ପଦ୍ମପୁର,୨୪ା୪ (ପ୍ରଦୀପ୍ତ ଦାଶ):ପଦ୍ମପୁରରେ ଚିରାଚରିତ ସମସ୍ୟାରେ ପରିଣତ ହୋଇସାରିଛି ପାନୀୟ ଜଳ ସମସ୍ୟା। ଦୀର୍ଘ ବର୍ଷ ଧରି ଏହି ସମସ୍ୟା ଲାଗି ରହିଥିବା ବେଳେ ଏହାର ସ୍ଥାୟୀ ସମାଧାନ ହୋଇପାରୁନାହିଁ। ଫଳରେ ବର୍ତ୍ତମାନ ପଦ୍ମପୁର ଜନସାଧାରଣ ପାଣି ଟୋପାଏ ପାଇଁ ଡହଳବିକଳ ହେଉଛନ୍ତି ବୋଲି କାଉନ୍ସିଲର କୁନାଲ ପାଣିଗ୍ରାହୀ ଉଦ୍ବେଗ ପ୍ରକାଶ କରିଛନ୍ତି। ଜଳ ସମସ୍ୟା ନିରାକରଣ ନଁାରେ ପ୍ରାୟ ୭୦ କୋଟି ଟଙ୍କା ବ୍ୟୟରେ ଅଙ୍ଗ ନଦୀ ଉପରେ ଏକ ବ୍ୟାରେଜ ନିର୍ମାଣ କରାଗଲା, ହେଲେ ସଠିକ ପର୍ଯ୍ୟବେକ୍ଷଣ ଓ ନିମ୍ନମାନର ଯୋଜନା ଯୋଗୁ ଏହାର ଜଳଧାରଣ କ୍ଷମତା ନାହିଁ ସଦୃଶ। ଏପ୍ରିଲରେ ଏହି ବ୍ୟାରେଜରେ ୪ ମିଟର ପାଣି ରହିବା କଥା କିନ୍ତୁ ଦୁଃଖର କଥା ଜାନୁଆରୀରେ ଏହି ବ୍ୟାରେଜରେ ୪ ମିଟର ପାଣି ରହୁନାହିଁ। ଅନ୍ୟପଟେ ପଦ୍ମପୁରକୁ ପାଣି ଯୋଗାଉଥିବା ନାଗେନ ଦର୍ହା ଇଣ୍ଟେକ ୱେଲ ପାଖରେ ମଧ୍ୟ ସ୍ଥାୟୀ ଆନିକଟ ପାଇଁ ଦାବି ହେଉଥିଲେ ସୁଦ୍ଧା କୌଣସି ସୁଫଳ ମିଳୁନାହିଁ। ତେବେ ସରକାର ଏହି ସମସ୍ୟାକୁ ଗୁରୁତ୍ୱ ଦେଇ ସ୍ଥାୟୀ ସମାଧାନ ପାଇଁ ପଦକ୍ଷେପ ନେବେ ବୋଲି ପାଣିଗ୍ରାହୀ ଅନୁରୋଧ କରିଛନ୍ତି।
Dharitri – Odisha’s No.1 Odia Daily
