ଜେରୁଜେଲମ,୨୪।୧୦: ବନ୍ଧକ ମୁକ୍ତ ହେବା ପର୍ଯ୍ୟନ୍ତ ଗ୍ରାଉଣ୍ଡ ଆକ୍ରମଣରୁ ଦୂରେଇ ରହିଥିବା ଇସ୍ରାଏଲ ରବିବାର ରାତି ସାରା ଗାଜା ଉପରେ ବୋମା ମାଡ କରିଥିଲା। ଇସ୍ରାଏଲ ସେନା କହିଛି ଯେ ୩୨୦ ହମାସ ଶିବିରକୁ ଟାର୍ଗେଟ କରାଯାଇଛି। ଏଥିରେ ଟନେଲ, କମାଣ୍ଡ ସେଣ୍ଟର ଏବଂ ଆତଙ୍କବାଦୀଙ୍କ ମନିଟରିଂ ପୋଷ୍ଟ ଅନ୍ତର୍ଭୁକ୍ତ। ଇସ୍ରାଏଲର ଗ୍ରାଉଣ୍ଡ ଫୋର୍ସ ମଧ୍ୟ ଆକ୍ରମଣ ପୂର୍ବରୁ ଗାଜାରେ ଆକ୍ରମଣ କରିଥିଲା। ଗାଜାରେ ଥିବା ସ୍ବାସ୍ଥ୍ୟ ମନ୍ତ୍ରଣାଳୟ କହିଛି ଯେ ଇସ୍ରାଏଲ ତିନୋଟି ପ୍ରମୁଖ ଡାକ୍ତରଖାନା ପରିସରରେ ଅନେକ ଆବାସିକ କୋଠା ଏବଂ ଅନ୍ୟ କୋଠାକୁ ମଧ୍ୟ ଟାର୍ଗେଟ କରିଛି। ଏଥିରେ ୧୮୨ ପିଲାଙ୍କ ସମେତ ୪୩୬ ପାଲେଷ୍ଟାଇନୀୟଙ୍କର ମୃତ୍ୟୁ ହୋଇଥିଲା।
ଇସ୍ରାଏଲର ସାମରିକ ମୁଖ୍ୟ ମୁଖପାତ୍ର ଡାନିଏଲ ହଗାରୀ ସୋମବାର କହିଛନ୍ତି ଯେ ବନ୍ଧକମାନଙ୍କୁ ଖୋଜିବା ପାଇଁ ଟ୍ୟାଙ୍କ ଏବଂ ପଦାତିକ ଗାଜା ଭିତର ଉପରେ ଚଢାଉ କରିଥିଲେ। ଏହି ସମୟ ମଧ୍ୟରେ ଅନେକ ଆତଙ୍କବାଦୀ ନିହତ ହୋଇଥିଲେ। ଲେବାନନରେ ଆତଙ୍କବାଦୀଙ୍କ ଆଠଟି ଲୁଚି ରହିଥିବା ସ୍ଥାନ ମଧ୍ୟ ନଷ୍ଟ ହୋଇଯାଇଥିଲା। ହିଜବୁଲ କହିଛନ୍ତି ଯେ ଏହାର ଦୁଇଟି ବେସ ନଷ୍ଟ ହୋଇଯାଇଛି ଏବଂ ଜଣେ ବରିଷ୍ଠ କମାଣ୍ଡରଙ୍କୁ ହତ୍ୟା କରାଯାଇଛି।
