ଘର ସଜାଇବା ଲାଗି କେବଳ ଦାମୀ ଫର୍ନିଚର କିମ୍ବା ଡେକୋରେଟିଭ୍ ସାମଗ୍ରୀ
ଆବଶ୍ୟକ ତା’ ନୁହେଁ, ଆପଣ ଚାହିଁଲେ କମ୍ ଖର୍ଚ୍ଚରେ ଓ୍ବାଲ୍ ଡେକୋରେଶନ୍ କରିପାରିବେ। ଏଥିପାଇଁ କେଉଁ ସବୁ ସାମଗ୍ରୀ ବ୍ୟବହାର
କରିପାରିବେ ଜାଣି ରଖନ୍ତୁ ଟିପ୍ସ…
ଓ୍ବାଲ୍ ଡେକୋରେଶନ୍ ହ୍ୟାଙ୍ଗିଙ୍ଗ୍ ସବୁଠୁ ଭଲ ଅପ୍ସନ। କିନ୍ତୁ ଏଥିପାଇଁ କୌଣସି ଦାମୀ ପେଣ୍ଟିଂ କିଣିବାର ଆବଶ୍ୟକତା ନାହିଁ। ଆପଣ ଚାହିଁଲେ ଘରେ ଥିବା ପୁରୁଣା ଫଟୋ ଫ୍ରେମ୍ରେ କୌଣସି ସୁନ୍ଦର ପ୍ରିଣ୍ଟେଡ୍ ଓ୍ବାଲ୍ପେପର୍, କ୍ୟାଲେଣ୍ଡର ଆଦି କାଟି ପୁନର୍ବାର ବ୍ୟବହାର କରିପାରିବେ। ନିଜେ ମଧ୍ୟ ପେଣ୍ଟିଂ କିମ୍ବା ପ୍ୟାଚ୍ ଓ୍ବାର୍କ କରି କାନ୍ଥରେ ଲଗାଇ ପାରିବେ। ବିଶେଷ କରି ଲିଭିଂ ଏବଂ ଷ୍ଟଡି ରୁମ୍ ଓ୍ବାଲ୍ ଡେକୋରେଶନ୍ ଲାଗି ଏସବୁ ବେଶି ସୁନ୍ଦର ଲାଗିଥାଏ।
ଆପଣଙ୍କର ଆର୍ଟ କିମ୍ବା କ୍ରାଫ୍ଟ ଓ୍ବାର୍କ ଉପରେ ଜ୍ଞାନ ଥିଲେ କମ୍ ବଜେଟ୍ରେ ଘର ସଜାଇବା ଖୁବ୍ ସହଜ ହେବ। ଆପଣ ଥର୍ମୋକୁଲ୍ କିମ୍ବା ଆଇସ୍କ୍ରିମ୍ ଷ୍ଟିକ୍ରେ ଓ୍ବାଲ୍ ହ୍ୟାଙ୍ଗିଙ୍ଗ ଫ୍ଲାଓ୍ବାର ଭେସ୍ ପ୍ରସ୍ତୁତ କରି ସେଥିରେ ସୁନ୍ଦର ରଙ୍ଗର ଫୁଲ ରଖି ପାରିବେ। ଏହା ମଧ୍ୟ ଆପଣଙ୍କ ଘରର କାନ୍ଥକୁ ଅଧିକ ସୁନ୍ଦର କରିବ।
ଡ୍ରଇଂ ରୁମ୍, ବଡ ହଲ୍ କିମ୍ବା ବାରଣ୍ଡାକୁ ରୟାଲ୍ ଲୁକ୍ ଦେବାକୁ ଚାହୁଁଥିଲେ ନିଜର କୌଣସି ସୁନ୍ଦର ଶାଢି କିମ୍ବା ଏମ୍ବ୍ରଏଡୋରି, ବୁଣା ହୋଇଥିବା ଅବା ଅନ୍ୟ କାମ ହୋଇଥିବା କପଡାକୁ ବଡ ଓ ଲମ୍ବା କାର୍ଡବୋର୍ଡ ଉପରେ ଲଗାଇ କାନ୍ଥରେ ଟଙ୍ଗାଇ ପାରିବେ।
ବର୍ତ୍ତମାନ ସମୟରେ ଘରର କାନ୍ଥ ସଜାଇବା ଲାଗି ଅନେକେ ବିଭିନ୍ନ ପ୍ରକାରର ଟାଇଲ୍ ବ୍ୟବହାର କରୁଥିବା ଦେଖିବାକୁ ମିଳୁଛି। ହେଲେ ଏହା ଅଧିକ ଦାମୀ। ତେଣୁ ଏହା ପରିବର୍ତ୍ତେ ଆପଣ ଚାହିଁଲେ ଓ୍ବାଲ୍ ପେପର୍ ଲଗାଇ ପାରିବେ।
ସେହିପରି ଅଳ୍ପ ଖର୍ଚ୍ଚରେ ମିଳୁଥିବା ବିଭିନ୍ନ ଷ୍ଟିକର ଲଗାଇ ମଧ୍ୟ ପାରିବେ।
ସାମାନ୍ୟ ବୁଦ୍ଧି ପ୍ରୟୋଗ କରି ଆପଣ ବ୍ୟବହାର ନ ହେଉଥିବା କୌଣସି ସୁନ୍ଦର କପଡାକୁ ମଧ୍ୟ ଓ୍ବାଲ୍ ଡେକୋରେଶନ୍ ଲାଗି ବ୍ୟବହାର କରିପାରିବେ। କପଡ଼ାର ବେସ୍ ରଙ୍ଗ କାନ୍ଥ ରଙ୍ଗ ସହିତ ମ୍ୟାଚ୍ କରୁଥିଲେ ଡିଜାଇନ୍ ଅଧିକ ସୁନ୍ଦର ଏବଂ କଣ୍ଟ୍ରାଷ୍ଟ ଲାଗିଥାଏ।
