ପୂର୍ବତନ କ୍ରିକେଟର ଭିଭିଏସ୍ ଲକ୍ଷ୍ମଣ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଜଣେ ୭୫ ବର୍ଷୀୟା ବୃଦ୍ଧାଙ୍କ ଫଟୋ ଶେୟାର କରିଛନ୍ତି। ଯେଉଁଥିରେ ବୃଦ୍ଧା ଜଣକ ଏମିତି କିଛି କରୁଛନ୍ତି, ଯାହା ଆପଣ ଆଗରୁ କେବେ ଦେଖି ନ ଥିବେ। ସେ ଭିନ୍ନ ଏକ ଉପାୟରେ ମକା ପୋଡ଼ି ବିକୁଛନ୍ତି। ଲୋକେ ବୃଦ୍ଧାଙ୍କ ବୁଦ୍ଧିକୁ ଖୁବ୍ ପ୍ରଶଂସା କରୁଛନ୍ତି।
ପୂର୍ବତନ କ୍ରିକେଟର ଭିଭିଏସ୍ ଲକ୍ଷ୍ମଣଙ୍କ ଦ୍ୱାରା ଶେୟାର ହୋଇଥିବା ଫଟୋକୁ ତାଙ୍କ ପ୍ରଶଂସକମାନେ ବି ପସନ୍ଦ କରୁଛନ୍ତି। ଲକ୍ଷ୍ମଣ ତାଙ୍କ ସୋସିଆଲ ମିଡିଆରେ ସବୁବେଳେ ପ୍ରେରଣାଦାୟକ ଭିଡିଓ ଶେୟାର କରିଥାନ୍ତି। ଏବେ ଯେଉଁ ଭିଡିଓ ଶେୟାର କରିଛନ୍ତି, ଏଥିରେ ଜଣେ ବୃଦ୍ଧା ସୋଲାର ଶକ୍ତିର ବ୍ୟବହାର କରି ମକା ପୋଡ଼ି ଗ୍ରାହକଙ୍କୁ ଦେଉଛନ୍ତି। ଯାହା ଅନ୍ୟମାନଙ୍କ ପାଇଁ ଉଦାହରଣ ପାଲଟିଛି।
ବେଙ୍ଗାଲୁରୁ ବିଧାନସଭା ବାହାରେ ସେଲବମା ନାମକ ଜଣେ ବୃଦ୍ଧା ନିଜର ଏକ ଛୋଟ ଠେଲା ଗାଡ଼ିରେ ବେପାର କରୁଛନ୍ତି। ହାତରେ ପଙ୍ଖା ବୁଲାଇ ମକା ପୋଡ଼ିବାରେ ତାଙ୍କୁ କଷ୍ଟ ହେଲା। ତେଣୁ ସେ ସୋଲାର ପଙ୍ଖା ଲଗାଇ ସହଜରେ ମକା ପୋଡ଼ି ପାରୁଛନ୍ତି। ଏହା ଦେଖି ଲକ୍ଷ୍ମଣ ବୃଦ୍ଧାଙ୍କୁ ପ୍ରଶଂସା କରିବା ସହ ତାଙ୍କ ଫଟୋକୁ ନିଜର ସୋସିଆଲ ମିଡିଆରେ ଶେୟାର କରିଛନ୍ତି।
