ନୂଆଦିଲ୍ଲୀ,୧୮।୧:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲୋକସଭା ନିର୍ବାଚନ ପୂର୍ବରୁ ମିଶନ ସାଉଥ ଆରମ୍ଭ କରିଛନ୍ତି। ଏହି କ୍ରମରେ ପ୍ରଧାନମନ୍ତ୍ରୀ ମୋଦି ଶୁକ୍ରବାର ଅର୍ଥାତ୍ ୧୯ ଜାନୁଆରୀ ତାମିଲନାଡୁ ଗସ୍ତ କରିବେ। ରାମ ମନ୍ଦିରର ପ୍ରତିଷ୍ଠାର ହେବାର ଚାରି ଦିନ ପୂର୍ବରୁ ପ୍ରଧାନମନ୍ତ୍ରୀ ମୋଦି ତୃତୀୟ ଦକ୍ଷିଣ ରାଜ୍ୟ ଗସ୍ତ କରିବେ। ଏହାପୂର୍ବରୁ ପ୍ରଧାନମନ୍ତ୍ରୀ ମୋଦି ୧୬-୧୭ ଜାନୁଆରୀରେ ଆନ୍ଧ୍ରପ୍ରଦେଶ ଏବଂ କେରଳ ଗସ୍ତ କରିଥିଲେ। ନୂତନ ବର୍ଷ ଆରମ୍ଭରେ ପ୍ରଧାନମନ୍ତ୍ରୀ ମୋଦିଙ୍କ ବାରମ୍ବାର ଦକ୍ଷିଣ ରାଜ୍ୟ ଗସ୍ତକୁ ଭାଜପାର ‘ମିଶନ ସାଉଥ’ର ଏକ ଅଂଶ ବୋଲି କୁହାଯାଉଛି।
ଲୋକସଭା ନିର୍ବାଚନରେ ଭାଜପା ୪୦୦ଟି ଆସନ ଧାର୍ଯ୍ୟ କରିଛି। ଏହି ଲକ୍ଷ୍ୟ ହାସଲ କରିବାକୁ ଭାଜପା ଉତ୍ତର ଏବଂ ଦକ୍ଷିଣର ଦୁର୍ଗକୁ ଭାଙ୍ଗିବା ଆବଶ୍ୟକ। ସାଉଥ୍ରେ ଏପର୍ଯ୍ୟନ୍ତ ଭାଜପାର ପ୍ରଦର୍ଶନ ଭଲ ହୋଇନାହିଁ। ଏହି କାରଣରୁ ବର୍ଷ ଆରମ୍ଭରୁ ପ୍ରଧାନମନ୍ତ୍ରୀ ମୋଦି ଦକ୍ଷିଣ ରାଜ୍ୟ ଆଡକୁ ମୁହାଁଇଛନ୍ତି। ଏଠାରେ ସେ କେବଳ ଉଦ୍ଘାଟନ କରି ବିଭିନ୍ନ ଯୋଜନାର ମୂଳଦୁଆ ପକାଇ ନାହାନ୍ତି, ବରଂ ପ୍ରମୁଖ ମନ୍ଦିର ପରିଦର୍ଶନ କରି ପ୍ରାର୍ଥନା ମଧ୍ୟ କରିଛନ୍ତି। ଆସନ ବଢାଇବା ପାଇଁ ଭାଜପା ହିନ୍ଦୁତ୍ୱ କାର୍ଡ ଖେଳୁଛି ବୋଲି ଚର୍ଚ୍ଚା ହେଉଛି।
୨୦୧୯ ଲୋକସଭା ନିର୍ବାଚନରେ ଭାଜପା ମିଳିତ ମଞ୍ଚ ଏହି ୧୩୪ଟି ଆସନ ମଧ୍ୟରୁ ୩୧ଟି ପାଇଥିଲା। କଂଗ୍ରେସ ୬୫ଟି ସିଟ ଜିତିଥିବା ବେଳେ ଅନ୍ୟମାନେ ୩୬ଟି ସିଟ ଜିତିଥିଲେ।
