ନୂଆଦିଲ୍ଲୀ,୧୭।୭: ଲୋକ ସଭା ନିର୍ବାଚନ ପାଇଁ ସମସ୍ତ ବିରୋଧୀ ଦଳ ମିଳିତ ଭାବେ ବଡ଼ ମେଣ୍ଟ ପାଇଁ ପ୍ରସ୍ତୁତ ହେଉଛନ୍ତି। ଏହି ସମୟରେ ଏକ ଖବର ମଧ୍ୟ ସାମ୍ନାକୁ ଆସୁଛି ଯେ ଏହି ମେଣ୍ଟକୁ ଏକ ନୂତନ ନାମ ଦିଆଯାଇପାରେ। ୟୁନାଇଟେଡ ପୋଗ୍ରେସିଭ୍ ଆଲାଇନ୍ସ (ୟୁପିଏ) ବଦଳରେ ସମସ୍ତ ଦଳର ଏହି ମେଣ୍ଟକୁ ଅନ୍ୟ ନାଁରେ ଜଣାଯିବ। ୧୮ ଜୁଲାଇରେ ବେଙ୍ଗାଲୁରୁରେ ଅନୁଷ୍ଠିତ ହେବାକୁ ଥିବା ମେଗା ବୈଠକରେ ଏହା ଉପରେ ଚର୍ଚ୍ଚା ହୋଇପାରେ। ଯାହା ପରେ ନୂତନ ନାମ ମଧ୍ୟ ଘୋଷଣା କରାଯାଇପାରେ।
ଏହି ନୂତନ ମେଣ୍ଟରେ ୨୦ରୁ ଅଧିକ ଦଳ ସାମିଲ ହେବେ। ବର୍ତ୍ତମାନ ପର୍ଯ୍ୟନ୍ତ କଂଗ୍ରେସ ନେତୃତ୍ୱାଧୀନ ମେଣ୍ଟ ୟୁପିଏ ନାମରେ ଜଣାଶୁଣା। ଦେଶରେ ଅନେକ ବର୍ଷ ଧରି ୟୁପିଏ ସରକାର ରହିଛି। ଯେଉଁଥିରେ ଦେଶର ସମସ୍ତ ଆଞ୍ଚଳିକ ଦଳ କଂଗ୍ରେସ ନେତୃତ୍ୱରେ ଥିଲେ। ତେବେ ବିରୋଧୀ ଦଳର ବୈଠକ ପରେ ୟୁପିଏ ବଦଳରେ କେଉଁ ନାମ ବାହାରିଛି ତାହା ଦେଖିବାକୁ ବାକି ରହିଲା।
