ନୂଆଦିଲ୍ଲୀ,୧୬।୭: ସୁହେଲଦେବ ଭାରତ ସମାଜ ପାର୍ଟି ନେତା ଓମ ପ୍ରକାଶ ରାଜଭର ପୁଣି ଥରେ ଏନଡିଏରେ ଯୋଗ ଦେଇଛନ୍ତି। ରବିବାର କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହା ଘୋଷଣା କରିଛନ୍ତି। ବିରୋଧୀ ଏକତା ଭିତରେ କୌଣସି ଶକ୍ତି ନାହିଁ ତେଣୁ ସେ ଏନଡିଏରେ ଯୋଗଦେଇଛନ୍ତି ବୋଲି ସେ କହିଛନ୍ତି।
ଓମ ପ୍ରକାଶ ରାଜଭର ଦାବି କରିଛନ୍ତି ଯେ, ଏନଡିଏରେ ଯୋଗଦେବା ପାଇଁ ଭାଜପା ପ୍ରଥମେ ମୋତେ ଅଫର୍ ଦେଇଥିଲା। ଜୁଲାଇ ୧୮ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବହୁ ବଡ ନେତାଙ୍କ ସହ ଆଲୋଚନା ହେବ। ତା’ପରେ ମୁଁ ସବୁକିଛି ସ୍ପଷ୍ଟ କରିବି।
ଏନ୍ଡିଏରେ ଯୋଗଦେବା ପରେ ରାଜଭର ସମାଜବାଦୀ ପାର୍ଟି ଏବଂ ଅଖିଳେଶ ଯାଦବଙ୍କୁ ଟାର୍ଗେଟ କରିଛନ୍ତି। ରାଜଭାର ଅଖିଳେଶଙ୍କୁ ଟାର୍ଗେଟ୍ କରି କହିଛନ୍ତି, ସେ ହାଇଦ୍ରାବାଦ ଏବଂ ପଶ୍ଚିମବଙ୍ଗ ପର୍ଯ୍ୟନ୍ତ ଯାଉଛନ୍ତି, କିନ୍ତୁ ତାଙ୍କ ପାଖରେ ବସିଥିବା ନେତାମାନଙ୍କୁ ଭେଟୁନାହାଁନ୍ତି। ହାଇଦ୍ରାବାଦ ଏବଂ ପଶ୍ଚିମବଙ୍ଗର ଲୋକମାନେ ସେମାନଙ୍କୁ ୟୁପିରେ ଭୋଟ ଦେବେ କି ବୋଲି ସେ ପ୍ରଶ୍ନ କରିଛନ୍ତି।
