ପଞ୍ଚଲିଙ୍ଗେଶର,୧୪।୧୨(ଲେଲିନ କୁମାର ଦେ): କୁଇଣ୍ଟାଲ ପିଛା ସରକାରୀ ଫାଇନ (ଆରଏମସି ) ମାତ୍ର ୨୩ ଟଙ୍କାରେ ଆନ୍ଧ୍ରକୁ ଯାଉଛି ଓଡିଶାର ଧାନ। ଖୋଲୁନି ମଣ୍ଡି ବୋଲି ଚାଷୀ ହେଉଛନ୍ତି ହନ୍ତସନ୍ତ। ରାଜ୍ୟ ସରକାର ୩୧ ଶହ ଟଙ୍କାରେ ଧାନ କିଣିବା ପାଇଁ ବିଜ୍ଞାପନ ଜାରି କରିଥିବାବେଳେ ଗ୍ରାମାଞ୍ଚଳର ଚାଷୀ ମହାଜନଙ୍କଠାରୁ ୪ ରୁ ୫ ଶତକଡା ମାସିକ ସୁଧ ହାରରେ କରଜ ଆଣି ଧାନ ଚାଷ କରିଥିବାବେଳେ ସୁଧଟଙ୍କା ଶୁଝିବା ପାଇଁ ଅଧା ଦରରେ ୧୬ ଶହରୁ ୧୮ ଶହ ଟଙ୍କା ମଧ୍ୟରେ ଦଲାଲ ମାନଙ୍କୁ ଧାନ ବିକିବାକୁ ବାଧ୍ୟ ହେଉଛନ୍ତି l ଏ ଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି
ଔପଦା ବ୍ଲକ ଅଧୀନ କାଣ୍ଡଗରଡ଼ି ପଞ୍ଚାୟତର କାନପୁର ଛକରେ ଧାନ ଦଲାଲ ବିଦ୍ୟାଧର ବେହେରା।
ଆନ୍ଧ୍ର ଲରି ନମ୍ବର ଏପି 0୫ ଟିଡି ୩୭୮୯ ସହାୟତା ରେ ୨୦ ଟନ ଧାନ ଆନ୍ଧ୍ରକୁ ପଠାଇବା ପାଇଁ ଉଦ୍ୟମ କରୁଥିବା ବେଳେ ଖବର ପାଇ ବିଭିନ୍ନ ଗଣମାଧ୍ୟମ ପହଁଞ୍ଚି ଖବର ସଂଗ୍ରହ କରିବା ସହିତ ନୀଳଗିରି ଆରଏମସି ଅଧିକାରୀଙ୍କୁ ସୂଚନା ଦେଇଥିଲେ।
ସୂଚନା ପାଇ ଆରଏମସି ଅଫିସର ରତ୍ନାକର ବିଶ୍ୱାଳ ଘଟଣାସ୍ଥଳରେ ପହଁଞ୍ଚି ୪ ହଜାର ୬ ଶହ ଟଙ୍କାର ଫାଇନ କାଟି ଚାଲି ଯାଇଥିବା ଦେଖିବାକୁ ମିଳିଛି l ଏ ନେଇ ଅଞ୍ଚଳରେ ଗଭୀର ଆଲୋଡନ ସୃଷ୍ଟି ହୋଇଥିବା ବେଳେ ଆରଏମସିର କାର୍ଯ୍ୟାନୁଷ୍ଠାନ ଉପରେ ସନ୍ଦେହ ସୃଷ୍ଟି ହେଉଥିବା ବେଳେ ତୁରନ୍ତ ମଣ୍ଡି ଖୋଲିବା ସହିତ ଧାନର କଳାବଜାରୀକୁ ରୋକିବା ପାଇଁ ପ୍ରଶାସନ ଦୃଢ ପଦକ୍ଷେପ ନେବା ପାଇଁ ବୁଦ୍ଧିଜୀବୀମାନେ ମତ ପ୍ରକାଶ କରିଛନ୍ତି l
