ନୂଆଦିଲ୍ଲୀ,୩୦।୩: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଓସ୍କାର ବିଜେତା ଚଳଚ୍ଚିତ୍ର ‘ଦି ଏଲିଫ୍ୟାଣ୍ଟ ହ୍ବିସ୍ପର୍’ର ନିର୍ମାତା-ନିର୍ଦ୍ଦେଶକ ଗୁନିତ ମୋଙ୍ଗା ଏବଂ କାର୍ତ୍ତିକି ଗୋନସାଲଭସଙ୍କୁ ଭେଟିଛନ୍ତି। ପ୍ରଧାନମନ୍ତ୍ରୀ ଟୁଇଟ୍ ଯୋଗେ ସାକ୍ଷାତ ସମୟର ଫଟୋ ମଧ୍ୟ ଶେୟାର କରିଛନ୍ତି। ସେ ଲେଖିଛନ୍ତି, ‘ଦି ଏଲିଫ୍ୟାଣ୍ଟ ହ୍ବିର୍ସ୍ପର୍’ ଚଳଚ୍ଚିତ୍ରର ସିନେମାଟିକ ଉଜ୍ଜ୍ୱଳତା ଏବଂ ସଫଳତା ସମଗ୍ର ବିଶ୍ୱର ଧ୍ୟାନ ଆକର୍ଷିତ କରିଛି । ଆଜି ଏହା ସହିତ ଜଡିତ ଚମତ୍କାର ଟିମ୍କୁ ଭେଟିବାର ଏକ ସୁଯୋଗ ପାଇଲି। ସେମାନେ ସମଗ୍ର ବିଶ୍ୱରେ ଭାରତକୁ ଗର୍ବିତ କରିଛନ୍ତି।
୯୫ତମ ଏକାଡେମୀ ପୁରସ୍କାର ୨୦୨୩ରେ ‘ଦି ବେଷ୍ଟ ଡକ୍ୟୁମେଣ୍ଟାରୀ ସର୍ଟ ବର୍ଗ’ରେ ଓସ୍କାର ଜିତିଥିଲା। କାର୍ତ୍ତିକିଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ଗୁନିତ ମୋଙ୍ଗା ଦ୍ୱାରା ନିର୍ମିତ।
