ଭୁବନେଶ୍ୱର,୩।୧(ବ୍ୟୁରୋ): ରାଜ୍ୟରେ ଓମିକ୍ରନ ସଂକ୍ରମଣ ବଢିବା ନେଇ ସ୍ବାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ପ୍ରତିକ୍ରିୟା ରଖିଛନ୍ତି। ଯେଉଁମାନେ ବିଦେଶରୁ ଫେରୁଛନ୍ତି ସେମାନଙ୍କର ଟେଷ୍ଟ କରାହେଉଛି। ପଜିଟିଭ ହେଲେ ଜିନମ ସିକୁଏନ୍ସିଂ ମଧ୍ୟ କରାଯାଉଛି ବୋଲି ସାସ୍ଥ୍ୟ ନିର୍ଦ୍ଦେଶକ କହିଛନ୍ତି। ରବିବାର ୨୩ ଜଣ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଥିଲେ। ସେମାନଙ୍କ ମଧ୍ୟରୁ ୧୯ ଜଣଙ୍କ ଲକ୍ଷଣ ନାହିଁ। ଖୁବ୍ କମ୍ ଲୋକଙ୍କର ଲକ୍ଷଣ ଦେଖାଯାଉଛି।
ଓମିକ୍ରନ ଆକ୍ରାନ୍ତଙ୍କ ମଧ୍ୟରେ ସ୍ଥାନୀୟ ସଂକ୍ରମିତ ରହିଛନ୍ତି। କମ୍ୟୁନିଟିରେ ଭାଇରସ ଅଛି। ଗୋଷ୍ଠୀରେ ଓମିକ୍ରନ ରହିଛି। ତାକୁ ଚିହ୍ନଟ କରାଯାଉଛି। ଏହା ଅଧିକ ସଂକ୍ରମଣ କରିବ, କିନ୍ତୁ ଭୟଙ୍କର ନାହିଁ। ଭିଡ଼ ଜମାନ୍ତୁ ନାହିଁ ବୋଲି ସେ କହିଛନ୍ତି।
