ଭୁବନେଶ୍ୱର, ୧୪।୫: ରାଜଧାନୀ ଭୁବନେଶ୍ୱରରେ ପେଟ୍ରୋଲ ଓ ଡିଜେଲ ସଙ୍କଟ ଏବେ ଚରମ ସୀମାରେ ପହଞ୍ଚିଛି। ସହରର ଅଧିକାଂଶ ପେଟ୍ରୋଲ ପମ୍ପରେ ତେଲ ସରିଯାଇଥିବାରୁ ‘ନୋ ଷ୍ଟକ୍’ ବୋର୍ଡ ଲଗାଯାଇ ପମ୍ପଗୁଡ଼ିକୁ ସମ୍ପୂର୍ଣ୍ଣ ଭାବେ ବନ୍ଦ କରିଦିଆଯାଇଛି। ଏଭଳି ସ୍ଥିତିରେ ଯେଉଁ କେତେକ ସୀମିତ ପେଟ୍ରୋଲ ପମ୍ପ ଖୋଲା ରହିଛି, ସେଠାରେ ଗ୍ରାହକଙ୍କର ଅସମ୍ଭବ ଭିଡ଼ ଦେଖିବାକୁ ମିଳୁଛି । ଭୁବନେଶ୍ୱର ପେଟ୍ରୋଲ ପମ୍ପରେ ଆଜି ସକାଳୁ ଲମ୍ବା ଲାଇନ ଦେଖିବାକୁ ମିଳିଛି। ଲୋକଙ୍କୁ ପ୍ରାୟ ଦେଢ଼ରୁ ଦୁଇ ଘଣ୍ଟା କାଳ ଲମ୍ବା ଲାଇନରେ ଛିଡ଼ା ହେବାକୁ ପଡୁଛି। ଘଣ୍ଟା ଘଣ୍ଟା ଧରି ଅପେକ୍ଷା କରିବା ପରେ ଯାଇ ଲୋକଙ୍କୁ ତେଲ ମିଳୁଛି।
ପେଟ୍ରୋଲ-ଡିଜେଲ ଉପରେ ଆଜି ଆସିପାରେ ବଡ଼ ନିଷ୍ପତ୍ତି। ସରକାରୀ ସ୍ତରରେ କିଛି ବଡ଼ ନିଷ୍ପତ୍ତି ନେଇପାରନ୍ତି ସରକାର। ବଡ଼ ନିଷ୍ପତ୍ତି ଆସିବା ନେଇ ମୁଖ୍ୟ ଶାସନ ସଚିବଙ୍କ ସଂକେତ।
ଡିଜେଲ ନ ମିଳିବାରୁ ଘରୋଇ ବସ୍ ସେବା ଗୁରୁତର ପ୍ରଭାବ ପଡିଛି। ଏହାରି ଭିତରେ ଘରୋଇ ବସ୍ ସଂଘ ସମ୍ପାଦକ ଦେଇଛନ୍ତି ବଡ଼ ବୟାନ। ପେଟ୍ରୋଲ ପମ୍ପରେ ଆଉ ଡିଜେଲ ମିଳୁନଥିବାରୁ ବସ୍ ଜଳାଚଳ ସମ୍ଭବ ହୋଇପାରୁନାହିଁ। ତେଣୁ ଆଉ ଦିନେ କି ଦୁଇଦିନ ଭିତରେ ସାରା ରାଜ୍ୟରେ ଘରୋଇ ବସ୍ ସେବା ପୂରାପୂରି ଠପ୍ ହୋଇଯାଇପାରେ।
ବର୍ତ୍ତମାନ ରାଜ୍ୟରେ ପେଟ୍ରୋଲ ପମ୍ପରେ ପେଟ୍ରୋଲ ଓ ଡିଜେଲ ଅଭାବ ଦେଖିବାକୁ ମିଳିଲାଣି। ତେବେ ଆସନ୍ତା ୨ ଦିନ ମଧ୍ୟରେ ବନ୍ଦ ହୋଇପାରେ ସମସ୍ତ ଘରୋଇ ବସ।
ବର୍ତ୍ତମାନ ରାଜ୍ୟରେ ଚାଲୁଥିବା ୧୪,୦୦୦ ବସ ମଧ୍ୟରୁ ୨୦% ଚଳାଚଳ ବନ୍ଦ ହୋଇସାରିଲାଣି ବୋଲି କହିଛନ୍ତି ଘରୋଇ ବସ୍ ସଂଘ ସମ୍ପାଦକ।
