ସମ୍ପର୍କ ଏମିତି ଏକ ଶବ୍ଦ ଯାହାର କଳନା ନାହିଁ। ସେ ମଣିଷ ମଣିଷ ମଧ୍ୟରେ ହେଉ କି ପଶୁ ମଣିଷ ମଧ୍ୟରେ। କେତେବେଳେ କେଉଁ ପରିସ୍ଥିତିରେ ଗଢ଼ି ଉଠେ କହି ହୁଏ ନାହିଁ। ମଣିଷ-ମଣିଷ ମଧ୍ୟରେ ସମ୍ପର୍କ ବଢ଼ିବା ସାଧାରଣ କଥା। ଏକ ଛୋଟ ଜୀବ ବା ପ୍ରାଣୀ ସହ ବନ୍ଧୁତା ବଢ଼ିବା ବିରଳ କଥା। ଜଣେ ପୋଲିସ ଅଧିକାରୀ ଏକ ଝିଟିପିଟି ସହ ବନ୍ଧୁତା କରି ଚର୍ଚ୍ଚାକୁ ଆସିଛନ୍ତି। ଥୋମାସ ସ୍ବାଣ୍ଟନ ନାମକ ଜଣେ ପୋଲିସ ଅଧିକାରୀ ଏକ ଝିପିପିଟି ସହ ବନ୍ଧୁତା କରିଛନ୍ତି।
ଝିଟିପିଟି ସହ ତାଙ୍କର ଏତେ ଗଭୀର ସମ୍ପର୍କ ଅଛି ଯେ, କେହି କାହାକୁ ଛାଡ଼ି କୁଆଡ଼େ ବି ଯାଇପାରନ୍ତି ନାହିଁ। ସ୍ଲାଇଡେଲ ପୋଲିସ ବିଭାଗରେ କାର୍ଯ୍ୟ କରୁଥିବା ଥୋମାସ ଇଗୁଆନା ପ୍ରଜାତିର ଏକ ଝିଟିପିଟି ଧରିବା ପାଇଁ କଲ୍ ଆସିଥିଲା। ଖବର ପାଇବା ପରେ ଥୋମାସ ଶୀଘ୍ର ସେହି ସ୍ଥାନରେ ପହଞ୍ଚିଥିଲେ, ତାପରେ ସେ ଇଗୁଆନା ବଦଳରେ ଏହି ଝିଟିପିଟି ପାଇଥିଲେ। ଯେହେତୁ ଥୋମାସ ପ୍ରାଣୀମାନଙ୍କୁ ବହୁତ ଭଲ ପାଉଥିଲେ। ତେଣୁ ଏହି ଝିଟିପିଟିକୁ ସେ ତାଙ୍କ ପାଖରେ ରଖିଥିଲେ। ଲୋକମାନେ ତାଙ୍କୁ ଏକ ଇଗୁଆନା ବୋଲି କହୁଥିଲେ, କିନ୍ତୁ ଥୋମାସ ତାଙ୍କୁ ବିୟର୍ଡେଡ ଡ୍ରାଗନ ଭାବରେ ଚିହ୍ନିଥିଲେ ଏବଂ ତାକୁ ଧିରେ ଧିରେ ପୋଷା କରିଦେଲେ। ଯେତେବେଳେ ତାଙ୍କ ମାଲିକ ଆସିଲେ ନାହିଁ, ଥୋମାସ ତାକୁ ବନ୍ଧୁ କରି ପାଖରେ ରଖିଲେ।
ସୋସିଆଲ ମିଡିଆରେ ଥୋମାସ କିଛି ଫଟୋ ଶେୟାର କରିଛନ୍ତି। ଯେଉଁଥିରେ ସେ ଝିଟିପିଟିକୁ ଧରିଛନ୍ତି। ଫଟୋ ଶେୟାର କରି ସେ କହିଛନ୍ତି, ଏହାର ମାଲିକ କେହି ଆସିଲେନି। ମୁଁ ଏହାର ଯତ୍ନ ନେଉଛି।
ଥୋମାସ ଘରୁ ବାହାରକୁ ଗଲେ ଝିଟିପିଟିକୁ ସାଙ୍ଗରେ ନେଇ ଯାଆନ୍ତି। ତାଙ୍କ କାର୍ରେ ରଖି ସେ କାମ କରନ୍ତି। ଫେରିବା ସମୟରେ ପୁଣି ସାଥିରେ ଧରି ଆସିଥାନ୍ତି।
