ଯଦି ଆପଣଙ୍କୁ ପଚରାଯାଏ ଗୋଟିଏ ଡ୍ରେସ୍ କେତେଦିନ ପିନ୍ଧିପାରିବେ? ଉତ୍ତର ହେବ ଗୋଟିଏ କି ଦୁଇଦିନ। ତା’ଠୁ ବେଶି ହୋଇ ନ ପାରେ। କିନ୍ତୁ ଜଣେ ମହିଳା ଗୋଟିଏ ଡ୍ରେସ୍କୁ ତିନି ମାସରୁ ଊର୍ଦ୍ଧ୍ୱ ପିନ୍ଧି ରେକର୍ଡ କରିଛନ୍ତି। ବୋଷ୍ଟନରେ ରହୁଥିବା ସାରା ରବିନ୍ସ ହେଉଛନ୍ତି ଏହି ମହିଳା। ସେ ଗୋଟିଏ ଡ୍ରେସ୍କୁ ୧୦୦ ଦିନ ପର୍ଯ୍ୟନ୍ତ ପିନ୍ଧି ଚର୍ଚ୍ଚାର ବିଷୟ ପାଲଟିବା ସହ ରେକର୍ଡ ଧାରଣ କଲେ। ସେ ଗୋଟିଏ ପୋଷାକ ପିନ୍ଧିଥିଲେ, ହେଲେ ଭିନ୍ନ ଭିନ୍ନ ଢଙ୍ଗରେ। ଉକ୍ତ ଡ୍ରେସକୁ ସେ କେବେ ସ୍କର୍ଟ, କେବେ ଜିନ୍ସ ତ ଆଉ କେବେ ଜ୍ୟାକେଟ୍ ସହ ପିନ୍ଧିଥିଲେ। ୧୬ ସେପ୍ଟେମ୍ବର ୨୦୨୦ରେ ସେ ଏହି ଚ୍ୟାଲେଞ୍ଜରେ ଅଂଶ ଗ୍ରହଣ କରିଥିଲେ। ସେ ସେହି ଡ୍ରେସ୍କୁ ପିନ୍ଧି ନିଜର ବିଭିନ୍ନ କାମ କରିଛନ୍ତି। ବିଭିନ୍ନ କାର୍ଯ୍ୟକ୍ରମକୁ ଯାଇଛନ୍ତି। ତେବେ ପ୍ରତିଥର ସେହି ଡ୍ରେସ୍କୁ ସେ ଭିନ୍ନ ଢଙ୍ଗରେ ପିନ୍ଧୁଥିଲେ। ତେଣୁ ଗୋଟିଏ ପୋଷାକ ବୋଲି ଜଣାପଡୁ ନ ଥିଲା। ସାରା ଏହି ଚ୍ୟାଲେଞ୍ଜ ଗ୍ରହଣ କରିବାର ଉଦ୍ଦେଶ୍ୟ ହେଉଛି ପ୍ରତିଦିନ କପଡା ଧୋଇବା ଦ୍ୱାରା ହେଉଥିବା ଅଯଥା ଜଳ ଅପଚୟ ସମ୍ପର୍କରେ ସମସ୍ତଙ୍କୁ ଅବଗତ କରାଇବା। ୧୦୦ ଦିନ ପୋଷାକ ପିନ୍ଧିବାର ଚ୍ୟାଲେଞ୍ଜ କପଡା ବ୍ରାଣ୍ଡ ଉଲ୍ ଆଣ୍ଡ କରିଥିଲା। ଏହି ଚ୍ୟାଲେଞ୍ଜ ଜିତିଥିବା ବ୍ୟକ୍ତିଙ୍କୁ ୧୦୦ ଆମେରିକୀୟ ଡଲାର ଭାଉଚର ପ୍ରଦାନ କରାଯାଇଥିଲା।
