ଗଞ୍ଜାମ,୨୭।୪: (ବିଦ୍ୟାଧର ସାହୁ): )ଗଞ୍ଜାମ ଗୋ ରକ୍ଷକ ସେବା ସମିତି ଓ ଗୋ ସମ୍ମାନ ଆହ୍ବାନ ଅଭିଯାନ ପକ୍ଷରୁ ଗୋ ହତ୍ୟା ବନ୍ଦ କରିବା ଏବଂ ଗୋମାତାକୁ ରାଷ୍ଟ୍ରମାତା ଘୋଷଣା ଦାବି ଜୋର ଧରିଛି। ଏନେଇ ସୋମବାର ତହସିଲଦାରଙ୍କ ଜରିଆରେ ମୁଖ୍ୟମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରିଛି ଗଞ୍ଜାମ ରକ୍ଷକ ସଙ୍ଘ। ତହସିଲଦାରଙ୍କ ଅନୁପସ୍ଥିତରେ ଅତିରିକ୍ତ ତହସିଲଦାର ଲିଲି କୁମାରୀ ଦାବିପତ୍ର ଗ୍ରହଣ କରିଥିଲେ। ଦାବିପତ୍ର ପ୍ରଦାନ ବେଳେ ଗୋ ରକ୍ଷକ କେ ଇଲେୟା ରେଡି, ମନୋଜ ପ୍ରଧାନ, ଦୀପକ କୁମାର ବେହେରା, ନିଲୁ ତରାଇ, ଦୀପକ ରେଡି, ଜିତୁ ବାରିକି, ଶେଷ ପ୍ରଧାନ, କୃତିବାସ ଆଦି ଉପସ୍ଥିତ ଥିଲେ। ବିଭିନ୍ନ ସମୟରେ ବିଳମ୍ବିତ ରାତିରେ ଅବାଧରେ ଗୋରୁ ଚାଲାଣ ହେଉଥିବା ବେଳେ ଏହାକୁ ରୋକିବାକୁ ଗଞ୍ଜାମ ଗୋ ରକ୍ଷକ ସେବା ସମିତି ପକ୍ଷରୁ ଅନୁରୋଧ କରିଛନ୍ତି।
