ନୂଆଦିଲ୍ଲୀ,୧୯।୩ : ଦିଲ୍ଲୀ ପୋଲିସର ବରିଷ୍ଠ ଅଧିକାରୀମାନେ ରାହୁଲ ଗାନ୍ଧୀଙ୍କ ଘରେ ପହଞ୍ଚିଛନ୍ତି। କଶ୍ମୀରରେ ଭାରତ ଯୋଡୋ ଯାତ୍ରା ସମୟରେ ରାହୁଲଙ୍କ ସହ ତାଙ୍କ ବିବୃତ୍ତି ନେଇ ଦିଲ୍ଲୀ ପୋଲିସ କଥା ହେବାକୁ ଚାହୁଁଛି। ମାର୍ଚ୍ଚ ୧୬ରେ, ଦିଲ୍ଲୀ ପୋଲିସ ରାହୁଲ ଗାନ୍ଧୀଙ୍କୁ ଏନେଇ ନୋଟିସ ଜାରି କରିଥିଲା । କିନ୍ତୁ ରାହୁଲ ଏହାର ଉତ୍ତର ଦେଇ ନ ଥିଲେ। ଏହା ପରେ ଦିଲ୍ଲୀ ପୋଲିସ ରବିବାର ତାଙ୍କ ଘରେ ପହଞ୍ଚିଛି।
ରାହୁଲ କଶ୍ମୀରରେ କହିଥିଲେ ଯେ ଅନେକ ମହିଳା ତାଙ୍କ ପାଖରେ ପ୍ରତି ଯୌନ ଉତ୍ପୀଡ଼ନ ଅଭିଯୋଗ କରିଛନ୍ତି। ଆଜି ବି ମହିଳାମାନଙ୍କ ସହ ଯୌନ ଉତ୍ପୀଡ଼ନ ଘଟୁଛି। ଦିଲ୍ଲୀ ପୋଲିସ ରାହୁଲରୁ ସେହି ମହିଳାମାନଙ୍କର ସବିଶେଷ ତଥ୍ୟ ଜାଣିବାକୁ ଚାହୁଁଛି ଯାହାଦ୍ୱାରା ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇପାରିବ। ସ୍ବତନ୍ତ୍ର ସିପି ସ୍ତରର ଅଧିକାରୀଙ୍କ ସହ ବରିଷ୍ଠ ଅଧିକାରୀମାନେ ରାହୁଲଙ୍କ ସହ କଥାବାର୍ତ୍ତା କରିବାକୁ ଚେଷ୍ଟା କରିବେ, ଯାହାଫଳରେ ପୀଡିତ ମହିଳାଙ୍କ ସୂଚନା ମିଳିପାରିବ।
