କଟକ,୨୬ା୯: ଡ୍ୟୁଟି ଛାଡ଼ି ଅଣ ପୋଲିସ କାର୍ଯ୍ୟରେ ମାତିଛନ୍ତି ଅଧିକାରୀ। ଖଣି ଓ ଶିଳ୍ପାଞ୍ଚଳରେ ପରିବହନ କାର୍ଯ୍ୟରେ ପୋଲିସ କରୁଛନ୍ତି ସହାୟତା। ଏସ୍ପି ଓ ଡିସିପିଙ୍କୁ ଏଡିଜି ପଠାଇଥିବା ଚିଠି ଏଭଳି ସାଙ୍ଘାତିକ ସତ୍ୟର ଗୁମର ଫିଟାଇ ଦେଇଛି। ରାଜ୍ୟରେ ଏବେ ଭରତପୁର ଥାନା ଘଟଣାରେ ପୋଲିସର ଛବି ମଳିନ ପଡିଥିବା ବେଳେ ଏଡିଜିଙ୍କ ଚିଠି ଓଡ଼ିଶା ପୋଲିସ ଉପରେ ବଡ଼ ପ୍ରଶ୍ନ ସୃଷ୍ଟି କରିଛି।
ସମସ୍ତ ଏସପି ଏବଂ ଡିଏସପିଙ୍କୁ ଲେଖିଥିବା ଚିଠିରେ ଏଡିଜିପି କହିଛି ଯେ ଉପରୋକ୍ତ ଅଧିକାରୀଙ୍କ କାର୍ଯ୍ୟକଳାପ ପୋଲିସର ଦାୟିତ୍ୱ ବାହାରେ ରହିଛି ଏବଂ ଡିଜିପି ଏହି ପ୍ରସଙ୍ଗରେ ନିଜର ଉଦ୍ବେଗ ପ୍ରକାଶ କରିଛନ୍ତି। ଏହି ଘଟଣାର ଗମ୍ଭୀରତାର ସହ ନିଆଯିବ ବୋଲି ସେ ଏପରି ଅଧିକାରୀମାନଙ୍କୁ ଚେତାବନୀ ଦେଇଛନ୍ତି। ତେଣୁ ସମସ୍ତ କ୍ଷେତ୍ର ଅଧିକାରୀଙ୍କୁ ଏହି ନିର୍ଦ୍ଦେଶନାମାକୁ ଗ୍ରହଣ କରିବାକୁ ଏବଂ ଏହାକୁ କଡାକଡି ପାଳନ କରିବାକୁ ନିର୍ଦ୍ଦେଶ ଦିଆଯାଇଛି ବୋଲି ଚିଠିରେ କୁହାଯାଇଛି।
