ ବଜାରକୁ ଯାଇ ପରିସ୍ଥିତି ଅନୁଧ୍ୟାନ କରିବେ ବୋଲି କହିଛନ୍ତି।
