ନୂଆଦିଲ୍ଲୀ,୪।୧୧:କ୍ରିକେଟ ଇତିହାସରେ ନୂଆ ଅଧ୍ୟାୟ ଯୋଡ଼ିଛନ୍ତି ଭାରତୀୟ ବ୍ୟାଟର ଚିନ୍ମୟ ସୁତାର। ମାତ୍ର ୫ଟି ଫାର୍ଷ୍ଟ କ୍ଲାସ ପାଳିରେ ୭୯୪ ରନ ସଂଗ୍ରହ କରି ସେ ୧୨୩ ବର୍ଷର ପୁରୁଣା ବିଶ୍ୱ ରେକର୍ଡକୁ ଭାଙ୍ଗି ଦେଇଛନ୍ତି। ଏହି ସଫଳତା ସହ ଅଷ୍ଟ୍ରେଲିଆର ମହାନ ବ୍ୟାଟର ୱିଲିୟମ ପନ୍ସଫୋର୍ଡଙ୍କ ରେକର୍ଡକୁ ପଛରେ ପକାଇଛନ୍ତି ଚିନ୍ମୟ।
୨୦୨୬-୨୭ ରଣଜୀ ଟ୍ରଫିର ପ୍ଲେଟ ଗ୍ରୁପ୍ରେ ମିଜୋରାମ ପକ୍ଷରୁ ଖେଳୁଥିବା ୨୯ ବର୍ଷୀୟ ଚିନ୍ମୟ ଅରୁଣାଚଳ ପ୍ରଦେଶ ବିପକ୍ଷ ମ୍ୟାଚ୍ରେ ନିଜର ପଞ୍ଚମ ଫାର୍ଷ୍ଟ କ୍ଲାସ ପାଳିରେ ଅପରାଜିତ ୧୩୫ ରନ କରିଛନ୍ତି। ଏହା ସହ ତାଙ୍କର ପ୍ରଥମ ୫ଟି ପାଳିର ମୋଟ ରନ ୭୯୪ରେ ପହଞ୍ଚିଛି। ପୂର୍ବରୁ ଏହି ରେକର୍ଡ ୱିଲିୟମ ପନ୍ସଫୋର୍ଡଙ୍କ ନାମରେ ଥିଲା। ସେ ନିଜର ପ୍ରଥମ ୫ଟି ଫାର୍ଷ୍ଟ କ୍ଲାସ ପାଳିରେ ୭୨୪ ରନ କରିଥିଲେ।
Dharitri – Odisha’s No.1 Odia Daily
