ଭୁବନେଶ୍ୱର,୬ା୭: ଭୁବନେଶ୍ୱର ରାଜଭବନରେ କବୟିତ୍ରୀ ସୁଶ୍ରୀ ହରପ୍ରିୟା ସାହୁଙ୍କ କବିତା ସଂକଳନ ‘ଶିଶୁ କବିତା ସମଗ୍ର’ ଏବଂ ୭ଟି କବିତା ପୁସ୍ତକର ଏକତ୍ରିତ ରୂପ ‘ସପ୍ତବର୍ଣ୍ଣା’ ମହାମହିମ ରାଜ୍ୟପାଳ ଗଣେଶୀ ଲାଲ୍ଙ୍କ କରକମଳରେ ଗୁରୁବାର ଉନ୍ମୋଚିତ ହୋଇଯାଇଛି। ଏହି ଅବସରରେ କବୟିତ୍ରୀ ସୁଶ୍ରୀ ହରପ୍ରିୟା ସାହୁ , ବରିଷ୍ଠ କବି ସମ୍ପାଦକ ଭିକାରୀ ଧଳ,ବରିଷ୍ଠ କବି ରକ୍ଷକ ନାୟକ ଏବଂ ପ୍ରକାଶକ ମାନମୟୀ ରଥ ଉପସ୍ଥିତ ଥିଲେ। ଏକକାଳୀନ ଏତେ ସଂଖ୍ୟକ ପୁସ୍ତକ କିଭଳି ରଚନା କରିପାରିଛନ୍ତି ବୋଲି ରାଜ୍ୟପାଳ ଆନନ୍ଦ ପ୍ରକାଶ କରିଥିଲେ। ଏକ ନିଆରା ତଥା ଭିନ୍ନ ପରିବେଶରେ ଏଭଳି ଉନ୍ମୋଚନ ଉତ୍ସବରେ ନିଜ ବହିଟିକୁ ଉନ୍ମୋଚିତ ହେବାର ଦେଖି କବି ଆନନ୍ଦ ହେବା ସହ କୃତଜ୍ଞତା ଜଣାଇଛନ୍ତି।
