ସ୍ବାଧୀନତା ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲାଲକିଲ୍ଲାରୁ କ୍ରମାଗତ ଏକାଦଶ ଥର ଦେଶକୁ ସମ୍ବୋଧିତ କରିଛନ୍ତି। ଏହି କାର୍ଯ୍ୟକ୍ରମରେ ଲୋକ ସଭାରେ ବିରୋଧୀ ଦଳର ନେତା ତଥା କଂଗ୍ରେସ ଏମ୍ମି ରାହୁଲ ଗାନ୍ଧୀ ମଧ୍ୟ ଅଂଶଗ୍ରହଣ କରିଥିଲେ। ସ୍ବାଧୀନତା ଦିବସ ପାଳନ ସମୟରେ ରାହୁଲ ଗାନ୍ଧୀ ଅଲିମ୍ପିକ ପଦକ ବିଜେତାମାନଙ୍କ ସହିତ ଶେଷ ଧାଡିରେ ବସିଥିବାର ନଜର ଆସିଥିଲେ। ସୋସିଆଲ ମିଡିଆରେ ମଧ୍ୟ ଏହା ଉପରେ ଅନେକ ଆଲୋଚନା ହେଉଛି। ରାହୁଲଙ୍କ ବସିବା ନେଇ କଂଗ୍ରେସ ମଧ୍ୟ ପ୍ରଶ୍ନ ପଚାରିଛି।ବିରୋଧୀ ଦଳର ନେତା ହେଇ ବି, ରାହୁଲ ଗାନ୍ଧୀଙ୍କୁ କାହିଁକି ପଛ ଧାଡିରେ ବସାଗଲା ତାକୁ ନେଇ ବିବାଦ .ଦେଖା ଦେଇଛି। ଏହି ଘଟଣାକୁ କିଛି ଲୋକ ପସନ୍ଦ କରି ନ ଥିଲା ବେଳେ ଏଥିପାଇଁ ସିଧା ସିଧା ମୋଦୀ ସରକାରଙ୍କୁ
ଏ ସମ୍ପର୍କରେ ସ୍ପଷ୍ଟୀକରଣ ଦେଇ ପ୍ରତିରକ୍ଷା ମନ୍ତ୍ରାଳୟ କହିଛି ଯେ, ସ୍ୱାଧୀନତା ଦିବସ କାର୍ଯ୍ୟକ୍ରମ ସମୟରେ ଆଗଧାଡିରେ ଅଲିମ୍ପିକ୍ସ ମେଡାଲ ବିଜେତାମାନଙ୍କ ବସିବା ପାଇଁ ବ୍ୟବସ୍ଥା କରାଯାଇଥିଲା । ଏ ନେଇ ରାହୁଲ ଗାନ୍ଧୀ ପଛ ଧାଡିରେ ବସିଥିଲେ । ନଚେତ୍ ପ୍ରୋଟୋକଲ ମୁତାବକ, ବିରୋଧୀ ଦଳର ନେତା ଆଗଧାଡିରେ ବସିବା ନିୟମ ରହିଛି ବୋଲି ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ କୁହାଯାଇଛି ।
ସୂଚନାଯୋଗ୍ୟ,
ଅଲିମ୍ପିକ ପଦକ ବିଜେତାମାନେ ରାହୁଲଙ୍କ ଆଗରେ ବସିଥିବାର ନଜର ଆସିଛନ୍ତି। ସେ ଯେଉଁ ଲାଇନରେ ବସିଥିଲେ, ହକି ଦଳର କିଛି ଖେଳାଳି ମଧ୍ୟ ତାଙ୍କ ସହ ବସିଥିଲେ। ରାହୁଲଙ୍କ ପଛରେ ଆଉ ଦୁଇଟି ଧାଡି ଅଛି, ଯେଉଁଥିରେ ଅନ୍ୟ କେତେକ ଅତିଥି ବସିଛନ୍ତି। ଏଠାରେ ଧ୍ୟାନ ଦେବା କଥା ହେଉଛି ୧୦ ବର୍ଷ ମଧ୍ୟରେ ପ୍ରଥମ ଥର ପାଇଁ ସ୍ବାଧୀନତା ଦିବସ ପାଳନ ପାଇଁ ଲାଲକିଲ୍ଲାରେ ଜଣେ ବିରୋଧୀଦଳ ନେତା ଉପସ୍ଥିତ ଥିଲେ। ତାଙ୍କୁ ପଛରେ ବସାଇବାକୁ ନେଇ ବିବାଦ ଉଠିଛି। ତେବେ ଏହି ସମଗ୍ର ପ୍ରସଙ୍ଗରେ ସରକାରଙ୍କ ତରଫରୁ ଏକ ବିବୃତ୍ତି ମଧ୍ୟ ଆସିଛି।
ରାହୁଲ ଗାନ୍ଧୀଙ୍କୁ ପଛରେ ବସିବାକୁ ଦିଆଯିବା ପରେ କଂଗ୍ରେସ ଅଭିଯୋଗ କରିଛି ଯେ, କାର୍ଯ୍ୟରେ ମଧ୍ୟ ରାଜନୀତି ଚାଲିଛି। କଂଗ୍ରେସ ରାଜ୍ୟ ସଭା ସାଂସଦ ବିବେକ ତଙ୍କା କହିଛନ୍ତି, ପ୍ରତିରକ୍ଷା ମନ୍ତ୍ରଣାଳୟ କାହିଁକି ଏତେ ଖରାପ ଆଚରଣ କରୁଛି? ଲୋକ ସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ଚତୁର୍ଥ ଧାଡିରେ ବସିଛନ୍ତି। ବିରୋଧୀ ଦଳର ନେତା ପ୍ରଧାନମନ୍ତ୍ରୀଙ୍କ ପରେ ଆସୁଛନ୍ତି, ଆପଣ ପ୍ରତିରକ୍ଷା ମନ୍ତ୍ରଣାଳୟକୁ ଏକ ଜାତୀୟ କାର୍ଯ୍ୟକୁ ରାଜନୀତିକରଣ କରିବାକୁ କିପରି ଅନୁମତି ଦେଲେ? ରାଜନାଥ ଜୀ ଆପଣଙ୍କଠାରୁ ଏମିତି ଆଶା ନ ଥିଲା।
ଏଥିସହିତ ରାହୁଲ ଗାନ୍ଧୀଙ୍କ ବସିବା ସ୍ଥିତିକୁ ନେଇ ରାଜନୀତିକୁ ନେଇ ସରକାର ମଧ୍ୟ ପ୍ରତିକ୍ରିୟା ରଖିଛନ୍ତି। ପ୍ରତିରକ୍ଷା ମନ୍ତ୍ରଣାଳୟ ସ୍ପଷ୍ଟ କରିଛି, ଏଥର ଅଲିମ୍ପିକ ପଦକ ବିଜେତାଙ୍କୁ ଆଗ ଧାଡି ଦିଆଯାଇଥିଲା। ଏହି କାରଣରୁ ରାହୁଲ ଗାନ୍ଧୀଙ୍କୁ ପଛ ଧାଡିରେ ବସିବାକୁ ପଡିଥିଲା। ସ୍ବାଧୀନତା ଦିବସ କାର୍ଯ୍ୟକ୍ରମ ଆୟୋଜନ କରିବା ଏବଂ ଏହାର ଆସନ ଯୋଜନା କରିବା ପ୍ରତିରକ୍ଷା ମନ୍ତ୍ରଣାଳୟର ଦାୟିତ୍ୱ ଅଟେ।
ପ୍ରୋଟୋକଲ ଅନୁଯାୟୀ, ଲୋକ ସଭାରେ ବିରୋଧୀ ଦଳର ନେତାଙ୍କୁ ସର୍ବଦା ଆଗଧାଡିରେ ଆସନ ଦିଆଯାଏ।
