ପିଜା ଖାଇବାକୁ ଯେତିକି ସ୍ବାଦିଷ୍ଟ ଲାଗିଥାଏ ତାଠାରୁ ଅଧିକ ଖୁସି ଲାଗେ ପାଖରେ ପହଞ୍ଚିବା ସମୟରେ। ମାତ୍ର ପିଜା କାହାକୁ ସମସ୍ୟାରେ ପକାଇଥାଏ,ଏହା ଜାଣି ଆପଣ ଆଶ୍ଚର୍ଯ୍ୟ ହେଇଯାଉଥିବେ ନିଶ୍ଚୟ। ବେଲଜିୟମର ଆଣ୍ଟୱର୍ପରେ ରହୁଥିବା ଜଣେ ବ୍ୟକ୍ତି ଏହି ଭଳି ସମସ୍ୟାରେ ପଡ଼ିଛନ୍ତି। କାରଣ ବିନା ଅର୍ଡରରେ ନଅ ବର୍ଷ ଧରି ପ୍ରତିଦିନ ତାଙ୍କ ଘରକୁ ପିଜା ଆସୁଛି। ସେ ଏଥିରେ ଏତେ ଅସନ୍ତୋଷ ଅଛନ୍ତି ଯେ, ଅନେକ ଥର ପୋଲିସ ନିକଟରେ ଅଭିଯୋଗ କରିଥିଲେ ମଧ୍ୟ ସମସ୍ୟାର ସମାଧାନ ହେଉ ନାହିଁ।
୬୫ ବର୍ଷର ଜନ ୱେନ ଲ୍ୟାଣ୍ଡଘାମ ନାମକ ଏହି ବ୍ୟକ୍ତି ଜଣକ କହିଛନ୍ତି, ସେ କେବେବି
ପିଜା ଅର୍ଡର କରି ନାହାନ୍ତି ମାତ୍ର ପ୍ରତିଦିନ ଏକ ଡେଲିଭରି ବୟ ତାଙ୍କ ଘରକୁ ପିଜା ଦେବାକୁ ଆସିଥାନ୍ତି। ତେବେ ତାଙ୍କର କୌଣସି ନିଦ୍ଧିଷ୍ଟ ସମୟସୀମା ନ ଥିବା ବେଳେ ମଧ୍ୟରାତ୍ରିରେ ମଧ୍ୟ ସେ ଆସିଥାନ୍ତି। କେବଳ ସେତିକି ନୁହେଁ, ଥରେ ସେ ୧୪ ଟି ପିଜା ନେଇ ଆସିଥିଲେ।
ଜନଙ୍କ ଜଣେ ବନ୍ଧୁ ମଧ୍ୟ ଏହି ସମସ୍ୟାରେ ପଡ଼ିଛନ୍ତି। ସେ ମଧ୍ୟ ଅର୍ଡର କରି ନଥିବା ବେଳେ ପ୍ରତିଦିନ ତାଙ୍କ ଘରକୁ ପିଜା ଆସିଥାଏ। ଉଭୟ ଭାବନ୍ତି ଯେ , ଏପରି କରୁଥିବା ବ୍ୟକ୍ତି ନିଶ୍ଚିତ ଭାବରେ ସେମାନଙ୍କର କେହି ବନ୍ଧୁ ହୋଇଥିବେ। ମାତ୍ର ସେ ସ୍ପଷ୍ଟ ନୁହନ୍ତି। ତେବେ ସେ କେବେବି ପିଜା ଗ୍ରହଣ କରି ନାହାନ୍ତି। ଯେଉଁଥି ପାଇଁ ସେ ଟଙ୍କା ମଧ୍ୟ ଦେଇ ନାହାନ୍ତି। ଏହା ସତ୍ତ୍ୱେ ସେମାନଙ୍କ ପାଖକୁ ପ୍ରତିଦିନ ପିଜା ଆସିଥାଏ। ବର୍ତ୍ତମାନ କିଏ ଏବଂ କାହିଁକି ଏହି ପିଜା ପଠାଉଛନ୍ତି ତାହା ଜଣା ପଡିନାହିଁ ।
