ରାଜନଗର,୧୩।୮: ସବୁଜ ବାହିନୀ ଫାଉଣ୍ଡେସନର ଦ୍ୱିତୀୟ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସରରେ ସମାଜର ଉନ୍ନତି ପାଇଁ ଏହି ଫାଉଣ୍ଡେସନର ଲକ୍ଷ୍ୟ ବିଷୟରେ ଅତିଥିବୃନ୍ଦ ଆଲୋକପାତ କରିଥିଲେ।
ଏହି ଉତ୍ସବରେ ମୁଖ୍ୟ ଅତିଥି ଭାବେ ସାମ୍ବାଦିକ ଦୋଳଗୋବିନ୍ଦ ଜେନା, ମୁଖ୍ୟବକ୍ତା ଭାସ୍କର ରାଉତ ରାୟ, ସମ୍ମାନିତ ଅତିଥି ଭାବେ ସାମ୍ବାଦିକ ତଥାଗତ ବିଶାଳ, ଜିତା ପଟ୍ଟନାୟକ, ବଳଦେବ ମିଶ୍ର, ସରୋଜିନୀ ପ୍ରଧାନ, ସଂଗଠନ ମୁଖ୍ୟ ପ୍ରତିଷ୍ଠାତା ସୌରଭ କୁମାର ଜେନା ପ୍ରମୁଖ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ଜୟ ଜଗନ୍ନାଥ ଫାଉଣ୍ଡେସନକୁ ସମ୍ବର୍ଦ୍ଧନା ଦିଆଯାଇଥିଲା।
ଶେଷଦେବ ବିଶ୍ୱାଳ ମଞ୍ଚ ପରିଚାଳନା କରିଥିଲେ। ବାପିନା ରାଉତଙ୍କ ନେତୃତ୍ୱରେ ହିଂମାଶୁ ଶେଖର ନାୟକ, ବେବିଲାତ ପାତ୍ର, ସନ୍ଧ୍ୟାକୁମାରୀ, ଲିଲି ଦଳାଇ,ବାଦଲ ଜେନା, ପ୍ରିୟରଞ୍ଜନ ରାଉତ, ସ୍ନେହାଷିସ ଜେନା, ପ୍ରକାଶ ସେଠୀ, ପାପୁନା ରାଉତ ଓ ବିନୁ ରାଉତ କାର୍ଯ୍ୟ ପରିଚାଳନା କରୁଥିଲେ। ଜୟ ଜଗନ୍ନାଥ ଫାଉଣ୍ଡେସନର କର୍ମକର୍ତ୍ତାମାନେ ସବୁଜ ବାହିନୀର ମୁଖ୍ୟ ପ୍ରତିଷ୍ଠାତା ସୌରଭ ଜେନାଙ୍କୁ ହୃଦୟ ଧନ୍ୟବାଦ ଜ୍ଞାପନ କରିଛନ୍ତି।
ସବୁଜ ବାହିନୀ ସଂଗଠନ ବିଭିନ୍ନ ପ୍ରକାର ସାମାଜିକ କାର୍ଯ୍ୟ କରେ। ଚାରା ବଣ୍ଟନ କରିବା, ବୁଲା ଗୋରୁଙ୍କୁ ଖାଇବାକୁ ଦେବା, ଗୋରୁମାନଙ୍କୁ ଚିକିତ୍ସା କରିବା, ମାନସିକ ବିକୃତ ଲୋକ ଯତ୍ନ ସହ ସେମାନଙ୍କୁ ଖାଦ୍ୟ ଯୋଗାଇ ଦେବା, ଅନେକ ଗରିବ ଅସହାୟ ବ୍ୟକ୍ତିଙ୍କୁ ସାହାଯ୍ୟ କରିବା ଭଳି କାର୍ଯ୍ୟ କରେ।
