ନୂଆଦିଲ୍ଲୀ,୧୭।୩: ଇଣ୍ଡିଆନ ପ୍ରିମିୟର ଲିଗ୍-୨୦୨୩ର ଆରମ୍ଭ ମାର୍ଚ୍ଚ ୩୧ରୁ ଆରମ୍ଭ ହେବାକୁ ଯାଉଛି। ଟୁର୍ନାମେଣ୍ଟରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(ଆର୍ସିବି) ଏବଂ ଚେନ୍ନାଇ ସୁପର କିଙ୍ଗ୍ସ(ସିଏସ୍କେ) ଏଭଳି ଦୁଇଟି ଟିମ୍, ଯାହାର ପ୍ରଶଂସକ ବହୁତ ଅଧିକ ଅଛନ୍ତି। ହେଲେ ଉଭୟ ଟିମ୍ର ମ୍ୟାଚ୍ ଦେଖିବା ଲାଗି ଏଥର ପ୍ରଶଂସକଙ୍କୁ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ। କାରଣ ଟିକେଟ ଦାମ ରେକର୍ଡସ୍ତରରେ ଅଧିକ ରହିଛି।
ଏପ୍ରିଲ ୧୭ରେ ସିଏସ୍କେ-ଆର୍ସିବି ମଧ୍ୟରେ ମୁକାବିଲା ହେବ। ନିକଟରେ ଆର୍ସିବି ଏହି ମ୍ୟାଚ୍ ଲାଗି ଟିକେଟ ବୁକିଂ ଆରମ୍ଭ କରିଛି। ମ୍ୟାଚ୍ର ସବୁଠାରୁ ଶସ୍ତା ଟିକେଟ ୨,୪୦୫ ଟଙ୍କାରେ ଉପଲବ୍ଧ ହେଉଛି। ସେହିଭଳି ସବୁଠାରୁ ମହଙ୍ଗା ଟିକେଟ ୪୨,୩୫୦ ଟଙ୍କାର ରହିଛି।
ସାଧାରଣ ବର୍ଗରେ ସବୁଠାରୁ ମହଙ୍ଗା ଟିକେଟ ୩,୪୩୭ ଟଙ୍କାର ରହିଛି। ସେହିଭଳି ସ୍ବତନ୍ତ୍ର କାଟାଗୋରୀରେ ସବୁଠାରୁ ଶସ୍ତା ଟିକେଟ ୪୮୪୦ ଟଙ୍କାର ରହିଛି।
କହିରଖୁଛୁ, ଏମ୍ଏସ୍ ଧୋନୀଙ୍କର ଏହା ଅନ୍ତିମ ଆଇପିଏଲ୍ ହୋଇପାରେ। ଏଣୁ ପ୍ରଶଂସକ କୋହଲି-ଧୋନୀଙ୍କ ମଧ୍ୟରେ ମୁକାବିଲା ଦେଖିବାକୁ ଉତ୍ସାହିତ ଅଛନ୍ତି।
