ଚଣ୍ଡିଗଡ଼,୩୦।୧୦: ଛାତ ଉପରେ କରାଯାଇଥିବା ନିଆରା ପାଣିଟାଙ୍କି ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଏଭଳି ପାଣିଟାଙ୍କି ପଞ୍ଜାବର କେତେକ ଅଞ୍ଚଳରେ କରାଯାଉଛି। ତେବେ ଜଳନ୍ଧରର ଉପ୍ପାଲ ଭୁପା ଗାଁରେ ଲୋକଙ୍କ ମଧ୍ୟରେ ଏରୋପ୍ଲେନ୍, ପଦ୍ମଫୁଲ, ଗୃହପାଳିତ ତଥା ଜଙ୍ଗଲୀ ପ୍ରାଣୀ, ପାଣି ଜାହାଜ ଆଦି ଆକୃତିର ପାଣି ଟାଙ୍କି କରାଯାଉଛି।
ସେମାନଙ୍କୁ ଅନୁକରଣ କରି ରାଜ୍ୟର ଅନ୍ୟ ଅଞ୍ଚଳରେ ମଧ୍ୟ ଏଭଳି କାର୍ଯ୍ୟ ଜାରି ରହିଛି। ଅଧିକ ଲୋକ ଏରୋପ୍ଲେନ୍ ଆକୃତି ପାଣିଟାଙ୍କି ଉପରେ କରିବାକୁ ପସନ୍ଦ କରୁଥିବା ଗାଁର ବରିଷ୍ଠ ସଦସ୍ୟ ମୁଖତିଆର ସିଂ କହିଛନ୍ତି।
କେତେକ ଲୋକ ଘୋଡ଼ା, ଡାଇନୋସର ଏବଂ ଅନ୍ୟ ଆକୃତି ମଧ୍ୟ ପାଣିଟାଙ୍କି ଉପରେ କରୁଛନ୍ତି ବୋଲି ସେ କହିଛନ୍ତି। ଏହାଦ୍ୱାରା ତାଙ୍କ ଗାଁକୁ ଏବେ ବହୁ ପର୍ଯ୍ୟଟକ ଆସିବା ଆରମ୍ଭ କରିଛନ୍ତି।
