ମୁମ୍ବାଇ: ୱେବ ସିରିଜ ‘ପଞ୍ଚାୟତ ୨’ରେ କାମ କରୁଥିବା ଅଭିନେତ୍ରୀ ଆଞ୍ଚଲ ତିୱାରୀଙ୍କର ଏକ ସଡକ ଦୁର୍ଘଟଣାରେ ମୃତ୍ୟୁ ଘଟିଛି। ଆଞ୍ଚଲ ଭୋଜୁପାରି ଇଣ୍ଡଷ୍ଟ୍ରିରେ ବହୁତ ସକ୍ରିୟ ଥିଲେ। ଏହି ଦୁର୍ଘଟଣାରେ ଅନ୍ୟ ଜଣେ ଭୋଜପୁରୀ ଅଭିନେତ୍ରୀ ସିମରନ ଶ୍ରୀବାସ୍ତବ ଏବଂ ଗାୟକ ଛୋଟୁ ପାଣ୍ଡେଙ୍କର ମୃତ୍ୟୁ ଘଟିଛି। ଭୋଜପୁରୀ ସିନେମାର ଚାରିଜଣ ଉଦୀୟମାନ କଳାକାର ମଧ୍ୟ ଏକ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି। ରବିବାର ସାରେ ବିହାରର କୈମୁରର ଦେବକଲି ଗ୍ରାମ ନିକଟ ଜିଟି ରୋଡରେ ଏହି ସଡକ ଦୁର୍ଘଟଣା ଘଟିଛି। ସୋମବାର ସକାଳେ ମୃତକଙ୍କ ପରିଚୟ ମିଳିଛି। ଏହା ପରେ ପୋଲିସ ଏକ ବିବୃତ୍ତି ଜାରି କରି ମତ୍ୟୁକୁ ନିଶ୍ଚିତ କରିଛି।
ଆଞ୍ଚଲ ତିୱାରୀ ‘ପଞ୍ଚାୟତ ୨’ରେ ମୁଖ୍ୟ ଅଭିନେତ୍ରୀ ସାନଭିକାଙ୍କ ଚରିତ୍ର ରିଙ୍କିଙ୍କ ବନ୍ଧୁ ଆଞ୍ଚଲ ରବିନାଙ୍କ ଭୂମିକାରେ ଅଭିନୟ କରିଥିଲେ। ରବିବାର ସାରେ ମୋହାନିଆ ପୋଲିସ ଷ୍ଟେଶନ ପରିସରର ଦେବକଲି ଗ୍ରାମ ନିକଟରେ ଜିଟି ରୋଡରେ ଏହି ଘଟଣା ଘଟିଛି। ମୋହନିଆ ଡିଏସପି ଦିଲୀପ କୁମାର କହିଛନ୍ତି ଯେ ମୃତ ବ୍ୟକ୍ତିଙ୍କୁ ସୋମବାର ଚିହ୍ନଟ କରାଯାଇଛି ଏବଂ ଭୋଜପୁରୀ ଗାୟକ ଭିମଲେଶ ପାଣ୍ଡେ ଓରଫ ଛୋଟୁ ପାଣ୍ଡେ ମଧ୍ୟ ସେମାନଙ୍କ ମଧ୍ୟରେ ଅଛନ୍ତି।
ଏଥିରେ ମୋଟ ୯ଜଣଙ୍କର ମୃତ୍ୟୁ ହୋଇଛି। ସମସ୍ତ କଳାକାର ଏକ ଏସୟୁଭିରେ ଯାତ୍ରା କରୁଥିଲେ। ପୋଲିସ କହିଛି ଯେ ମୃତ୍ୟୁ ହୋଇଥିବା ବ୍ୟକ୍ତିଙ୍କ ମଧ୍ୟରେ ଆଞ୍ଚଲ ତିୱାରୀ, ସିମରନ ଶ୍ରୀବାସ୍ତବ, ପ୍ରକାଶ ରାମ, ଦଧିବଲ ସିଂ, ଅନୁ ପାଣ୍ଡେ, ଶଶି ପାଣ୍ଡେ, ସତ୍ୟ ପ୍ରକାଶ ମିଶ୍ର ଏବଂ ବାଗିଶ ପାଣ୍ଡେ ମଧ୍ୟ ଅଛନ୍ତି।
ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ ପ୍ରଥମେ ଏସୟୁଭି କାର ଏବଂ ମୋଟରସାଇକେଲ ମୁହାଁମୁହିଁ ଧକ୍କା ହୋଇଥିଲା, ଯେଉଁ କାରଣରୁ ବାଇକ ଏବଂ ଏସୟୁଭି ଅନ୍ୟ ଗାଡ଼ିରେ ପ୍ରବେଶ କରିଥିଲା। ତା’ପରେ ସାମ୍ନାରୁ ଦ୍ରୁତ ଗତିରେ ଆସୁଥିବା ଟ୍ରକ ସେମାନଙ୍କ ସହ ମୁହାଁମୁହିଁ ଧକ୍କା ହୋଇଥିଲା। ମୋଟରସାଇକେଲ ଡ୍ରାଇଭର ସମେତ ୯ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଦୁର୍ଘଟଣା ପରେ ଟ୍ରକ ଡ୍ରାଇଭର ଘଟଣାସ୍ଥଳରୁ ପଳାଇ ଯାଇଥିଲେ।
