ହରାରେ, ୨୨।୪- ହରାରେ ସ୍ପୋର୍ଟ୍ସ କ୍ଲବରେ ବୁଧବାର ଅନୁଷ୍ଠିତ ପ୍ରଥମ ଟି୨୦ କ୍ରିକେଟ ମ୍ୟାଚରେ ପାକିସ୍ତାନ ୧୧ ରନରେ ଜିମ୍ବାଓ୍ବେକୁ ପରାସ୍ତ କରିଛି। ପ୍ରଥମେ ବ୍ୟାଟିଂ କରି ପାକିସ୍ତାନ ମହମ୍ମଦ ରିଜଓ୍ବାନଙ୍କ ଦ୍ରୁତ ୮୨(୬୧ ବଲ, ୧୦ ଚୌକା, ୧ ଛକା) ସତ୍ତ୍ୱେ ୨୦ ଓଭରରେ ୭ ଉଇକେଟ ହରାଇ ୧୪୯ ରନ କରିଥିଲା। ବିପକ୍ଷ ବୋଲରଙ୍କ ମଧ୍ୟରେ ଲ୍ୟୁକ୍ ଜଙ୍ଗଓ୍ବି ଓ ଓ୍ବେସଲି ମାଧଭେରେ ୨ଟି ଲେଖାଏ ଉଇକେଟ ନେଇଥିଲେ। ଜବାବରେ ଜିମ୍ବାଓ୍ବେ ୨୦ ଓଭରରେ ୧୩୮/୭ରେ ସୀମିତ ରହିଥିଲା। ଦଳ ପକ୍ଷରୁ କ୍ରେଗ୍ ଇର୍ଭିନ ସର୍ବାଧିକ ୩୪ ଓ ଜଙ୍ଗଓ୍ବି ୩୦* ରନ କରିଥିଲେ। ପାକିସ୍ତାନ ପକ୍ଷରୁ ଉମର କାଦିର ୩ଟି ଓ ମହମ୍ମଦ ହାସନେନ ୨ଟି ଉଇକେଟ ନେଇଥିଲେ।
