ଯନ୍ତ୍ରଣା ଦେଉଛି ଅଣଓସାରିଆ ରାସ୍ତା, ଛକ

ଯାଜପୁର ଅଫିସ,୧୦ା୧: ବ୍ୟାସନଗରରେ ଟ୍ରାଫିକ ନିୟମର ଓଲଟା ଦେଖିବାକୁ ମିଳୁଛି। ରାସ୍ତାର ବାମକଡ଼ରେ ଯିବା ନିୟମ ରହିଛି, ହେଲେ ସହରର ଟ୍ରାଫିକ ପୋଷ୍ଟଗୁଡ଼ିକରେ ଓଲଟା ନିୟମ ଲାଗୁ ହୁଏ। ଚୋର୍ଦ୍ଦା ବାଇପାସ, ପୁରୁଣା ଥାନା, ଗୋପବନ୍ଧୁ ଛକ, ଡାକବଙ୍ଗଳା, ଦଳା, ଗୋଶାଳା, ଗଣେଶ ମାର୍କେଟ, ନହକା ବାଇପାସ, ଧବଳଗିରି, ଚାନ୍ଦାମା, ବେଣାପୁର ପ୍ରଭୃତି ଛକଗୁଡିକରେ କୌଣସି ଟ୍ରାଫିକ ବ୍ୟବସ୍ଥା ଏଯାଏ ହୋଇନାହିଁ। ଏପରିକି ଟ୍ରାଫିକ ନିୟନ୍ତ୍ରଣ ପାଇଁ କୌଣସି ଭିତ୍ତିଭୂମି ମଧ୍ୟ ନିର୍ମାଣ ହୋଇ ପାରିନାହିଁ। ତେଣୁ ସ୍କୁଲ ଓ କଲେଜ ଛାତ୍ରୀଛାତ୍ରଙ୍କଠାରୁ ଆରମ୍ଭ କରି ସହରବାସୀ ଏଭଳି ମନ୍ତବ୍ୟ ଦେଉଛନ୍ତି। ୨୦୧୧ ଜନଗଣନା ଅନୁଯାୟୀ ଏହି ସହରର ଲୋକ ସଂଖ୍ୟା ପ୍ରାୟ ୫୦ ହଜାର। ହେଲେ ଏହି ୧୨ ବର୍ଷ ମଧ୍ୟରେ କଳିଙ୍ଗନଗର ଶିଳ୍ପାଞ୍ଚଳର ମୁଖଶାଳା ଭାବେ ପରିଚିତ ଏହି ସହରର ପରିସୀମା ବ୍ୟାପକ ହୋଇଛି। ଏବେ ବେସରକାରୀ ଭାବେ ଲୋକ ସଂଖ୍ୟା ପ୍ରାୟ ଦେଢ ଲକ୍ଷ ଛୁଇଁଛି। କିନ୍ତୁ ସହରର ସଡ଼କଗୁଡିକରେ ସୁରକ୍ଷା ନେଇ ପ୍ରଶାସନ, ପୌର ପରିଷଦ, କଳିଙ୍ଗନଗର ଉନ୍ନୟନ ପରିଷଦ(କେଏନଡିଏ) ପୋଲିସ ଓ ପରିବହନ ବିଭାଗ ନିଷ୍ଠାପର ଭାବରେ ଚିନ୍ତା କରୁଥିବା ମନେ ହେଉନାହିଁ।
ବ୍ୟାସନଗରରେ ପ୍ରତିଦିନ ପ୍ରାୟ ୮୦ହଜାର କ୍ଷୁଦ୍ର ଓ ଭାରିଯାନ ଚଳାଚଳ କରିଥାଏ। ସେଥିରେ ପୁଣି ସାଇକେଲ, ରିକ୍ସା ଓ ପାଦ ଚଲା ଲୋକେ ଅଛନ୍ତି। ସକାଳ ୮ଟାରୁ ରାତି ୯ଟା ପର୍ଯ୍ୟନ୍ତ ରାସ୍ତାରେ ଭିଡ ଲାଗି ରହୁଛି। ଦୁର୍ଘଟଣା ବି ଘଟୁଛି। କିନ୍ତୁ କଥା ଥାନାକୁ ଯାଉ ନ ଥିବାରୁ ରେକର୍ଡ ରହୁନାହିଁ। ସହରର ଟ୍ରାଫିକ ସମସ୍ୟାର ମୁଖ୍ୟ କାରଣ ହେଲା ରାସ୍ତା ଜବରଦଖଲ, ବଡ଼ ବଡ଼ ବ୍ୟବସାୟିକ ପ୍ରତିଷ୍ଠାନ ନିଜସ୍ବ ପାର୍କିଂ ସ୍ଥାନକୁ ମଧ୍ୟ ବ୍ୟବସାୟିକ କାର୍ଯ୍ୟରେ ବ୍ୟବହାର କରିବା, ଅଣଓସାରିଆ ଛକ ଏବଂ ନିୟମ ଲାଗୁ କରିବାରେ ବିଭାଗଗୁଡିକର ନିଷ୍ଠାର ଅଭାବ। ଏ ସମସ୍ତ ଦିଗରେ ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ଚିନ୍ତା ସୁଦ୍ଧା କରାଯାଏ ନାହିଁ। ଖାଲି ବିଧିରକ୍ଷା ପାଇଁ କାର୍ଯ୍ୟକ୍ରମ ହେଉଛି। ସହରର ଉପରୋକ୍ତ ପ୍ରମୁଖ ଟ୍ରାଫିକ ଛକଗୁଡ଼ିକ ଅତ୍ୟନ୍ତ ଅଣଓସାରିଆ। ସେଥିପାଇଁ ଏଠାରେ ଓଲଟା ଟ୍ରାଫିକ ନିୟମ ଲାଗୁ ହୁଏ। ବାମକଡ଼ରେ ଟ୍ରାଫିକ ପୋଷ୍ଟ ନ ବୁଲି ଡାହାଣ କଡ଼ରେ ସିଧା ଯାନବାହନଗୁଡିକ ଚଳାଚଳ କରିଥାଏ। ବିଡମ୍ବନା ଯେ, ସହରରେ ଟ୍ରାଫିକ ପୋଲିସ ଏଯାଏ ନିୟୋଜିତ ହୋଇ ନାହାନ୍ତି। କେତେକ ହୋମଗାର୍ଡ ଟ୍ରାଫିକ ନିୟନ୍ତ୍ରଣ କରିଥାନ୍ତି। କାରଣ ଛକଗୁଡିକ ଏତେ ଅପ୍ରଶସ୍ତ ଯେ, ଟ୍ରାଫିକ ପୋଷ୍ଟ ବୁଲି ଯାନାବାହନ ଚଳାଚଳ କଲେ ଅଧିକ ସମୟ ପର୍ଯ୍ୟନ୍ତ ଟ୍ରାଫିକ ଜାମ ରହିବ। ସେଥିପାଇଁ ଏହି ବ୍ୟତିକ୍ରମ ହୋଇଥିବାବେଳେ ସହର ବାହାରୁ ଆସୁଥିବା ଯାନଗୁଡିକ ହଇରାଣ ହୋଇଥାନ୍ତି। ଛକର ଚତୁଃପାର୍ଶ୍ୱରୁ ଜମି ଅଧିଗ୍ରହଣ କରି ଛକର ପ୍ରଶସ୍ତୀକରଣ ହିଁ ସମସ୍ୟାର ପ୍ରତିକାର। କିନ୍ତୁ ଏହାକୁ ପ୍ରଶାସନ କି ପୌର କର୍ତ୍ତୃପକ୍ଷ ପ୍ରାଥମିକତା ଦେଉଥିବା ମନେ ହେଉନାହିଁ। ଟ୍ରାଫିକ ପୋଷ୍ଟ ଓ ପୋଲିସ ରଖାଯିବା କେବଳ ସହର ପାଇଁ ଶୋ ବାଜି ଛଡା ଆଉ କିଛି ନୁହେଁ କହିଲେ ଅତ୍ୟୁକ୍ତି ହେବ ନାହିଁ। ଏହାବାଦ୍‌ ସହର ମଝିରେ ରେଲୱେ ଗୁଡ୍‌ସ ସେଡ୍‌ ଥିବାରୁ ତାରିଣୀ ଛକଠାରୁ ବେଣାପୁର ଛକ ପର୍ଯ୍ୟନ୍ତ ଲୋକେ ତ୍ରାହି ତ୍ରାହି ଡାକିଥାନ୍ତି। ଘଣ୍ଟା ଘଣ୍ଟା ଧରି ଟ୍ରାଫିକ ଜାମ୍‌ ହେଉଥିବାରୁ ଆମ୍ବୁଲାନ୍ସ ମଧ୍ୟ ଫସି ରହୁଥିବା ଦେଖିବାକୁ ମିଳିଥାଏ। ତେଣୁ ଏହି ରେଲୱେ ଗୁଡ୍‌ସ ସେଡ୍‌କୁ ସ୍ଥାନାନ୍ତରଣ କରିବାକୁ ସହରବାସୀ ଦାବି କରି ନୟାନ୍ତ ହୋଇସାରିଛନ୍ତି। ହେଲେ କେହି ଏଥିପ୍ରତି ଦୃଷ୍ଟି ଦେଉନାହାନ୍ତି। ଅନ୍ୟପକ୍ଷେ ଡାକବଙ୍ଗଳା ଏବଂ ସାଇ ମନ୍ଦିର ରେଳ ଫାଟକ ବନ୍ଦ ରହିଲେ ଟ୍ରାଫିକ ସମସ୍ୟା ଆହୁରି ଗୁରୁତର ହୋଇପଡ଼େ। ସାଇମନ୍ଦିର ନିକଟରେ ଏକ ଫ୍ଲାଏ ଓଭର ବ୍ରିଜ କିମ୍ବା ଗଳିପୋଲ ନିର୍ମାଣ କରିବାକୁ ରେଲୱେ ବଜେଟରେ ସ୍ଥାନ ପାଇଥିଲେ ହେଁ ତାହାର ଅଗ୍ରଗତି ଅତି ନୈରାଶ୍ୟଜନକ। ଏଥିପାଇଁ ସହରବାସୀ ଟ୍ରାଫିକ ସମସ୍ୟାରେ ରୁନ୍ଧି ହୋଇ ବିପଦପୂର୍ଣ୍ଣ ଜୀବନ ଅତିବାହିତ କରୁଥିବା କ୍ଷୋଭ ପ୍ରକାଶ ପାଇଛି।


Enter your email to get our daily news in your inbox.

All Right Reserved By Dharitri.Com

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

ରାସ୍ତା ପ୍ରଶସ୍ତିକରଣକୁ ନେଇ ଉତ୍ତେଜନା: କାର୍ଯ୍ୟବନ୍ଦ କଲେ ଗ୍ରାମବାସୀ

ମୋରଡ଼ା,୨୮ା୩(ସ୍ମାରକ ମାଜୀ): ରାସ୍ତା ପ୍ରଶସ୍ତିକରଣକୁ ନେଇ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଗଡ଼ିଆ ଗ୍ରାମରେ ଉତ୍ତେଜନା ଦେଖିବାକୁ ମିଳିଛି। ଏନେଇ ଗ୍ରାମବାସୀ  ନିର୍ମାଣ କାର୍ଯ୍ୟ...

ଟ୍ରକ୍‌ରେ ପିଟିହେଲା ହାଇଓ୍ବା, ଚାଲିଗଲା ଡ୍ରାଇଭରଙ୍କ ଜୀବନ

ଭଦ୍ରକ,୨୮ା୩(ସନାତନ ରାଉତ): ଭଦ୍ରକ ୧୬ନଂ ଜାତୀୟ ରାଜପଥର ଦମକଳ କେନ୍ଦ୍ର ସମ୍ମୁଖରେ ଗୁରୁବାର ପୂର୍ବାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଜଣେ ଡ୍ରାଇଭରଙ୍କ ମୃତ୍ୟୁ ହୋଇଛି।...

ଟିକେଟ୍‌ ମିଳିବା ପରେ ମହାପ୍ରଭୁଙ୍କ ଦର୍ଶନ କଲେ ବବି ଦାସ

ପୁରୀ,୨୮।୩: ବିଜୁ ଜନତା ଦଳ ପକ୍ଷରୁ ସମ୍ବଲପୁର ଲୋକ ସଭା ନିର୍ବାଚନ ମଣ୍ଡଳୀ ପ୍ରାର୍ଥୀ ଭାବେ ପ୍ରଣବ ପ୍ରକାଶ ଦାସ(ବବି)ଙ୍କ ନାମ ଘୋଷଣା କରାଯାଇଛି। ବବିଙ୍କୁ...

‘ଆଉ ତତେ ଗ୍ରହଣ କରିବି ନାହିଁ’

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ଥାନା ଅଞ୍ଚଳର ଜଣେ ନାବାଳିକାଙ୍କୁ ବିବାହ ପ୍ରଲୋଭନ କରି ପ୍ରତାରଣା କରିବା ଅଭିଯୋଗରେ ପୋଲିସ ଜଣେ ଯୁବକଙ୍କୁ...

ଆତ୍ମସମର୍ପଣ କଲେ ୟୁଟ୍ୟୁବର ମୋନାଲିସା

ଯାଜପୁର,୨୮ା୩: ୟୁଟ୍ୟୁବର ମୋନାଲିସା ଭଦ୍ର ଯାଜପୁରରୋଡ୍‌ସ୍ଥିତ ବନ ବିଭାଗ କାର୍ଯ୍ୟାଳୟରେ ଗୁରୁବାର ଆତ୍ମସମର୍ପଣ କରିଛନ୍ତି। ମୋନାଲିସା ବନ୍ୟଜନ୍ତୁଙ୍କୁ ଘରେ ରଖି ଭିଡିଓ ପ୍ରସ୍ତୁତ କରି ସୋସିଆଲ...

ଅଗ୍ନି ଭୈରବୀଙ୍କ ଝାମୁଯାତ୍ରା ସମ୍ପନ୍ନ

ଲାଞ୍ଜିଗଡ଼,୨୮।୩(ରମେଶ ଚନ୍ଦ୍ର ନାୟକ): କଳାହାଣ୍ଡି ଜିଲା ଲାଞ୍ଜିଗଡ଼ ବ୍ଲକ ଲାଖବାହାଲି ପଞ୍ଚାୟତ ଅଧୀନ ଥୁଆଙ୍ଗପଦର ଗ୍ରାମରେ ଅଗ୍ନି ଭୈରବୀଙ୍କ ଝାମୁଯାତ୍ରା ମଙ୍ଗଳବାର ସମ୍ପନ୍ନ ହୋଇଯାଇଛି। ପରମ୍ପରା...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri